Tímarit lögfræðinga - 01.11.1983, Blaðsíða 58

hgl.). Er æskilegt að slíkt verði athugað hér á landi. Um refsisvið
261. gr. hgl. mætti þykja eðlilegt, að það yrði fært með breyttu orða-
lagi til samræmis við dóma Hæstaréttar út af lögum 35/1977, þegar
maður greiðir eldri skuld sína með tékka, sem ekki er innstæða fyrir,
og yrði þá sagt, að slíkt varðaði ekki við þessa grein.
IX. J. Um viðurlagakerfið má minna á það, sem að framan segir,
um þörfina á því að meta, hvort ekki sé tímabært að afnema í ýmsum
tilvikum lágmarksrefsingu, sem enn gætir talsvert í einstökum ákvæð-
um hgl. Þá er þarflegt að hyggja að því, hvort ekki sé ráðlégt að
lækka hámarksrefsimörk í ýmsum ákvæðum, sbr. t. d. sifskapar- og
skírlífisbrot og auðgunarbrot. Hér koma til skoðunar auk almennra
athugana á refsiþörf hinar nýju reglur um fyrningu, en fyrningar-
frestur fyrir brot eins og auðgunarbrot verður of langur að mínu
mati við núverandi háttu, þar sem miðað er oftast við hin almennu
refsimörk, en eigi refsingu eins og hún hefði að líkindum orðið (in
concreto). Benda má einnig á, að tilhneiging er hjá mönnum á síðari
árum að rýmka um heimildir dómstóla til að beita fésektum við auðg-
unarbrot, og er þarflegt að kanna það mál við endurskoðun á viður-
lagaákvæðum XXVI. kafla hgl. Nauðsynléga þarf að endurskoða 256.
gr. hgl. svo sem áður er vikið að.
IX. K. Að því er varðar sérrefsilög er mikil þörf á að ljúka endur-
skoðun refsimarkanna, en hér áður er gerð grein fyrir hinu
mikla átaki í því efni með lögum 75/1982 og 10/1983, sbr. III. 7. hér
að framan. Einnig er þörf að endurskoða og samræma ákvæði sér-
refsilaga um eignarupptöku og réttindasviptingu og svo að sínu leyti
um fyrningu. En hér þarf einnig að gera róttækt átak í refsihreins-
un, ef svo má að orði komast, athugun á afnámi ýmissa refsiákvæða,
sem gegna litlu hlutverki eða engu. Er það raunar þáttur í stærra
viðfangsefni, sem er orðið mjög brýnt, sem sé allsherjar lagahreins-
un, og vísast um það til ummæla minna í formála lagasafns 1973 og
má raunar einnig benda á þörfina á hreinsun varðandi reglugerðir.
X.
SKRÁ UM LÖG, SEM BREYTA ALM. HGL. OG VIÐ HVERJUM
GREINUM ÞAU HAGGI, GREIND I ALDURSRÖÐ
1) Lög 47/1941: 88. og 95. gr. Frv., Alþ.tíð. 1941, A, þskj. 15
2) Lög 36/1944: 85. gr. 3. mgr. Frv., Alþ.tíð. 1944, A, þskj. 259
176