Menntamál - 01.04.1965, Blaðsíða 96

90
MENNTAMÁL
Göfuga Aþena. Ég veit ekki, hvort þér tókuð eftir því,
að ég gerði mig sekan um ofurlítið háttleysi á dögunum,
er ég mætti yður í för með Gunnari M. Magnúss. Ég nam
sem sé staðar, snéri mér við og horfði á eftir yður ofur litla
stund. Og ég spurði sjálfan mig af eins miklu hlutleysi og
sjálfsleysi og mér var unnt: Er þetta nú alveg eins og það á
að vera? Er það nauðsynlegt, að himinborin Aþena af Olym-
pos sé að fylgja Gunnari með þetta bréf til pósthússins? Var
ekki nóg, að hann færi með það sjálfur?
Ég spái því, virðulega Aþena, að Kínalandsbréf Gunn-
ars M. Magnúss muni þykja fróðlegur gripur í Skólaminja-
safni íslands um ókomna daga, einkum með hliðsjón af
þroskaðri framkomu, einlægum samstarfsvilja, gagnkvæm-
um skilningi og réttlátri og skynsamlegri tilhögun fræðslu-
forkólfanna á íslandi og leigupenna þeirra á því herrans
ári 1964, sem og endranær.
Ágæta Aþena. Með því að ég veit ekki, hversu hugfang-
in þér kunnið að vera af kínverskum pennarósum og aust-
urlenzkum blekvelnaði, myndi ég með öllu sleppa slíkum
tilfæringum, þótt ég væri maður fyrir þeim, sem ekki er
til að dreifa. bess í stað ætla ég að snúa mér að erindi mínu
vafningalaust.
Gunnar M. Magnúss ber sig upp við Líu Ean Sí í Kína
um það, að 399 skólastjórar og skólanefndaformenn hafi
ekki eftir tíu tunglkomur svarað bréfi hans lrá 31. janúar
1964. Nú fer því l jarri, að ég vilji færast það í fang að svara
fyrir okkur alla, þessar 399 sálir, til slíks hef ég hvorki afl
né umboð. En þar eð ég má reikna með því, að ég sé einn
af hinum fordæmdu, ætla ég að stælast í forherðingunni
og tjá yður athugasemdir við bréf Gunnars á minn bátt og
fyrir mitt leyti, þótt venjulegur meðgöngutími sé nú víst
um garð genginn og brúðguminn farinn á brott í fússi.
Náðug Aþena. Hvort myndi yður fara líkt og mér, aum-
um og fáráðum, að álykta sem svo, að eitthvað hljóti að
vera rotið á íslandi í dag, úr því að 399 skólastjórar og