Morgunblaðið - 14.11.2007, Blaðsíða 18
18 MIÐVIKUDAGUR 14. NÓVEMBER 2007 MORGUNBLAÐIÐ
ERLENT
Belem. AFP. | Ban Ki-moon, fram-
kvæmdastjóri Sameinuðu þjóð-
anna, hét Brasilíubúum því að hann
hygðist leggja öll sín lóð á vogar-
skálarnar til að tryggja verndun
regnskóganna í Amazon.
Regnskógasvæðið í norðurhluta
Brasilíu hefur stundum verið líkt
við „lungu jarðar“ sökum þess
hversu mikið magn gróðurhúsa-
lofttegunda það „gleypir“ en skóg-
arhögg ógnar hins vegar Amazon.
Heimsóknin til Amazon-svæðisins
var hluti af ferðalagi Bans til ým-
issa staða þar sem hvað helst má sjá
áhrif loftslagsbreytinga í heiminum
en Ban hefur heitið því að baráttan
gegn loftslagsbreytingum verði eitt
af helstu verkefnum SÞ í fram-
kvæmdastjóratíð hans.
Ban hyggst deila því sem hann
hefur orðið vísari á ferðalagi sínu
með fulltrúum á loftslagsráðstefn-
unni (IPCC) í Valencia á Spáni síðar
í þessari viku og síðan á ráðstefnu á
Balí í desember.
Heitir Brasilíumönnum meiri
aðstoð við verndun Amazon
AP
Loftslagsáherslur Ban Ki-moon
(t.v.) kannar aðstæður í Belem.
LYFJAFYRIRTÆKIÐ Merck hefur samþykkt að greiða
4,85 milljarða dollara, sem svarar 290 milljörðum króna,
til að ná sátt í 95% þeirra dómsmála sem höfðuð hafa
verið gegn fyrirtækinu í Bandaríkjunum vegna gigt-
arlyfsins Vioxx.
Merck stóð frammi fyrir þúsundum dómsmála vegna
lyfsins sem var tekið af markaði í september 2004 eftir
að rannsókn fyrirtækisins leiddi í ljós að þeim sem tækju
lyfið inn í átján mánuði eða lengur var helmingi hættara
við hjartaáföllum en öðrum.
Richard Clark, forstjóri og stjórnarformaður Merck í
Bandaríkjunum, sagði að í sáttinni fælist ekki að fyr-
irtækið viðurkenndi skaðabótaskyldu vegna aukaverkana lyfsins.
Lyfjayrirtækið hyggst stofna tvo sjóði, að sögn fréttastofunnar AFP.
Annar sjóðanna verður að andvirði fjögurra milljarða dollara vegna
hjartasjúkdóma og hinn að andvirði 850 milljóna dollara vegna heilablóð-
fallstilfella.
Merck nær sátt í dómsmálum
vegna gigtarlyfsins Vioxx
Richard Clark,
forstjóri Merck.
TVEIR menn, þingmaður og bíl-
stjóri, biðu bana og að minnsta
kosti tíu særðust þegar sprengja
sprakk við inngang byggingar
neðri deildar þingsins í Manila í
gær. Her Filippseyja var í við-
bragðsstöðu vegna sprenging-
arinnar.
Lögreglustjóri Manila sagði að
sprengjan hefði verið á bifhjóli ná-
lægt bíl þingmannsins Wahabs Ak-
bars sem beið bana ásamt bílstjóra
annars þingmanns. Talið er að
sprengjunni hafi verið komið fyrir
þar til að myrða Akbar sem er
múslími og var tvisvar sinnum hér-
aðsstjóri Basilan, eyjar þar sem ísl-
amska hreyfingin Abu Sayaf hefur
haft bækistöðvar.
Reuters
Tilræði Lögreglumenn rannsaka
vettvang sprengjuárásar í Manila.
Þingmanni
banað í Manila
NOTAÐIR smokkar hafa verið endurunnir og nýttir í hárbönd í Guang-
dong-héraði í suðurhluta Kína, að sögn þarlendra fjölmiðla. Þeir segja
hættu á því að HIV-veiran, sem veldur alnæmi, og fleiri veirur og bakt-
eríur, sem valda kynsjúkdómum, geti leynst í hárböndunum. Að sögn fjöl-
miðlanna eru hárböndin ódýr og hafa selst eins og heitar lummur.
Endurnýta smokka í hárbönd
HUNDRUÐ rússneskra hermanna
voru send til að hreinsa upp 2.000
tonn af olíu sem lak í Svartahaf úr
fimm skipum sem eyðilögðust í
óveðri um helgina. Yfirvöld sögðu
hættu á miklum umhverfisspjöllum.
Hreinsa Svartahaf
VLADÍMÍR Pútín Rússlandsforseti
sagði að stórsigur bandamanna
hans í þingkosningum 2. desember
myndi færa honum „siðferðilegan
rétt“ til að halda miklum áhrifum
eftir að hann lætur af embætti.
Réttur til áhrifa?
FORSKOT Hillary Clinton á Bar-
ack Obama hefur minnkað úr 30
prósentustigum í 19 samkvæmt
nýrri könnun á fylgi þeirra sem
sækjast eftir því að verða forseta-
efni demókrata í Bandaríkjunum.
