Tímarit lögfræðinga - 01.09.1990, Blaðsíða 31

Friðrik Jóhannsson lauk prófi frá við-
skiptadeild Háskóla íslands á árinu 1982.
Árið 1984 hélt Friðrik til Bandaríkjanna og
starfaði hjá Laventhol & Horwath sem er
tíunda stærsta endurskoðunarfyrirtceki þar í
landi. Friðrik kom heim í árslok 1985 og lauk
þá endurskoðunarprófi en réðst síðan á árinu
1986 til Fjárfestingarfélags íslands hf sem
fjármálastjóri. Hann var ráðinn forstjóri Fjár-
festingarfélags íslands hf. ínóvemberásl. ári.
Friðrik Jóhannsson:
INNLAUSNARRÉTTUR EIGENDA
HLUTDEILDARSKÍRTEINA
EFNISYFIRLIT
INNGANGUR
1. ALMENNT UM VERÐBRÉFASJÓÐI
2. GENGI HLUTDEILDARSKÍRTEINA
2.1 Markaðsviröi eigna
2.1.1 Ávöxtun verðbréfa
2.1.2 Breytingar á vísitölu
2.1.3 Breytingar á markaðsvöxtum
2.1.4 Tapaðar kröfur
2.2 Skuldir
2.3 Nafnvirði hlutdeildarskírteina og hlutafjár
Inngangur
Grein þessi er að stofni til samhljóða erindi sem flutt var á fundi hjá
Lögfræðingafélagi íslands í apríl sl. Viðfangsefni fundarins var „Innlausnarrétt-
ur eigenda hlutdeildarskírteina“. í fyrstu virðist hér um að ræða frekar þröngt
svið en þegar betur er að gáð eru þó nokkur atriði sem þarf að skoða. Má í því
sambandi nefna atriði sem snúa að útreikningi á gengi og innlausnarákvæði auk
annarra atriða.
Til að nálgast þetta á aðgengilegan hátt fyrir lesendur hef ég valið að fjalla í
byrjun um formið verðbréfasjóð á almennan hátt og bera það saman við annað
form sem flestum er kunnugra, þ.e. banka. Þá mun ég leggja nokkra áherslu á
útreikning á gengi og helstu áhrifaþætti í því sambandi.
109