Morgunblaðið - 07.05.2008, Blaðsíða 2
2 MIÐVIKUDAGUR 7. MAÍ 2008 MORGUNBLAÐIÐ
FRÉTTIR
Morgunblaðið Hádegismóum 2, 110 Reykjavík. Sími 5691100 Fréttir frett@mbl.is Fréttastjórar Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Viðskipti vidsk@mbl.is Björn Jóhann
Björnsson, fréttastjóri, bjb@mbl.is Daglegt líf Anna Sigríður Einarsdóttir, annaei@mbl.is Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Umræðan | Bréf til blaðsins Guðlaug Sigurðardóttir, ritstjórnarfulltrúi,
gudlaug@mbl.is Minningar minning@mbl.is, Stefán Ólafsson, Arnór Ragnarsson Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp | Sjónvarp Sigurlaug Jakobsdóttir, dagskra@mbl.is mbl.is netfrett@mbl.is Guðmundur
Sv. Hermannsson fréttastjóri gummi@mbl.is
MJÖG góður samhljómur var með
fundarmönnum á fundi forystu rík-
isstjórnarinnar með fulltrúum aðila
á vinnumarkaði og Sambands ís-
lenskra sveitarfélaga í Ráðherrabú-
staðnum í gær. Á fundinum var farið
yfir efnahagsástandið og þróun
þeirra mála frá því kjarasamningar
voru gerðir í febrúar s.l. og síðan
þessir aðilar hittust síðast á sam-
ráðsfundi í júlí í fyrra.
„Það hefur enginn áhuga á því að
verðbólga festist hér í sessi. Við höf-
um áhuga á því að geta staðið við
forsendur þeirra kjarasamninga
sem gerðir voru í febrúar – það sem
snýr að ríkisvaldinu í þeim efnum –
og einhugur hér meðal manna að
stefna að því að ná hér á ný þeim
stöðugleika í efnahagslífinu sem
nauðsynlegur er fyrir okkur öll,“
sagði Geir H. Haarde forsætisráð-
herra sem sat fundinn ásamt Ingi-
björgu Sólrúnu Gísladóttur utanrík-
isráðherra og Árna M. Mathiesen
fjármálaráðherra fyrir hönd ríkis-
stjórnarinnar.
Geir sagði ákveðið að halda sam-
ráði aðila áfram og að á allra næstu
vikum yrðu sérfræðingar settir í að
greina vandann sameiginlega og
gera tillögur um hvernig ætti að
mæta honum. Síðan er ætlunin að
halda annan fund áður en mjög
langt um líður.
Einörð í að stilla saman strengi
Ingibjörg Sólrún Gísladóttir taldi
öllum vera ljóst hve alvarlegt það
væri ef verðbólgan næði að festast í
sessi. „Það er sameiginlegt keppi-
kefli okkar allra að stuðla að því að
það verði ekki og að kjarasamning-
arnir geti haldið sem gerðir hafa
verið á hinum almenna vinnumark-
aði. Ég tel að við munum öll fara frá
þessum fundi alveg einörð í því að
stilla saman strengi í því sem fram
undan er.“
Ingibjörg taldi mikilvægt að horf-
ast í augu við að hér hefði orðið
verðbólguskot og því yrði ekki
breytt. „Það sem við getum gert er
að huga að því hvernig við getum
varið stöðu og kjör þess fólks sem
bæði er búið að fjárfesta í íbúðar-
húsnæði og gera kjarasamninga þar
sem verðbólgan breytir forsendun-
um.“
Grétar Þorsteinsson, forseti ASÍ,
taldi að fundurinn hefði verið mjög
mikilvægur og kvaðst binda miklar
vonir við framhaldið. „Við höfum
kallað eftir því síðustu vikurnar að
það yrði samráð þessara aðila sem
hér hafa hist,“sagði Grétar. Hann
sagði að tekin hefði verið ákvörðun
um að greina vandann. Síðan yrði að
leita ráða um hvernig mætti lág-
marka skaðann.
Ögmundur Jónasson, formaður
BSRB, sagði ljóst að vandinn væri
mikill og þörf á sameiginlegu átaki
þjóðarinnar allrar til að kveða niður
þann vágest sem verðbólgan er.
