Sjómannablaðið Víkingur - 01.09.1995, Qupperneq 46

Heilum íguikerum pakkað til Frakklands.
ÁRANGUR
Hefur árangurinn verið kannaður með
tilliti til kyngetu japanskra karlmanna og
ánægju kvennanna?
„Nei, ekki nema að það segir sína sögu,
að eftirspurnin er mikil, og það er nóg
fyrir okkur. Hitt er svo annað mál, að
hugsunarháttur sem þessi hefur mjög
loðað við fólk af austurlenskum uppruna
og tengist ekki bara ígulkerum. Það hefur
mikið verið rætt um nashyrningshorn,
sem menn hafa malað niður og gætt sér á
í sama tilgangi, og hefur leitt til þess að
nashyrningur er nú í útrýmingarhættu og
hjartarhorn og hreindýrahorn hafa verið
möluð í staðinn, en við þurfum ekki að
fara lengra en hvað varðar útflutning á
loðnuhrognum, því allt ber þetta að sama
brunni; þess að auka fjörið neðan mittis.“
BRAGD?
Hvernig eru ígulker á bragðið?
„Þau eru misgóð, finnst mér, en
kannski mætti helst líkja þeim við rauðu
í ósoðnu sjófuglseggi og mjög sterkt sjáv-
arbragð því megineinkennið.“
Hvað er að segja um sæbjúgun?
„Ja, þau eru af mjög svipuðum toga og
ígulkerin, en að lögun líkjast þau
agúrkum og heita á latínu cucumaria,
þ.e. sægúrka, en enska orðið cucumber
(agúrka) er dregið af því. Þetta nota
Austurlandaþjóðir mikið, bæði þurrkað
og nýtt, og skera niður í sneiðar og eru
þá hinir miklu samdráttarvöðvar dýrsins
í sérstökum heiðri hafðir. Sæbjúgun eru
til víða í kringum landið en ekki í miklu
magni, þannig að þau henta frekar sem
aukreiti í skelfisk- og ígulkeraveiðunum
en sem sérstök ásóknargrein."
Hefurðu smakkað sæbjúga?
„Já, já, þá tegund sem við erum að tala
um og heitir brimbútur, eða Cucumaria
frontosa, en ég get ekki sagt að ég sé frá
mér numinn af bragðinu. Það er þó
gaman að smakka þetta og ég hef kynnst
því aðeins hvernig Japanir framreiða
þetta og annað, ýmist þurrkað eða ferskt,
með ýmsum ídýfum. Þetta gæti verið
mjög skemmtilegt innlegg og tilbreyting
í fiskmatreiðslu okkar.“
Hvað erað segja um hinar skrápdýrateg-
undirnar, t.d. krossfiskana?
„Það er nú lítið um slíka vinnslu hér,
en aðrar tegundir eru víða nýttar til að fá
prótein í mjöl, t.d. nýta Danir krossfiska
töluvert í fiskmjölsframleiðslu.“
Þú hefiir þá enga uppáhaldsskrápdýra-
uppskrift handa okkur?
„Nei, en það getur verið gaman að vera
gestur og smakka eitthvað nýtt. Sem
gestgjafi gæti ég því allt eins hugsað mér
að reiða fram ígulker, sítrónusneið og
glas af þurru hvítvíni, sem gera myndi
hvern þann aðalrétt, sem í kjölfarið
kæmi, óaðfmnanlegan.“
Stefán Böðvarsson
Gtgerðarmenn - Skipstjórar
fyrirliggjandi:
Snurpuvír - Togvír
hágæða vara á hagstæðu verði
Jónsson & Júlíusson
Ægisgötu 10 • Sími: 552 5430 • Fax: 562 5453
46
VÍKINGUR