Menntamál - 01.12.1946, Blaðsíða 24
158
MENNTAMÁL
Ingvar Gunnarsson sextugur
Ingvar Gunnarsson,
kennari í Hafnarfirði,
er fæddur í Skjaldakoti
á Vatnsleysuströnd 4. nóv.
1886. Hann tók kennara-
próf 1911 og var síðan
farkennari í ýmsum stöð-
um nokkur ár. Kennari við
barnaskólann í Hafnar-
firði varð hann 1920 og
hefur verið það síðan.
Þótt Ingvar hafi unnið
mikið og gott starf í
kennslu sinni öll þessi ár,
hefur hann þó jafnframt
leyst af höndum annað
starf, ekki síður merkilegt. Svo er mál með vexti, að
málfundafélag í Hafnarfirði, Magni, tók sér fyrir hend-
ur árið 1922 að koma upp í Hafnarfirði skemmtigarði,
þar sem varðveitzt gætu einkenni hraunsins, sem bærinn
stendur á. Ræktun hófst í garði þessum, Hellisgerði,
1924, og var Ingvar Gunnarsson þá ráðinn umsjónar-
maður garðsins, og hefur hann verið það síðan og löng-
um ráðið mestu um ræktunina þar, en Hellisgerði er
fyrir löngu landfrægt orðið vegna fegurðar og sérkenni-
leiks. Það var því ekki ófyrirsynju, að Ingvar var sæmdur
riddarakrossi Fálkaorðunnar 1. jan. 1946 vegna starfa
sinna í Hellisgerði.
Um Hellisgerði, ræktunina þar og störf Ingvars í því
sambandi má lesa í 25 ára minningarriti Magna, en það
kom út á fyrri hluta þessa árs.