Hann sagði BSRB leggja ríka
áherslu á að horft yrði til innviða
samfélagsins. Hvað stjórnvöld ætl-
uðu að gera hvað varðar heilbrigð-
iskerfið, íbúðalánasjóð og aðra slíka
þætti, þá hlytu menn að horfa til
þess hvernig tækist að jafna kjörin í
landinu. „Auðvitað skiptir þetta
sköpum þegar við erum að tala um
hvort hér takist að gera einhvers
konar þjóðarsátt, sem ég vona að
verði,“ sagði Ögmundur.
Samtakamáttur leiði til lausnar
Halldóra Friðjónsdóttir, formað-
ur BHM, benti á að þau væru nú í
kjaraviðræðum. Ekki væri auðvelt
að gera kjarasamninga meðan verð-
bólgan væri eins og nú. „Ég held að
það sé fyrsta skrefið að skilja betur
hvernig við getum hamið verðbólg-
una, ekki bara út frá kjarasamning-
um heldur öðrum leiðum líka,“ sagði
Halldóra.
Þór Sigfússon, formaður Samtaka
atvinnulífsins, kvaðst telja að þegar
„umsátrinu um Ísland“ lyki yrði far-
sæl lausn m.a. rakin til samtaka-
máttar í þessum hópi. Með umsátr-
inu átti hann við að erlent fjármagn
væri hætt að koma inn í landið. „Ég
vonast líka til þess að það verði sagt
fljótlega eftir þennan fund að ríkið
sé að taka lán og útvega fjármagn til
að bæta gjaldeyrisforðann, auka
traust og koma hjólum atvinnulífs-
ins aftur af stað,“ sagði Þór.
Halldór Halldórsson, formaður
Sambands íslenskra sveitarfélaga,
sagði engan vilja að verðbólgan
næði sér aftur á strik. Vilhjálmur
Egilsson, framkvæmdastjóri SA,
taldi að það ætti ekki að taka langan
tíma að greina ástandið. Hann sagði
að menn þyrftu að átta sig á því að
það að halda uppi atvinnustiginu
skipti langmestu máli fyrir kjör
fólksins.
Forsvarsmenn ríkisstjórnarinnar funduðu með fulltrúum aðila vinnumarkaðarins og sveitarfélaga í gær
Morgunblaðið/Kristinn
Samráð Fundarmenn voru á einu máli um að samhugur ríkti um að ráðast gegn vandanum sem nú blasir við.
Einhugur um
að ná stöðug-
leika á ný
Forsætisráðherra segir að samráði þeirra sem hittust
í gær verði haldið áfram. Sérfræðingar verða fengnir
til að greina efnahagsvandann sem nú blasir við og
koma með tillögur um leiðir út úr honum.
gudni@ mbl.is
FÍKNIEFNI fundust á tveimur
stöðum á höfuðborgarsvæðinu fyrir
síðustu helgi. Í íbúð í Hafnarfirði var
lagt hald á 300 grömm af marijúana
og 11 kannabisplöntur. Í húsi í
Reykjavík fundust 60 grömm af am-
fetamíni en á sama stað lagði lög-
reglan hald á 200 þúsund krónur í
peningum sem grunur leikur á að
séu tilkomnir vegna fíkniefnasölu.
Fjórir karlar voru handteknir vegna
rannsóknar málanna. Í því síðar-
talda naut lögreglan á höfuðborgar-
svæðinu aðstoðar nýs fíkniefnaleit-
arhunds frá lögreglunni í Vest-
mannaeyjum en sá ferfætti var í
heimsókn í borginni. Óhætt er að
segja að fíkniefnaleitarhundur
þeirra Eyjamanna sé mjög efnilegur
og lofi góðu, segir í tilkynningu.
Fjórir karlar
handteknir
KENNARAR í grunnskólum Akra-
ness, Grundaskóla og Brekkubæj-
arskóla, hafa sett á yfirvinnubann
vegna deilu við bæjaryfirvöld um
greiðslu vegna aukins álags. Í
grunnskólunum eru yfir þúsund
nemendur og um 90 kennarar.
Meirihluti bæjarráðs Akraness
samþykkti í gær að standa við fyrri
afstöðu sína um að bjóða kennurum
eingreiðslu upp á 60 þúsund krónur
sem er háð því skilyrði að þeir sam-
þykki nýgerðan kjarasamning.
Fulltrúi minnihlutans bókaði að
hann vildi að rætt yrði áfram við
kennarana og aflað upplýsinga um
hvað greitt hefði verið vegna álags
kennara í Reykjavík og nágrenni, að
sögn Gísla S. Einarssonar, bæj-
arstjóra. Hann taldi víst að málið
yrði rætt frekar í bæjarstjórn.
