Morgunblaðið - 07.05.2008, Blaðsíða 26
26 MIÐVIKUDAGUR 7. MAÍ 2008 MORGUNBLAÐIÐ
MINNINGAR
✝ Ólafur Geir Sig-urgeirsson, sjó-
maður og síðar
starfsmaður hjá
Ísal, fæddist í Hafn-
arfirði 3. júlí 1925.
Hann andaðist að
morgni 27. apríl sl.
á Sjúkrahúsi Suður-
lands á Selfossi.
Foreldrar hans
voru hjónin Sig-
urgeir Ólafsson,
sjómaður í Borg-
arnesi og síðar
Hafnarfirði, f. 19.
september 1895 á Hamri í Borg-
arhreppi, d. 31. janúar 1979, og
Arnfríður Kristín Pétursdóttir,
húsmóðir, f. 31. janúar 1892 í
Staðarhraunssókn á Mýrum, d. 1.
september 1949. Þau eignuðust
þrjú börn, sem auk Ólafs voru
systurnar Ingibjörg og Helga, er
báðar eru látnar. Einnig ólu þau
Sigurgeir og Kristín upp einn
fósturson, Sigurð Stefánsson (lát-
inn 1968).
Hinn 16. nóvember 1946 kvænt-
ist Ólafur Salvöru Sumarliðadótt-
ur, húsmóður í Hafnarfirði, f. 6.
nóvember 1923, en hún lifir mann
sinn og býr nú á dvalarheimilinu
Ási í Hveragerði. Salvör er fædd í
Stykkishólmi og alin upp hjá for-
eldrum sínum, þeim Sumarliða
Einarssyni, f. 25. júlí 1889, d. 18.
september 1972 í Dalbæ í Garða-
hreppi, og Guðrúnu Randalín Sig-
urðardóttur, f. 12. júlí 1880, d. 28.
janúar 1952 í Hafnarfirði. Þau
Ólafur og Salvör eignuðust átta
börn, sem eru: 1) Ingibjörg, f. 31.
mars 1945 í Hafnarfirði. Ingibjörg
var gift Elíasi Hjörleifssyni (d.
2001), matreiðslumanni í Kaup-
mannahöfn. Sonur þeirra er Ólaf-
ur. 2) Bára, f. 20. ágúst 1946. Eig-
inmaður hennar er Elías Andri
Karlsson í Hafnarfirði. Dætur
Báru frá fyrra hjónabandi með
Lars Rosenlind eru: Helena og
Susanna. 3) Arnfríður Kristín, f.
3. júní 1950. Eiginmaður Arn-
fríðar er Steingrímur Viktorsson,
börn þeirra eru: Viktor, Ævar
Eftir að þau Ólafur og Salvör
höfðu stofnað heimili hætti Ólafur
á sjónum og hóf þá störf hjá Vél-
smiðju Hafnarfjarðar, þar sem
hann starfaði í meira en áratug.
Þá lá leiðin aftur á sjóinn um
1960, en áður hafði Ólafur hlotið
mótoristaréttindi. Árið 1967 hætti
Ólafur alfarið á sjónum og hóf
störf hjá Áhaldahúsi Hafn-
arfjarðar. Árið 1977 hóf hann svo
störf hjá Ísal í álverinu í Straums-
vík og starfaði þar til ársins 1993.
Ólafur var mikill félagsmála-
maður. Hann var mikill jafn-
aðarmaður og tók virkan þátt í
pólitísku starfi með Alþýðu-
flokknum í Hafnarfirði. Hann var
einnig virkur í stéttabaráttunni
og átti m.a. sæti í stjórn Sjó-
mannafélags Hafnarfjarðar á ár-
unum 1969-1975. Hann var einnig
fulltrúi félagsins í stjórn sjó-
mannadagsráðs og beitti sér m.a.
fyrir uppbyggingu orlofshúsa í
Hraunborgum og uppbyggingu
Hrafnistu í Hafnarfirði. Fyrir þau
störf var hann heiðraður með
orðu sjómannadagsráðs árið 1995.
Ólafur var félagi í Lionsklúbbi
Hafnarfjarðar og gegndi þar jafn-
framt ýmsum trúnaðarstörfum.
Var formaður klúbbsins 1989-’90
og sæmdur æðstu viðurkenningu
Lions, Melvin Jones, árið 1995.
Ólafur var alla tíð eldheitur
Haukamaður og fylgdist vel með
öllu starfi félagsins. Það varð til
þess að leitað var til hans um að
setjast í stjórn knattspyrnudeildar
félagsins og á árunum 1976-’78
var hann formaður deildarinnar.
