Kirkjuritið - 01.01.1950, Side 14

12
KIRKJURITIÐ
úruvísindanna á 18. öld. Frjálslynd guðfræði er tilraun til
að brúa þetta djúp. En nú er þó andrúmsloftið andlega
orðið breytt. Tvær tortímandi heimsstyrjaldir hafa kreppt
að anda frjálslyndisins, bjartsýninnar og skynseminnar,
sem frjálslyndur kristindómur er frá rimninn. Þess er
brýn nauðsyn, að frjálslynd guðfræði verði endurnýjuð.
Og hún verður endurnýjuð, af því að frjálslynd kristin
trú er enn í lifandi gildi um heim allan. Þrettánda þing
Alþjóðasambandsins fyrir frjálsan kristindóm og frelsi í
trúmálum í Amsterdam í sumar hefir sannað, að þetta
er rétt og satt.
Endumýjun frjálslyndrar guðfræði á að miðast við fernt:
1. Guðfræði hennar á að vera biblíuleg. Biblían á að vera
undirstaða hennar, einkum guðspjöllin um Jesú Krist. Þar
er grundvöllur þekkingar vorrar á Guði. 2. Skilningurinn
á opinberuninni á að vera andlegur, þ. e.a. s. innblástur-
inn er jafnframt runninn frá trúarreynslu mannshjartans.
3. Guðfræðin verður að beita rökum og gagnrýni, því að
fyrir henni vakir að laða efagjarna og hugsandi menn að
kristinni trú. 4. Hún miðar við mennina og mannlegar
aðstæður, því að trúboðið mistekst, ef ekki er miðað við
það að leiða mennina til hamingju og sælu.
Inntak nýrrar frjálslyndrar guðfræði á að vera sem
hér segir:
1. Hún á að halda guðshugmyndinni hátt á lofti, svo
að hún verði ljós og lifandi.
2. Hún á að veita hjálp nútímakynslóðinni, sem misst
hefir trúna á mannkyninu, með því að blása nýjum anda
i lífsskoðun hennar á manninum.
3. Hún á að endumýja skilning sinn á Kristi, ekki með
heilabrotum, heldur með því að leitast við að lifa eftir
lögmáli Krists, Kristur á að vera lögmál vort, andlegt
lögmál.
4. Hún á að varpa skærara ljósi yfir skilninginn á sög-
unni með því að sýna það, að hugsjónin um staðreynd
guðsríkisins á að vera mark og mið allra starfa mann-