Morgunblaðið - 14.11.2007, Blaðsíða 22
22 MIÐVIKUDAGUR 14. NÓVEMBER 2007 MORGUNBLAÐIÐ
AKUREYRI
HÓPI Pólverja sem starfar á Akur-
eyri hefur verið meinaður aðgangur
að skemmtistaðnum Kaffi Akureyri
vegna dónalegrar framkomu við
kvenfólk, eins og eigandi staðarins
orðar það.
„Þetta hefur verið vandamál í
nokkra mánuði. Það má segja að við
höfum sofið á verðinum og hefðum
átt að grípa inn í miklu fyrr,“ segir
Birgir Torfason, annar eigenda
staðarins.
Birgir segir um að ræða 20 manna
hóp. „Þeir eru oft dauðadrukknir og
haga sér eins og ruddar; vaða í klof-
ið á kvenfólki og virðast halda að all-
ar stelpur sem eru einar á ferð séu
tilkippilegar.“ Upp úr sauð fyrir
hálfum mánuði, að sögn Birgis. „Þá
brutust hér út slagsmál og þessir
menn gengu m.a. í skrokk á dyra-
vörðunum okkar. Þá var ákveðið að
taka á málinu fyrir fullt og allt.
Ákvörðunin er því endanleg.“
Birgir segir margbúið að vísa um-
ræddum mönnum út af staðnum og
reynt að útskýra málið en þeir ekki
látið segjast. „Svona dónaleg fram-
koma verður ekki liðin hér.“
Morgunblaðið/Skapti Hallgrímsson
„Dónaleg
framkoma
ekki liðin“
Verið úti Birgir Torfason eigandi
Kaffi Akureyrar og Vélsmiðjunnar.
Eftir Skapta Hallgrímsson
skapti@mbl.is
EIGENDUR hússins Hafnarstræti
98, gamla Hótels Akureyrar, eru von-
sviknir yfir því að menntamálaráð-
herra skuli hafa ákveðið að friða ytra
byrði hússins. Bæjarstjórinn á Akur-
eyri er ánægður með að niðurstaða
liggi fyrir og segir brýnt að koma hús-
inu í notkun, en það hefur staðið autt.
Athafnamenn á Akureyri keyptu
Hafnarstræti 98 fyrir nokkrum miss-
erum, bærinn samþykkti að rífa það
og eigendurnir hugðust byggja nýtt
hús á lóðinni. Húsafriðunarnefnd
skarst í leikinn í sumar og lagði til við
ráðherra að húsið yrði friðað, ásamt
tveimur öðrum við hliðina en þau hafa
þegar verið gerð sérlega fallega upp.
Þorgerður Katrín Gunnarsdóttir,
menntamálaráðherra, tilkynnti í gær
að hún hefði ákveðið að fara að tillögu
húsafriðunarnefndar.
„Ákvörðun ráðherra veldur okkur
vonbrigðum,“ sagði einn eigenda
hússins, Vignir Þormóðsson, við
Morgunblaðið í gær. „Sagan segir
okkur vissulega að ráðherra fari ekki
gegn vilja nefndarinnar en við gerð-
um okkur samt von um að svo yrði nú;
húsafriðunarnefnd kom mjög seint
fram með tillögu sína og við vonuð-
umst til þess að ráðherra myndi taka
tillit til þess.“
Vignir segir enn ekki ljóst hvað
framtíðin ber í skauti sér, en eigend-
urnir skoði vel sín mál. „Við höfum
þegar lagt í mikinn kostnað við þetta
verkefni,“ segir hann og bætir við að
eigendur hússins telji borðleggjandi
að þeir geti farið í skaðabótamál.
Hann tók fram að engum væri svo
sem greiði gerður með því að fara í
mál og ef til vill yrði hægt að ná við-
unandi niðurstöðu án þess. Vignir tel-
ur líklegt að möguleg krafa eigenda
hússins verði á ríkið þar sem húsafrið-
unarnefnd og síðan ráðherra hafi
gripið inn á málið með þessum hætti.
„Ég tel niðurstöðuna líka vonbrigði
fyrir Akureyrarbæ því höfum unnið
málið í góðu samstarfi við bæinn og
samkvæmt skipulagi.“
Sigrún Björk Jakobsdóttir, bæjar-
stjóri á Akureyri, kveðst fegin að nið-
urstaða sé fengin. „Nú getum við haf-
ist handa við að vinna málið áfram.
Við munum boða bæði húsafriðunar-
nefnd og eigendur hússins á fund til
þess að ræða hvað friðunin felur ná-
kvæmlega í sér. En það sem ég tel
brýnasta verkefnið nú er að koma
húsinu í not á ný.“
Sigrún Björk segir að staða bæj-
arins gagnvart hugsanlegum skaða-
bótum verði könnuð. „Réttarstaða
okkar er óljós því ekkert fordæmi er
fyrir svona máli hér á landi,“ sagði
hún við Morgunblaðið.