Á þeim tíma var mikill uppgangur
hjá knattspyrnuderildinni og
Haukar unnu þá m.a. sæti í efstu
deild árið 1978. Hann varð aftur
formaður knattspyrnudeildar árið
1982. Síðustu æviárin lét Ólafur
sig sjaldan vanta á kappleiki fé-
lagsins í handbolta og í vetur var
hann sérstakur heiðursgestur á
leik Hauka gegn Akureyringum í
efstu deild handboltans á Ásvöll-
um. Ólafur var líka mikill áhuga-
maður um bridge og keppti í ára-
tugi fyrir Bridgefélag
Hafnarfjarðar og einnig með
keppnisliði Ísal.
Útför Ólafs Geirs verður gerð
frá Fríkirkjunni í Hafnarfirði í
dag, 7. maí, og hefst athöfnin kl.
13.
Geir (d. 2. júní 1984)
og Margeir. 4) Sig-
rún, f. 7. maí 1954, d.
11. september 1954 í
Hafnarfirði. 5) Sól-
rún, f. 7. maí 1954, d.
12. september 1954 í
Hafnarfirði. 6) Sig-
urgeir, f. 7. maí
1961. Eiginkona
hans er Oddný
Hrafnsdóttir, börn
þeirra eru: Kristjana
Helga og Ólafur. 7)
Hilmar Már, f. 25.
desember 1964. Eig-
inkona hans er Eygló Sigurjóns-
dóttir, börn þeirra eru: Sigurjón
og Hafdís. 8) Guðbjörn, f. 1. apríl
1967. Eiginkona hans er Áslaug
Eyfjörð, börn þeirra eru: Andri
Freyr, Arna Salvör og Nökkvi
Þór. Sonur Guðbjörns frá fyrri
sambúð með Rakel Þóru Finn-
bogadóttur er Þórður Geir.
Ólafur ólst upp í foreldrahúsum
á Linnetstíg 13 í Hafnarfirði, en á
unglingsárunum dvaldi hann á
sumrin í sveit hjá föðurafa sínum
á Hamri í Borgarhreppi og einnig
á næstu bæjum. Hann stundaði
nám við Barnaskóla Hafn-
arfjarðar og byrjaði ungur að
starfa hjá Jóni Ásmundssyni pípu-
lagningameistara. Eins og margir
ungir menn á þeim árum fór hann
að stunda sjómennsku og var
nokkur sumur við síldveiðar en í
pípulögnunum hjá Jóni á veturna.
Þau Ólafur og Salvör hófu búskap
á Linnetstíg 13, á neðri hæð æsku-
heimilis Ólafs – hús sem faðir
hans byggði. Þar bjuggu þau í sex
ár en gerðust svo frumbyggjar á
Holtinu árið 1950, þegar þau
fluttu í nýja íbúð í „Rauðu myll-
unni“, eins og Hafnfirðingar köll-
uðu húsið sem nú er Suðurbraut.
Þar bjuggu þau til ársins 1964 en
keyptu þá húsið við Brekkugötu
10. Þar bjuggu þau til ársins 1971
en þá fluttu þau aftur á Holtið að
Móabarði 26b. Síðustu þrjú æviár-
in dvaldi Ólafur ásamt Salvöru
eiginkonu sinni á Dvalarheimilinu
Ási í Hveragerði.
Látinn er tengdafaðir minn Ólafur
Sigurgeirsson eða Óli Siggó eins og
hann var oftast kallaður. Óli var
fæddur og uppalinn í Hafnarfirði og
bjó þar alla tíð fyrir utan síðustu ár-
in en þá dvaldi hann ásamt eigin-
konu sinni Salvöru Sumarliðadóttur
á Ási, dvalarheimili aldraðra í
Hveragerði.
Ég var sautján ára þegar ég fór að
venja komur mínar á heimili Óla og
Söllu en þetta voru ekki okkar fyrstu
kynni, foreldrar mínir og þau eru
búin að vera vinir og nágrannar um
langt áraskeið, svo ég á margar góð-
ar minningar tengdar þeim.
Það er margt að minnast; sum-
arbústaðaferðirnar í Brekkuskóg,
veiðiferðirnar á Snæfellsnesið, ætt-
armótin svo eitthvað sé nefnt, því Óli
vildi hafa okkur öll hjá sér, þá naut
hann sín best. Hann var stoltur af
hópnum sínum, börnum, barnabörn-
um og langafabörnum.
Bestu minningarnar okkar á
Hringbrautinni eru tengdar jólun-
um, því undanfarin ár var sú hefð að
Salla og Óli væru hjá okkur á að-
fangadagskvöld, en um síðustu jól
var heilsan orðin það léleg að þau
treystu sér ekki til þess að koma
suður og fannst mér, Hilmari, Sig-
urjóni og Hafdísi þetta vera mjög
skrítin jól, þeirra var sárt saknað.
