Andvari - 01.01.1937, Qupperneq 43

Andvari
Fiskirannsóknir
39
nessjór — jökuldjúp, og það langt fram á haust. Varð
þessi veiði til þess, að bæta mörgum upp aflaleysið við
Norðurland. í sumar og haust er leið sýndi síldin sig
aftur, enda þótt síldarmergð væri mikil við Norðurland
alt fram á haust (eins og annars endra nær). Er nú svo
langt komið, að farið er að verka og flytja út síld af
þessum slóðum og nefna hana sérstöku markaðsnafni
»FaxasíId«.
Það er ekki ætlun mín að fara að lýsa frekara þessum
nýju síldveiðum við SV-ströndina (í Faxaflóa og í ná-
grenni hans), né síldinni sjálfri, þess gerist engin þörf,
heldur hitt, að benda þeim, sem furðuðu sig á því, að
síld væri að nokkuru ráði á þessum slóðum, að mönn-
um hér syðra hefir lengi verið kunnugt um, að þar
væri mikið um síld á stundum og að menn hafa lengi
stundað þar síldveiðar, enda þótt það væri í smáum stíl.
Svo að eg minnist fyrst á Faxaflóa sjálfan, þá má
gera ráð fyrir, að síld hafi gengið í hann alla þá tíð,
sem skilyrði hafa verið fyrir hendi, eða frá því löngu
fyrir landnámstíð. Ekki er þess þó getið, að landnáms-
nienn þeir, er bjuggu við flóann, hafi stundað síldveiði,
ekki einu sinni Skallagrímur, sem var vanur henni frá
Noregi og fekkst annars við margt. í fornsögunum er
ekkert minnst á síldveiði, beinlinis.en nafnið Síldarmanna-
Sata, sem kemur fyrir í Harðarsögu, og er enn við lýði,
sem leið úr Hvalfirði innanverðum yfir í Borgarfjarðar-
dali, bendir á, að Borgfirðingar hafi snemma farið til
síldveiða eða síldarkaupa suður í Hvalfjörð, því að þar
hafi þá mátt fá síld, sem gengið hafi inn í innstu voga
fjarðarins, með fyrirdrætti (voðum), ef hana hefir þá ekki
rekið á land, hlaupna undan selum eða hvölum. Annars
er víst ekki í eldri ritum getið neitt um síld eða síld-
veiði í flóanum, en >síldargarðar« eða >síldarmanna-