Ráðherra ákveður að
friða Hótel Akureyri
Morgunblaðið/Skapti Hallgrímsson
Friðuð Hafnarstræti 98, t.v., sem lengi hefur verið í niðurníðslu og París,
bláa húsið. Næsta hús þar sunnan við, Hamborg, hefur líka verið friðað.
Í HNOTSKURN
»Húsin [Hafnarstræti 94, 96og 98] eru öll talin hafa
mikið gildi fyrir umhverfi sitt,
ýmist sem hornhús eða áber-
andi kennileiti í miðbæ Ak-
ureyrar, segir í tilkynningu
frá ráðherra í gær þar sem
greint var frá því að ákveðið
hefði verið að friða ytra byrði
húsanna þriggja.
STARF forstöðumanns veiðistjórn-
unarsviðs Umhverfisstofnunar
(UST) verður lagt niður um áramót,
þegar nýtt skipu-
rit stofnunarinnar
tekur gildi. Áki
Ármann Jónsson
var skipaður
veiðistjóri þegar
embættið var sett
á laggirnar 1995,
með aðsetur á Ak-
ureyri. Fyrir fjór-
um árum samein-
aðist það Um-
hverfisstofnun og „veiðistjóri“ varð
þá forstöðumaður veiðistjórnunar-
sviðs UST. Starfsmenn á Akureyri
hafa verið fimm undanfarið og ekki
er annað vitað en hinir fjórir starfi
þar áfram, en Áka hefur verið boðið
nýtt starf forstöðumanns fræðslu-
og upplýsingasviðs, með aðsetur í
höfuðstöðvunum í Reykjavík.
Haft er eftir Ellý Katrínu Guð-
mundsdóttur, forstjóra UST, á
heimasíðu stofnunarinnar að nýtt
skipurit sé afrakstur yfirgripsmikill-
ar stefnumótunarvinnu sem staðið
hafi frá því í vor. Með breytingunum
sé verið að skapa „nýjan grundvöll
fyrir umræðu um framtíð stofnunar-
innar og horfa fram á veginn með
opnum huga og jafnframt að svara
kröfum stjórnsýsluúttektar sem
gerð var á stofnuninni á síðasta ári“.
Samkvæmt nýja skipuritinu mun
UST skiptast í tvö fagsvið; svið nátt-
úru- og dýraverndar og svið holl-
ustuverndar og mengunarvarna; og
þrjú stoðsvið, svið lögfræði og
stjórnsýslu, fjármála og rekstrar og
fræðslu- og upplýsingamála.
Starfið á
Akureyri
lagt niður
Áki Ármann
Jónsson
Eftir Svanhildi Eiríksdóttur
Reykjanesbær | „Það er voðalega
rólegt hérna, ennþá alla vega.
Annars finnst mér þetta voða kósí,
svona sveitastemmning í ró og
næði,“ sagði Íris Ösp Sigurbjörns-
dóttir, háskólanemi og íbúi á Vall-
arheiði, um dvölina þar í samtali
við blaðamann. Hún hafði ekkert
nema gott að segja um búsetuna á
gamla varnarsvæðinu, nema ef
vera skyldi rokið, en öllu vinda-
samara er á Vallarheiði en í öðrum
hverfum Reykjanesbæjar og þykir
nú samt mörgum nóg um. Gott
væri líka að fá meiri þjónustu en
nú er á boðstólnum.
Íbúar á Vallarheiði eru rúmlega
700 manns og í byrjun næsta árs
mun þeim fjölga nokkuð þegar
fleiri íbúðum verður úthlutað til
nýrra íbúa. Sumir hafa kosið að
selja eða leigja eignir sínar og
flytjast búferlum á Vallarheiði en
aðrir eru að byrja að búa í fyrsta
sinn. Það á við um viðmælanda
Morgunblaðsins, Írisi Ösp Sig-
urbjörnsdóttur háskólanema og 21
árs gamla einstæða móður sem hóf
nám í félagsráðgjöf í Háskóla Ís-
lands í ágúst síðastliðnum.
Blaðamanni fannst skjóta eilítið
skökku við að Íris Ösp skyldi
flytja frá Reykjavík til Reykjanes-
bæjar til þess eins að ferðast svo á
hverjum degi til Reykjavíkur í
skólann. „Ég gerði þetta til þess
að flytja að heiman. Ég bjó hjá
mömmu og manninum hennar og
vildi prófa að búa ein með dóttur
mína, Helgu Völu sem er 18 mán-
aða. Auk þess er leiguverðið hérna
grín,“ sagði Íris Ösp. Hún hefur
áður búið í Reykjanesbæ og hefur
góð tengsl í bænum þannig að bú-
setan þar er ekki ný fyrir henni.