Clinton dalar
FRANZ Müntefering, varakanslari
og vinnumálaráðherra Þýskalands,
hefur sagt af sér vegna veikinda
eiginkonu sinnar sem er með
krabbamein. Líklegt er að Frank-
Walter Steinmeier utanrík-
isráðherra verði varakanslari.
Müntefering fer frá
FJÖLMIÐLAMENN á Indlandi
fengu í gær að taka myndir af
tveggja ára stúlku, sem fæddist
með fjóra fætur og fjórar hendur,
eftir að aukaútlimirnir voru fjar-
lægðir í skurðaðgerð sem stóð í 27
stundir. Foreldrar stúlkunnar eru
hér með henni á blaðamannafundi á
sjúkrahúsi í Banglore.
AP
Laus við fjóra aukaútlimi
Eftir Boga Þór Arason
bogi@mbl.is
BENAZIR Bhutto, fyrrverandi for-
sætisráðherra Pakistans, krafðist
þess í gær að Pervez Musharraf
hershöfðingi léti af embætti forseta
eftir að hún var sett í stofufangelsi í
annað skipti á fimm dögum. Er þetta
í fyrsta skipti sem Bhutto krefst þess
að Musharraf segi af sér.
Bhutto sagði að ekki kæmi til
greina lengur að semja um samstarf
við Musharraf og kvaðst vilja mynda
bandalag gegn honum með öðrum
leiðtogum stjórnarandstöðunnar,
þeirra á meðal Nawaz Sharif, fyrr-
verandi forsætisráðherra, sem hefur
lengi verið erkifjandi hennar í
stjórnmálunum. Hún sagði að
bandalagið myndi aðeins hafa eitt
markmið: að koma á lýðræði að nýju.
Bhutto var haldið í stofufangelsi
ásamt nánustu samstarfsmönnum
sínum í borginni Lahore. Yfir þús-
und lögreglumenn voru á varðbergi
við hús hennar, sem var girt gadda-
vír, og handtóku um 100 stuðnings-
menn hennar. Þúsundir vopnaðra
lögreglumanna lokuðu öllum götum
að hverfinu til að koma í veg fyrir að
Bhutto tæki þátt í fjöldamótmælum
sem hún hafði boðað.
Hætti að styðja Musharraf
Bhutto hvatti leiðtoga annarra
ríkja til að hætta að styðja Musharr-
af sem George W. Bush Bandaríkja-
forseti hefur litið á sem mikilvægan
bandamann í baráttunni gegn
hryðjuverkastarfsemi.
„Musharraf hershöfðingi verður
að fara frá,“ sagði Bhutto í viðtali við
fréttastofuna AFP. „Hann verður að
segja af sér sem forseti og sem yf-
irhershöfðingi. Ég hvet alþjóðasam-
félagið til að hætta að styðja hann –
einræðisherra sem hefur boðið heim
hættu á glundroða og upplausn í ríki
sem ræður yfir kjarnavopnum.“
Bhutto hafði áður reynt að ná
samkomulagi við Musharraf um að
þau deildu með sér völdunum eftir
þingkosningar í janúar; Musharraf
sem forseti og Bhutto sem forsætis-
ráðherra. Hún sagði slíkt samkomu-
lag ekki lengur koma til greina þar
sem hann hefði brugðist skyldum
sínum sem þjóðhöfðingi með því að
setja neyðarlög, afnema stjórnar-
skrána, víkja dómurum hæstaréttar
frá, láta handtaka stjórnarandstæð-
inga og hefta frelsi fjölmiðla. „Ég
myndi ekki gegna embætti forsætis-
ráðherra í skjóli manns sem hefur
hvað eftir annað svikið loforð sín,
manns sem er einræðisherra.“
The New York Times hafði í gær
eftir bandarískum embættismönn-
um að Bush forseti hygðist senda
hátt settan erindreka til Pakistans í
því skyni að hvetja Musharraf til að
aflétta neyðarlögunum fyrir þing-
kosningarnar. Líklegt er að John
Negroponte, aðstoðarutanríkisráð-
herra Bandaríkjanna, fái þetta verk-
efni því skýrt var frá því í gær að
hann færi til Pakistans á næstunni.
Talsmaður Bush áréttaði þá af-
stöðu forsetans að aflétta þyrfti
neyðarlögunum til að þingkosning-
arnar gætu talist frjálsar og lýðræð-
islegar. Stjórn Bush hafði vonast til
þess að Musharraf og Bhutto tækju
höndum saman fyrir kosningarnar í
þágu baráttunnar gegn íslömskum
öfgahreyfingum.
Bhutto krefst þess að
Musharraf segi af sér
Kveðst nú vera tilbúin að mynda bandalag með öðrum
stjórnarandstöðuleiðtogum til að koma á lýðræði
Reuters
Handtekin Stuðningsmenn Benazir Bhutto í bíl sem notaður var til að
handsama fólk fyrir utan hús hennar í borginni Lahore í gær.
Dalvegi 10-14 • Sími 577 1170
Innrettingar
Þi´n vero¨ld
X
E
IN
N
IX
0
7
06
0
08