Menntamál - 01.12.1956, Side 57

MENNTAMAL
183
gangur þess er að kynna bókmenntir meðal nemenda og
miðla þeim bæði skemmtan og fróðleik. Stofnun Braga
var okkur nemendum mjög þörf, þar eð allir vita, að hinu
andlega lífi nemenda er illa farið, ef þeir heyra og lesa
ekkert annað en námsbækur einar. Áhugi nemenda á fé-
laginu var mikill, einkanlega fyrstu árin, en því miður
virðist hann hafa farið minnkandi upp á síðkastið, en
vonandi stendur það til bóta. Fyrsta árið var haldið uppi
leshring, þar sem kennarar lásu og skýrðu fyrir nemend-
um ýmsar perlur bókmenntanna, en starfsemi sú hefur
lagzt niður, og er því illa farið. Félagið heldur um sex
kvöldvökur á vetri, og eru þær mjög fjölbreyttar og á-
nægjulegar. I fyrstu voru einungis fengnir ræðumenn og
upplesarar utan skóla, fræg skáld komu og lásu upp úr
verkum sínum og ungskáldavaka var einu sinni á ári, þar
sem helzu ungskáld þjóðarinnar miðluðu okkur af andagift
sinni. Síðan fór félagið að færast heldur meira í fang og
helgaði eina kvöldvöku upprennandi skólaskáldum, og er
það að verða fastur liður í dagskrá félagsins. Jafnan er
fullskipað í hátíðasalnum, er skólasystkini okkar stíga í
ræðustólinn, því að allir eru ákafir að heyra, hvað þau
hafa fram að færa, og bera undir niðri mikla virðingu
fyrir þessum listgefnu skólasystkinum. Er vonandi, að
nemendur Menntaskólans haldi ávallt tryggð við Braga og
kosti kapps um að kynna íslenzkar og erlendar bókmennt-
ir í skólanum.
Selið. Ekki má hverfa frá félagslífi Menntaskólans án
þess að minnast fáum orðum á Selið, sem veitt hefur nem-
endum óteljandi ánægjustundir. Selið reistu nemendur 1986
að fyrirlagi Pálma Hannessonar. Tilgangur með byggingu
þess var sá, að nemendur færu þangað nokkrum sinnum
á vetri til jarðfræðiiðkana. Var sá háttur hafður á fyrstu
árin, en síðar urðu það eingöngu skemmtiferðir. Hver bekk-
ur fer þangað tvisvar til þrisvar á vetri og dvelst þar 2
óaga í senn. Er þar margt gert til skemmtunar, kvöldvök-