Óli var mikill stuðningsmaður
Hauka, var hann formaður knatt-
spyrnudeildarinnar um árabil og bar
sterkar tilfinningar til félagsins.
Hann hafði mikinn áhuga á hand-
bolta og mætti á Ásvellina til þess að
styðja sína menn, jafnt kvenna- sem
karlalið félagsins, lifði hann sig inn í
leikinn og gat orðið reiður ef honum
fannst ekki allt ganga upp. Hann var
stoltur þegar hann var heiðraður af
félaginu sínu í nóvember á síðasta
ári. Síðustu árin, þegar heilsan var
farin að gefa sig, sat hann svo dög-
um saman og horfði á enska fótbolt-
ann í sjónvarpinu og stytti það hon-
um stundirnar, og hélt hann með
Manchester United, já, það var hans
lið.
Hann sinnti ýmsum öðrum fé-
lagsmálum, hann var virkur Alþýðu-
flokks- og svo seinna Samfylkingar-
maður og hafði sterkar skoðanir á
því sem var að gerast í bæjarpólitík-
inni í Hafnarfirði og á Alþingi og lá
hann sjaldan á skoðunum sínum.
Hann var félagi í Lionsklúbbi Hafn-
arfjarðar til fjölmargra ára og var
gerður að Melvin Jones-félaga, en
það er ein æðsta viðurkenning sem
Lionsfélagi getur hlotið.
Far þú í friði,
friður Guðs þig blessi,
hafðu þökk fyrir allt og allt.
Gekkst þú með Guði,
Guð þér nú fylgi,
hans dýrðarhnoss þú hljóta skalt.
(V. Briem)
Elsku Salla mín, ég votta þér og
öllum afkomendum ykkar mína
dýpstu samúð, megi algóður Guð
vera með ykkur.
Kæri vinur, ég vil þakka þér fyrir
allar samverustundirnar með mér
og fjölskyldu minni á liðnum árum,
þín er sárt saknað.
Þín tengdadóttir,
Eygló Sigurjónsdóttir.
Elsku afi okkar.
Nú líður þér vel, ert orðinn heill
aftur og farinn að sinna starfi þínu
innan Lionshreyfingarinnar af full-
um krafti, á milli Haukaleikjanna
sem þú hefur ætíð haft unun af að
horfa á.
Nú færðu loksins að hitta fallegu
stelpurnar ykkar ömmu aftur, sem
dóu svo litlar. Nú skuluð þið tala vel
saman, þú knúsar litlu englana þína
og þið passið hana ömmu í samein-
ingu.
Börnin ykkar hlúa vel að ömmu og
eru henni góð á þessum erfiða tíma.
Þú þarft ekki að hafa áhyggjur af
henni, við erum öll til staðar fyrir
hana.
Takk fyrir margar góðar stundir.
Þú varst góður maður.
Hvíl í friði.
Þín afabörn,
Kristjana Helga,
Dagmar Silja og Ólafur.
Elsku afi minn, núna þegar þú ert
fallinn frá fer maður að hugsa um
minningar um þig, sem eru bara
góðar.
Alltaf var gott að koma til afa og
ömmu í Hafnarfjörðinn. Þá er mér
efst í huga ísrúntur með afa og að þú
leyfðir mér að sitja framí. En afi
hafði óbilandi áhuga á stangveiði og
hafði gaman af að fara með börnin
sín og barnabörnin í veiði. Þar var
ég engin undantekning. Minnisstætt
er mér þegar við fórum austur að
Hæðagerðisvatni við Kirkjubæjar-
klaustur ásamt ömmu og Imbu
frænku. Ekki var fótboltastrákurinn
spenntur yfir því að eyða viku með
eldra fólki í sjónvarpslausum bústað
á sama tíma og HM í fótbolta var að
byrja. Afi kom mér á óvart þegar
hann mætti með lítið ferðasjónvarp,
því afi hafði mikinn áhuga á fótbolta
eins og ég. Þetta var frábær ferð í
alla staði, nóg að gera, sól og hiti all-
an tímann. Þarna fórum við að veiða
milli leikja eða í ísrúnt á Klaustur,
Imba frænka að kenna mér að
föndra og amma að baka vöfflur.
Mér finnst gott að rifja þessa ferð
upp, þarna kynntist ég afa mínum
vel og það er engin eftirsjá í því. Þú
varst mér alltaf traustur og góður
afi og ég mun sakna þín mikið.
Hvídu í friði og ró.
Þinn
Margeir Steingrímsson.
