Tímarit lögfræðinga - 01.12.1977, Blaðsíða 43
Lögmannafélag íslands. Frummælendur verða Þór Vilhjálmsson og Stefán
Már Stefánsson. Síðar í vetur mun verða boðað til félagsfundar um lögréttu-
frumvarpið og fylgifrumvörp þess.
Dómsmálaráðherra hefur nú skipað nefnd til þess að annast undirbúning
að byggingu dómhúss í Reykjavík. í henni eiga sæti, tilnefndir af ráðherra,
Baldur Möller, ráðuneytisstjóri, formaður, Björn Ingvarsson, yfirborgardómari
og Halldór Þorbjörnsson, yfirsakadómari, svo og Magnús Thoroddsen, borg-
ardómari. Hinn síðasttaldi er tilnefndur af Dómarafélagi Reykjavíkur, sem
gefinn var kostur á að nefna mann í nefndina.
Már Pétursson.
ALÞJÓÐARÁÐSTÉFNA LÖGFRÆÐINGA 1977
Vikuna 21.—26. ágúst s.l. var 8. alþjóðaþing lögfræðinga háð í Manila, höf-
uðborg Filipseyja. Þetta er talið fjölmennasta alþjóðaþing, sem nokkru sinni
hefur verið haldið. Þingið sátu yfir 5000 lögfræðingar, þar af 2000 lögfræðingar
frá um 100 þjóðlöndum utan Filipseyja, m.a. frá Kína, Sovétríkjunum og Evrópu-
ríkjum austantjalds.
Alþjóðaþingin hafa verið haldin annað hvort ár síðan hið fyrsta var í Aþenu
árið 1963. M.a. hafa þau verið háð í höfuðborgunum Bankok, Belgrad, Abidjan
og Washington (1975). Samtökin, sem efna til alþjóðaþinganna nefnast á ensku
The World Peace Through Law Center. Nú skiptast samtökin í fjórar greinar:
Alþjóðasamband dómara, Alþjóðasamband lögmanna, Alþjóðasamband laga-
prófessora og Alþjóðasamband lagastúdenta.
Auk sameiginlegra funda ráðstefnunnar voru háðir sérfundir í hverri deild.
Ég sótti þingið sem skipaður fyrsti landsformaður samtakanna hér á landi
frá árinu 1964 og starfandi síðan sem slíkur. Ég var eini Islendingurinn, sem
sótti þingið, enda dýrt að fara svo langa og torsótta leið. Leiðin austur til
Manila tók 4 daga frá islandi með viðkomustöðum og gistingum, t.d. í Bankok
vegna flugvélaskipta. Leiðina heim var unnt að taka í þremur áföngum.
Veðursældin eystra var mikil þótt regntíminn væri eigi með öllu liðinn.
Filipseyingar eru fádæma viðmótsþýtt fólk og gott heim að sækja. Þár var gott
að vera íslendingur vegna þess að þeir dáðu hetjuskap okkar í þorskastríðinu,
hafa séð í sjónvarpi glæsilegar litmyndir héðan og fylgdust á sínum tíma vel
með Spassky — Fisher skákmótinu. Menn þekktu nafn Ólafs Jóhannessonar
sem forsætisráðherra í þorskastríðinu og þótti leitt, að nú skyldi annar vera
kominn í hans stað, en létu huggast, þegar ég sagði þeim, að hann væri nú
dómsmálaráðherra.
Ráðstefnunni stýrði að vanda upphafsmaður samtakanna, Bandaríkjamaður-
inn Charles S. Rhyne. Meðal heiðursgesta, sem ávörp fluttu var Fred Ruiz
Castro, forseti Hæstaréttar Filipseyja, forsetafrúin alkunna Imelda Romualdes-
Markos og alráður forseti ríkisins, Ferdinand E. Markos.
Mörg mál voru tekin til meðferðar á ráðstefnunni af ólíkum toga spunnin.
Skyldi hún að þessu sinni helguð mannréttindum um víða veröld. Allt var fyrir-
fram vandlega skipulagt. Húsnæðið í glæsilegu fundarhöllinni P.I.C.C. gerði
205