Tímarit lögfræðinga - 01.12.1977, Blaðsíða 36

Þessu næst gerði Kristjana Jónsdóttir grein fyrir reikningum Tímarits lög-
fræðinga og gat þess m.a., að áskrifendur að því væru nú tæplega 600 tals-
ins. Þá var samþykkt að hækka félagsgjöld úr kr. 1.200 í kr. 2.500 á ári. Gjald-
keri upplýsti, að frá 1/12 1977 væri almenna gjaldið til BHM kr. 3.789 og
samningsgjaldið kr. 6.316. Aðalfundurinn var illa sóttur.
Bandarískur sjóréttur
Bandarfski prófessorinn Charles L. Black jr. frá Yale flutti fyrirlestur 12.
janúar á fundi í Lögbergi um efnið: „The Contours of American Maritime
Law“. Að fyrirlestri loknum svaraði prófessor Black fyrirspurnum frá Magnúsi
Thoroddsen borgardómara, Tómasi Árnasyni hrl., prófessor Arnljóti Björnssyni
og Jóni Thors deildarstjóra. Fundur þessi var allvel sóttur.
Jón Steinar Gunnlaugsson ritari
Lögfræðingafélags Islands.
ÚR DÓMABÓK KJARADÓMS
Árið 1977, laugardaginn 17. desember kom Kjaradómur saman að Rauðar-
árstíg 31, Reykjavík, og var haldinn af Benedikt Blöndal, formanni dómsins, og
kjaradómendunum Jóni Finnssyni, Jóni Sigurðssyni, Jóni Rögnvaldssyni og
Jóni G. Tómassyni.
Fyrir var tekið:
Kjaradómsmálið nr 9/1977:
Lögfræðingafélag Islands
ríkisstarfsmannadeild
gegn
fjármálaráðherra f.h. ríkissjóðs
og í því upp kveðinn svohljóðandi
d ó m u r:
Mál þetta var þingfest í Kjaradómi 6. desember sl. og dómtekið að loknum
munnlegum málflutningi sama dag.
Hinn 18. nóvember 1977 kvað Kjaradómur upp dóm í kjaradómsmálinu nr.
3/1977: Bandalag háskólamanna gegn fjármálaráðherra f.r. ríkissjóðs, um nýjan
aðalkjarasamning aðila, sem gildir frá 1. nóvember 1977 til 31. október 1979.
Meginkröfur sóknaraðila um sérkjarasamning eru um almenna launahækk-
un til félagsmanna.
Af hálfu varnaraðila er þess í meginatriðum krafist, að skipun í launaflokka
og önnur kjaraatriði verði óbreytt að því undanskildu, að boðin hefur verið
fram ný skipan fæðiskostnaðargreiðslna. Kröfum um almenna launahækkun
er hafnað.
Með dómi Kjaradóms um aðalkjarasamning Bandalags háskólamanna og
fjármálaráðherra 18. nóvember sl. var kveðið á um almerina hækkun launa.
Dómurinn telur, að sú leiðrétting, sem þá var gerð á kjörum sóknaraðila, hafi
gengið svo langt til almennrar hækkunar á launum sem aðstæður leyfðu.
Sóknaraðili hefur ekki sýnt fram á, að röðun starfsheita í launaflokka, sem
gilt hefur, sé verulega áfátt og verður hún því lögð til grundvallar.
198