Óskyld mál tengd saman
Elís Þór Sigurðsson, trún-
aðarmaður kennara í Grundaskóla,
sagði kennara á Akranesi fyrst hafa
sent bæjarráði skriflega ósk um
álagsgreiðslu 27. febrúar s.l. Því
bréfi hefði ekki verið svarað og því
send ítrekun í mars. Fulltrúar kenn-
ara mættu síðan á fund bæjarráðs
23. apríl og fóru þar fram á álags-
greiðslu líkt og mörg önnur sveit-
arfélög hafa greitt kennurum sínum.
Bæjarráð Akraness samþykkti
svo 28. apríl að greiða kennurunum
60.000 króna eingreiðslu, miðað við
fullt starf og í hlutfalli af stöðugildi
eftir því sem við á, þegar kjarasamn-
ingar kennara og Launanefndar
sveitarfélaga hefðu verið undirrit-
aðir og samþykktir. Þá samþykkti
bæjarráðið að greiða öðrum starfs-
mönnum kaupstaðarins jafnháa ein-
greiðslu þegar þeirra kjarasamn-
ingar hafa verið undirritaðir að
loknu núverandi samningstímabili.
Elís Þór sagði kennarana vera
mjög ósátta við að greiðslan til
þeirra væri bundin því að þeir sam-
þykktu kjarasamninginn. Telja þeir
að þarna sé blandað saman alls
óskyldum málum. Elís Þór sagði að
eftir samþykkt bæjarráðs hefðu
kennarar tilkynnt að þeir væru
hættir að vinna ófyrirséða yfirvinnu.
Engin forfallakennsla
„Við vinnum þá yfirvinnu sem við
skrifuðum undir samkvæmt vinnu-
skýrslu síðastliðið haust, en enga
aðra,“ sagði Elís Þór. Þær skólaferð-
ir sem þá hafði verið samið um verða
farnar, en aðrar ferðir, t.d. vorferðir,
eru í uppnámi. Ef kennarar forfall-
ast nú er enginn til að leysa þá af.
Elís Þór sagði þetta einnig koma
niður á aukakennslu vegna sam-
ræmdra prófa o.fl. Hann taldi líklegt
að kennarar mundu endurskoða af-
stöðu sína féllu bæjaryfirvöld frá
kröfu um samþykkt kjarasamnings.
Gísli bæjarstjóri sagði bæjarráð
hafa talið sig vera að rétta út sátt-
arhönd til kennara með eingreiðsl-
unni. Menn yrðu að gera sér grein
fyrir því að sveitarfélög á höfuðborg-
arsvæðinu hefðu leitt þessar
greiðslur og þær væru greiddar með
mismunandi hætti. Víða á landinu
væru álagsgreiðslur ekki greiddar.
Kennarar á Akranesi í yfirvinnubanni
Morgunblaðið/ÞÖK
Álagsþóknun Eingreiðslan er háð
samþykkt kennara á kjarasamningi.
ÁHRIFAVALDAR á Íslandi bera meira traust til fjöl-
miðla en til stjórnvalda og viðskiptalífsins. Í nýrri könn-
un Capacent Gallup mældist traust til fjölmiðla 69%, til
stjórnvalda 67% og til viðskiptalífsins 60%. Í sambæri-
legri könnun Capacent Gallup í fyrra reyndust flestir
treysta ríkisstjórninni/stjórnvöldum betur en viðskipta-
lífinu og fjölmiðlum.
Þessar niðurstöður verða meðal þess sem kynnt verð-
ur á morgunverðarfundi sem haldinn verður á vegum AP
almannatengsla, Viðskiptaráðs og Capacent Gallup á
Hilton Reykjavík Nordica á morgun, fimmtudag. Yfir-
skrift fundarins er Traust á umbrotatímum. Á fundinum
mun Jere Sullivan, aðstoðarforstjóri almannatengslafyr-
irtækisins Edelman í Evrópu, einnig kynna niðurstöður
úr níundu árlegu könnun Edelman meðal skilgreindra
áhrifavalda í 18 löndum og fjalla um hvernig fyrirtæki,
þjóðir og stofnanir geti nýtt niðurstöðurnar við að byggja
upp traust og trúverðugleika.
Treysta fjölmiðlum best