Ólafur Sigurgeirsson er róinn yfir
þá miklu móðu sem allt mennskt líf
siglir í fyllingu tímans. Okkur sem
enn stöndum í vörinni og horfum út í
fjarskann finnst að hér hafi örlaga-
dísirnar lostið spjóti sínu of
snemma. Það er alltaf vandfyllt það
samfélagslega skarð sem nú er
höggvið í raðir okkar.
Fyrst hafði ég spurnir af Ólafi er
við unnum saman í Álverinu í
Straumsvík, þar sem hann starfaði í
kerskála fyrirtækisins. Kynni okkar
voru ávallt góð og var hann mér
ávallt ráðhollur ef á þurfti að halda
og góður starfsfélagi. Síðar kynnt-
umst við betur er við störfuðum
saman í Lionsklúbbi Hafnarfjarðar.
Ólafur var virkur félagi í klúbbnum
og gegndi ýmsum trúnaðarstörfum,
var m.a. formaður hans og formaður
ýmissa nefnda innan klúbbsins.
Það voru forréttindi að kynnast
Ólafi, fáir kunnu betur að rækta vin-
áttu og tengslin við kunningjana.
Jafnan var hann reiðubúinn að rétta
hjálparhönd, öllum vildi hann vel og
gott úr öllum málum gera.
Megi sá sem ræður halda utan um
ferjuna hans og við hin bera gæfu til
að meta og byggja ofan á það sem
hann afrekaði.
Við félagarnir í Lionsklúbbi Hafn-
arfjarðar sendum eiginkonu og fjöl-
skyldu innilegar samúðarkveðjur.
Far vel góði Lionsmaður og félagi.
F.h. Lionsklúbbs Hafnarfjarðar,
Friðgeir H. Guðmundsson.
Ólafur Geir
Sigurgeirsson
✝
Vinur okkar allra, eiginkona mín, dóttir, systir,
móðir, tengdamóðir og amma,
HELGA ÞÓRARINSDÓTTIR,
Kaplaskjólsvegi 53,
Reykjavík,
varð bráðkvödd á heimili sínu aðfaranótt 2. maí.
Bálför hennar verður frá Neskirkju föstudaginn
9. maí kl. 15.00.
Sigurður Steinþórsson,
Ragnheiður Vigfúsdóttir,
Steinþór Sigurðsson, Valgerður Bragadóttir,
Ragnheiður Sigurðardóttir, Andrés Jónsson,
systkini og barnabörn.
✝
Ástkær eiginkona mín, móðir, tengdamóðir, amma
og langamma,
NANNA MAGNÚSDÓTTIR,
Borgabraut 4,
Hólmavík,
andaðist á Sjúkrahúsi Akraness þriðjudaginn
6. maí.
Hrólfur Guðmundsson,
Magnús Bragason,
Elfa Björk Bragadóttir, Úlfur Hentze Pálsson,
Valdimar Bragi Bragason,
barnabörn og barnabarnabörn.
✝
Elskulegur eiginmaður minn, faðir, tengdafaðir, afi
og langafi,
ÁGÚST SIGURÐUR KARLSSON,
Kúrlandi 19,
sem lést þriðjudaginn 29. apríl, verður jarðsunginn
frá Bústaðakirkju fimmtudaginn 8. maí kl. 11.00.
Þeim sem vilja minnast hans er bent á
hjúkrunarþjónustuna Karitas s. 551 5606.
Rut Sigurðardóttir,
Birna Ágústsdóttir, Júlíus Sigmundsson,
Sigurður Karl Ágústsson, Linda Sjöfn Sigurðardóttir,
Guðlaugur Ágústsson, Sigríður Ósk Pálmadóttir,
Ævar Ágústsson, Ragnheiður Júníusdóttir,
Ína Björg Ágústsdóttir,
Magnús Ágústsson,
Berglind Ágústsdóttir, Hjálmar Hjálmarsson,
barnabörn og barnabarnabörn.
✝
Ástkær eiginmaður minn, faðir okkar, tengdafaðir,
afi og langafi,
JÓHANNES JÓSEFSSON,
Flétturima 35,
Reykjavík,
verður jarðsunginn frá Grafarvogskirkju
föstudaginn 9. maí kl. 13.00.
Elín Magnúsdóttir,
Magnús Welding Jónsson,
Sjöfn Jóhannesdóttir,
Gunnar Jósef Jóhannesson, Guðný Ása Þorsteinsdóttir,
Elín Theodóra Jóhannesdóttir,
Jóhann Snorri Jóhannesson, Anna Guðrún Kristinsdóttir,
Jóhannes Örn Jóhannesson,
barnabörn og barnabarnabörn.