Tímarit lögfræðinga - 01.11.1986, Side 59

liá
Lögfræöingafélagi
íslands
LÖGFRÆÐINGA- OG HAGFRÆÐINGAFÉLAG
ÍSLANDS 1919-1925
Á árunum 1922-1924 var gefið út í Reykjavík „Tlmarit lögfræðinga og hag-
fræðinga." í ritstjórn voru Lárus H. Bjarnason, hæstaréttardómari, Ólafur Lár-
usson, prófessor og Þorsteinn Þorsteinsson, hagstofustjóri. Sá hinn síðast-
nefndi um hagfræðilegt efni ritsins, en hinir fyrrnefndu um lögfræðilegt efni.
Kom eitt hefti út árið 1922, þrjú hefti 1923 og þrjú árið 1924. Síðan leið tíma-
ritið undir lok. I inngangsorðum 1. heftis segir m.a., að flestir lagamenn og hag-
fræðingar í Reykjavík hafi stofnað félag til þess aðallega að gefa út tímarit,
er ræði lögfræðileg og hagfræðileg efni. Um félag þetta munu flestir núlifandi
lögfræðingar lítið vita.
Fyrir nokkru fannst fundargerðabók og nokkur önnur gögn um félagið, en
það nefndist Lögfræðinga- og hagfræðingafélag íslands og starfaði á árunum
1919-1925. Hafa gögnin verið afhent Þjóðskjalasafni. Fundargerðabókin og
skjöl, er með henni fundust, eru merkileg heimild um störf félagsins. Þykir því
hlýða að segja í stuttu máli frá félaginu og gögnum þessum.
Félagið var stofnað á fundi, sem haldinn var hinn 13. apríl 1919 í Háskóla
íslands samkvæmt fundarboði prófessoranna Einars Arnórssonar og Ólafs
Lárussonar og Sveins Björnssonar, yfirdómslögmanns. Aðrir fundarmenn voru
Lárus H. Bjarnason, Magnús Guðmundsson, Jón Magnússon, Lárus Fjeldsted,
Héðinn Valdimarsson, Georg Ólafsson, Þorsteinn Þorsteinsson, hagstofustjóri,
Björn Þórðarson, Eggert Briem, Jóhannes Jóhannesson, Franz Siemsen og
Þorsteinn Þorsteinsson, síðar sýslumaður.
Að loknum fundinum var sent út bréf til allra íslenskra lögfræðinga og hag-
fræðinga og þeim boðið að ganga í félagið. Meðal gagna, sem fundust, eru
bréf frá 15 lögfræðingum, sem svara boðinu játandi. Eru flest bréfanna skrif-
uð sumarið 1919. Geta má þess, að aðeins tvö þeirra eru vélrituð (frá Birni
Líndal, bónda og yfirréttarmálflutningsmanni á Svalbarði og Sigurði Ólafssyni,
sýslumanni í Kaldaðarnesi). Eitt bréfanna er á dönsku og er það svohljóðandi:
,,Hr. Professor Ol. Lárusson. Hvis den i sin Tid paatænkte juridiske og natio-
nalokonomiske Forening er blevet stiftet, vilde jeg gerne integnes som Medlem
og beder mig opgivet til hvem Kontingentet kan sendes. Deres ærbpdige Jon
Krabbe." Tvö önnur bréf eru rituð í Kaupmannahöfn. Annað þeirra er frá Ein-
ari Benediktssyni, skáldi, en hitt frá Magnúsi Jónssyni, síðar prófessor, en þá-
verandi fulltrúa t danska fjármálaráðuneytinu.
205