Fréttablaðið - 01.08.2009, Side 20

● inni&úti
Námaskarð er eitt mesta leirhverasvæði landsins, ummyndað af jarðhita og með ótal litbrigðum brennisteinsútfellinga.
Ísland á sér ólíkar hliðar sem gaman er að kynnast
og njóta enda er oft nefnt land elds og ísa. Það býr
yfir gróðursælum hlíðum og grösugum sveitum en
einnig auðnum og óbyggðum. Um það streyma bæði
blátærar lindir og kolmórauð jökulvötn og á hring-
ferð um landið leggur ýmist bjarkarilm að vitum eða
brennisteinsfnyk hverasvæðanna.
Andstæðurnar kallast á í myndum Pjeturs. Hiti
hveranna í Námaskarði og kuldi ísjakanna á Jökulsár-
lóni, sístreymi Seljalandsfoss og óhagganleiki kletts-
ins við Djúpavog. Merki um fjölbreytileika hinnar ís-
lensku náttúru sem hefur svo margar perlur að geyma,
bæði smáar og stórar. -gun
Andstæður
í náttúru Íslands
● Fjölmargir eru á faraldsfæti um okkar stór-
brotna land þessa lengstu fríhelgi sum ars-
ins. Þó för sé stefnt á ákveðinn stað er vert
að staldra við öðru hvoru og gefa umhverf-
inu gaum. Það gerði Pjetur Sigurðs son
ljósmyndari er hann fór hringinn nýlega.
Seljalandsfoss seiðir til sín ferðamenn með tign sinni
og fegurð.
Hið síbreytilega Jökulsárlón er sannkallað augnayndi
og fær nánast alla vegfarendur til að stoppa. Hér njóta
litbrigði þess sín vel og speglunin í vatnsfletinum.
Klettar geta tekið á sig ýmsar myndir.
Hér rak Pjetur augun í víkingaskip í
hrauni fyrir ofan Djúpavog. Það siglir
þó ekki langt.
Í Varmahlíð, í hjarta Skagafjarðar bjóðum við upp á
gistingu í heilsárshúsum af mismunandi gerðum allt frá
35 upp í 50 fermetra hús með herbergjum og
svefnlofti. Öll húsin eru með eldunaraðstöðu.
Húsin standa í hring um upphlaðinn heitan pott
sem myndar torg í miðri húsþyrpingunni.
Hestasport - Activity Tours • Vegamót 560 Varmahlíð
S: 453 8383 • info@riding.is • www.riding.is • www.rafting.is
1. ÁGÚST 2009 LAUGARDAGUR4