Menntamál - 01.04.1959, Blaðsíða 50

44
MENNTAMÁL
N. G. ROSÉN:
Að mennta þá, sem eiga að kenna öðrum.
Nokkur atriði úr ræðu, sem N. G. Rosén, fræðslumála-
stjóri Svía, hélt við opnun hins nítjánda móts sænskra
kennaraskólakennara í Gávle 18.—20. ágúst 1958.
Rosén fræðslumálastjóri er íslendingum að góðu kunnur. Hann sat
fund norrænu menntamálaráðherranna í Reykjavík 1955 og hefur
jafnan tekið mikinn þátt í samvinnu norrænna kennara.
Þessar glefsur úr ræðu fræðslumálastjórans eru teknar traustataki til
að vekja forvitni lesenda urn gróandi starf sænskra kennaraskóla.
Br. J.
Aðalvandamálið í sambandi við breytt skólakerfi og
breytta starfshætti í skólum vorum er einkum, þegar öllu
er á botninn hvolft, hvernig haga skuli menntun kennara.
Kennari, sem aðeins hefur kennaraskólamenntun, er ekki
fullmenntaður til starfs síns. Kennari getur alltaf lært
eitthvað nýtt og ætti alltaf að læra eitthvað nýtt. Hann
getur alltaf aukið þekkingu sína og fundið nýjar leiðir,
sem gera kennslu hans betri, hlut nemendanna meiri og
skólann betri þjóðfélagsstofnun. Þetta er einnig almenn-
ingur hér í landi farinn að sjá betur og betur. Svo hefur
þó ekki alltaf verið. Til skamms tíma hætti mönnum nokk-
uð til þess að vanmeta gildi framhaldsmenntunar kenn-
ara — hér er ekki átt við forráðamenn skólamála.
í Bandaríkjunum fékk ég mjög aukinn skilning á gildi
framhaldsmenntunar kennara. Margt er sagt um banda-
ríska skóla, en þegar um er að ræða að leiðbeina nemend-