Vikan - 19.10.1978, Blaðsíða 32

Húsgagnavika hefst á morgun
HÆGT AÐ GERA GÓÐ
KAUP í TANGARHÖFÐA
„Aðaláherslan er lögð á að sýna íslensk
húsgögn. sagði Þorsteinn Þorsteinsson
framkvæmdastjóri Húsgagnavikunnar
1978 sem hefst á morgun klukkan 5. Að
húsgagnavikunni standa Félag húsgagna-
og innréttingaframleiðanda og Meistara-
félag húsgagnabólstrara. Sýning verður á
húsgögnum að Tangarhöfða í Á.G. húsinu
(því sama og bílasýningin Auto 78 var í), og
er opiðfrá 5 til 10 virka daga og 2 til 10 um
helgina. Sýningunni lýkur þann 29.
október.
Þetta er í fimmta sinn sem slík húsgagna-
sýning er haldin og mun 21 fyrirtæki sýna
framleiðslu sína í 29 básum.
Lagt að mönnum að
sýna nýjungar
„Menn sýna þarna framleiðsluna sem þeir
eru að vinna að núna en jafnframt höfum
við lagt að þeim að sýna einhverjar nýjung-
ar. Sýnd verða húsgögn af öllum gerðum og
jafnframt eldhúsinnréttingar og skápar sem
eru svona mitt á milli þess að vera innrétt-
ingar og húsgögn.
Einnig vera sýndar nýjungar við
bólstrun húsgagna. Að vísu verður ekki
sýnikennsla á staðnum er bólstrarar munu
útskýra hvað um er að ræða. Þá verður
sýnd nýjasta tískan í áklæðum.
Mesta athygli vekja ugglaust tvær
glænýjar hugmyndir. Önnur er að rúmi
sem kallað er ástarkúlan og hin er að
sjónvarpssvefnsófa. Kúlan er byggð þannig
að menn geta gengið í gegn um hana. í
henni er sjónvarpstæki, hljómflutnings-
tæki, ísskápur, bar, ljóskastarar, spegill og
guð veit hvað. Sjónvarpssófinn á hins
vegar að koma á óvart þannig að best er að
segja sem minnst um hann.
Eldhúsinnrétting úr litaðri eik frá
J. P. innréttingum. Hurðirnar á
skápunum eru þar úr eik alveg í
gegn. Enda kostar svona innrétting
um 800 þúsund og verður ekki
veittur sýningarafsláttur. Neðri
borðin eru í 90 sm hæð og eru 63
sm á milli þeirra og efri skápanna.
Neðri skáparnir eru 60 sm djúpir
og þeir efri 40.
Góð aðstaða fyrir
fatlaða
Til þess að tryggja að húsgögnin nytu sín
sem allra best þurftum við dálítið sérstakt
sýningarhús. Það varð til dæmis að vera
stórt. Og Á.G. húsið er það. Þvi er það svo
að sýningarbásarnir eru óvenju stórir og
langur og breiður gangur á milli þeirra.
Veitingar eru seldar á staðnum og við
höfum tekið sérstakt tillit til fatlaðra. Við
gátum valið um það hvort við hefðum
inngang á jarðhæðinni eða á annarri hæð
og hefði fólk þá þurft að fara upp tröppur.
Við völdum jarðhæðina aðallega með
fatlað fólk í huga.
Hægt að fá sýningarafslátt
Inn á sýninguna kostar 1000 fyrir
fullorðna og 200 krónur fyrir börn frá 6 til
13 ára. En fyrir það fé getur fólk bæði séð
hvað er nýjast á markaðnum og jafnvel
gert hagstæð kaup líka því mörg
fyrirtækjanna bjóða sérstakan sýningar-
afslátt og betri afborgunarkjör. Eigendur
verða sjálfir á staðnum mestan hluta
sýningarinnar og ræða við fólkið.
Lang flestir þeir sem framleiða húsgögn á
íslandi selja þau sjálfir beint. Þó er til 1
dæminu að húsgögnin séu seld víðar, sagði
Þorsteinn Þorsteinsson.
Ekki jaf nvægi í samkeppni
Það kom fram í samtali við Þorstein að
húsgagnaframleiðendur eru mjög óhressir
með hve ríkið hefur komið á miklu
ójafnvægi í samkeppni þeirra við erlend
fyrirtæki. Á meðan íslenskir húsgagna-
framleiðendur þurfa að greiða háa tolla af
nær öllu sínu hráefni eru erlend húsgögn
frá EFTA flutt hér inn svo gott sem
tollfrjálst. í þeim tilgangi að ná niður verði
hafa íslenskir húsgagnaframleiðendur því
reynt að þjappa sér meira saman og er
húsgagnavikan ein afleiðing þess.
32 VIKAN 42. TBL.