Skinfaxi - 01.11.1956, Blaðsíða 11

SKÍNFAXl
107
en þar gnæfir nýreist Hallgrímskirkja á hólnum norðan
við bæinn. Rétt neðan við félagsheimilið er steinn mikill
á melnum og heitir Hallgrímssteinn, þar er sagt að
séra Hallgrímur Pétursson hafi löngum setið og ort.
Hús þetta hlaut nafnið Hla&ir. Það er fornt nafn og
virðulegt. Að Hlöðum í Noregi sátu forðum hinir ríku
Hlaðajarlar við rausn mikla. Svo segir í Heimskringlu:
Haraldur konungur fór þá aftur til Þrándheims og
dvaldist þar um veturinn. Jafnan síðan kallaði hann
heimili sitt í Þrándheimi. Þar setti hann inn mesta
höfuðbæ sinn, sem Hlaðir heita. —
Hlaðajarlar voru blótmenn miklir og héldu blótveizlur
stórar. Þeir trúðu á Þorgerði Hölgabrúði. Nú á dögum
veltur á ýmsu með átrúnað manna, en vonandi ræður
hér húsum og starfi það bezta úr átrúnaði þeirra Há-
konar Hlaðajarls og Hallgríms Péturssonar, og er þá
vel farið ef heiðni og kristni vinna saman eftir þörfum
og kröfum nýrrar menningar. Það mun vera hugmynd
þeirra sem ráða mestu um þetta hús að sneiða hjá