Menntamál - 01.04.1965, Blaðsíða 72

66
MENNTAMÁL
og senda á milli heimshorna eftir þörfum. Nýlega hafa svo
verið tekin í notkun færanleg sjónbandsupptökutæki, en
lengst af hafa þau verið of viðamikil til að hægt væri að
flytja þau. Við upptöku efnis utan sjónvarpssalar hefur
því ýmist orðið að nota filmur, lokuð kerfi eða leiðslur eða
þá endurvarpsskerma, til að efnið kæmist á ákvörðunarstað.
Sjónböndin gera þetta allt mun þægilegra og ódýrara.
Höfuðvandamálið við byggingu sjálfs sjónvarpssalarins
er hl jóðeinangrun hans og einangrun fyrir titringi, t. d. frá
umferð á nærliggjandi götum, o.þ.h. Dæmi eru til þess,
að slíka sali eða studio hefur beirilínis orðið að hengja á
gorma innan í þeim byggingum, sem þeim átti að koma
fyrir í. Varla þarf að taka fram, að gluggar er algert bann-
orð í sjónvarpi af þeim sökum, sem bér voru nefndar. Ljós
eru hinsvegar næg, ekki sízt lyrir þá, sem l'yrir framan vél-
arnar vinna og eru í sífelldu svitabaði undir nokkur þús-
und watta Ijósalömpum, meðan á upptöku stendur.
Sá, sem stjórnar sjónvarpsupptöku í sal, er staðsettur í
sérsriikum „stjórnklefa“ til hliðar við salinn. Stundum er
gluggi þarna á milli, en yfirleitt er ekki talið nauðsynlegt,
að svo sé. bessi klefi er venjulegast aflangt herbergi með
borði eftir endilöngu gólfi miðju. Stundum er borðið ögn
skeifulagað, og situr þá stjórnandinn við miðjan bogann að
utan. Sér til hvorrar handar hefur liann aðstoðarfólk,
minnst þrennt. Einn stjórnar gæðum myndarinnar, (videa)
þ. e. réttri lýsingu eða hlutfalli ljóss og skugga o. þ. ln og
snýr til þess tökkum á borðinu. Annar hefur það hlutverk
að ýta á takka, eftir því hvaða vél stjórnandinn tilkynnir
vélamönnunum að hann stilli á hverju sinni. Sá þriðji sér
um „audio“ hlið útsendingarinnar, stillir inn á réttu
augnabliki segulbönd með tali og tón eftir skipunum
stjórnandans. Auk þessa er í tengslum við sjónvarpssalinn
klefi fyrir kvikmyndaútsendingu og útsendingu af sjón-
böndum. Og þar eru að sjálfsögðu menn til staðar, til að
framkvæma skipanir stjórnanda. A veggnum fyrir framan