Menntamál - 01.04.1959, Blaðsíða 54

48
MENNTAMÁL
IN MEMORIAM
Anna Sigurjónsdóttir.
F. 10. ágúst 1926. D. 29. okt. 1958.
Anna Sigurjónsdóttir var fædd að Nautabúi í Hjaltadal,
dóttir hjónanna Sigurjóns Benjamínssonar og Elínborgar
Pálsdóttur. Hún lauk prófi handavinnukennara vorið
1948. Haustið næsta hóf hún kennslu í Rípurhreppi og
gegndi henni til dauðadags. — Árið 1949 giftist hún Þór-
arni Jónassyni bónda í Hróarsdal. Þeim varð tveggja dætra
auðið.
Með Önnu er afburðakennari og fágætur persónuleiki
fallinn í valinn langt um aldur fram. Hún var trúuð kona
og einlæg, hlýlynd og vinföst, mikil í skapi og prúð í skapi,
ríkulega gædd góðviljaðri gamansemi, þeim fágæta mann-
kosti. Hún var hógvær, en örugg í fasi, og átti allra manna
traust. Hún var jafn vinur dýra og manna.
Hún rækti kennarastarfið af alúð og trúmennsku og
bjó fjölskyldu sinni elskulegt heimili, en Þórarinn bóndi
hennar var formaður skólanefndar á annan tug ára, og
unnu hjónin drengilega að því að búa börnum sveitarinn-
ar góðan skóla.
Anna var frábærlega vel gefinn til munns og handa.
Henni var að eðlisfari léð sú athyglisgáfa og vandvirkni,
sem fáum hlotnast og sjaldnast án strangrar ögunar á
langri skólavist.