„Mér fannst ekkert mál að koma
aftur suður og mér finnst ekkert
mál að keyra daglega til Reykja-
víkur. Ég hef hins vegar heyrt að
þeir sem ekki hafa búið hér treysti
sér ekki til af koma hingað.“
Íris Ösp lætur vel að dvölinni á
Vallarheiði. Hún er ánægð með
íbúðina, enda fylgdu henni öll
heimilistæki sem hentar vel þegar
byrjað er að búa í fyrsta sinn.
„Þetta eru lúxusíbúðir með allt til
alls. Það eina sem ég þurfti að
gera var að sanka að mér hús-
gögnum héðan og þaðan. Að vísu
líkaði Helgu Völu sérherbergið
ekkert of vel en er núna mjög
sátt.“ Íris Ösp sagði líka góðan
kost að hafa þvottaaðstöðu inni í
íbúðunum.
Rútuferðirnar lagaðar
Þegar litið er út um einn
gluggann á íbúðinni er ekki mikið
líf að sjá, enda sagði Íris Ösp að
ekki væri komin samfélagsmynd á
hverfið enn og lítið um að vera
fyrir utan starfsemina hjá Keili.
Hins vegar líkar henni þetta vel og
hún hefur eignast fullt af vinum.
„Þannig er að margir hér í hverf-
inu eru með mér á fyrsta ári í fé-
lagsráðgjöf í Háskóla Íslands
þannig að ég hef kynnst mörgum.
Mér finnst ég mjög heppin með
það.“
Íris Ösp hefur nýtt sér rútuferð-
ir Reykjanes Express sem Sérleyf-
isbifreiðar Keflavíkur byrjuðu að
bjóða upp á fyrir háskólanema á
höfuðborgarsvæðinu frá sam-
göngumiðstöð við Grænás í haust.
Ferðirnar stemmdu hins vegar
ekki við kennsluna í fyrstu og þá
tók Íris Ösp til sinna ráða. „Þann-
ig var að ég gat ekki nýtt mér eina
einustu ferð af þeim ferðum sem
SBK bauð upp á til og frá Reykja-
vík. Þær stemmdu enga veginn við
skóladaginn hjá mér. Ég skrifaði
því Runólfi Ágústssyni, fram-
kvæmdastjóra Keilis, bréf og
þessu var kippt í lag. Ég veit líka
um fleiri sem sendu honum ábend-
ingar þannig að rútuferðirnar voru
lagaðar eftir þörfum háskólanem-
anna, bæði fjölgaði ferðum og
áætlunin breyttist. Mér fannst
þetta mjög flott hjá honum.“
Aðra þjónustu hefur Íris Ösp
ekki notað á Vallarheiði þar sem
ekkert laust pláss var fyrir Helgu
Völu hjá dagmömmu á svæðinu.
Íris Ösp keyrir hana því á Heið-
arbólsróluvöllinn á hverjum
morgni og telur það ekki eftir sér,
enda stúlkan alsæl hjá dagmömm-
unni. Íris Ösp sagði Helgu Völu þó
fara á leikskóla á Vallarheiði þegar
hún kæmist inn.
Þegar blaðamaður spyr Írisi
Ösp í lokin hvaða þjónustu hún
myndi vilja fá til viðbótar á Vall-
arheiði er hún fljót til svars. „Ég
myndi vilja að það væri svona eins
og eitt kaffihús hérna. Það vantar
stað til að hittast á. Svo verður
gott þegar sundlaugin verður opn-
uð. Mér skilst að það sé ekki langt
í það.“
Líkar vel við rólegheitin og
sveitastemmninguna á Vallarheiði
Morgunblaðið/Svanhildur Eiríksdóttir
Ánægðar Írisi Ösp Sigurbjörnsdóttur líkar lífið á Vallarheiði en vildi hafa
minna rok. Helga Vala Írisardóttir er ánægð með að hafa sér herbergi.
Háskólaneminn Íris
Ösp flutti að heiman
í haust ásamt dóttur
sinni og þær hófu bú-
skap á Vallarheiði
Í HNOTSKURN
»Líf komst að nýju í íbúðar-hverfi varnarliðssvæðisins
á Keflavíkurflugvelli þegar
Keilir leigði stúdentum liðlega
300 íbúðir. Þar búa nú um 700
manns.
»Hverfið nefnist nú Vall-arheiði. Íbúum mun fjölga
í byrjun næsta árs þegar farið
verður að úthluta fleiri íbúð-
um.
» Íris Ösp Sigurbjörnsdóttirfinnst vanta kaffihús á
Vallarheiði svo hægt sé að
hitta aðra utan heimilisins.
LANDIÐ