Valsblaðið - 01.05.2001, Qupperneq 72

„Like father, like son“. Gömlu körfuboltahetjur Vals hafa skilað sínu í unglingastarfið
með margvíslegum hætti eins og sjá má. Stoltir feður -frá vinstri: Gústaf Gústafsson,
Einar Olafsson, Kristján Ágústsson, Lárus Hólm. Fremri röð frá vinstri: Gústaf Rafn
Gústafsson (8.fl.), Arnar Oli Einarsson (minnibolti), Guðmundur Kristjánsson (9.fl.)
og Friðrik Lárusson (drengjafl.).
langar í nokkrum orðum að segja frá
þessu tímabili, nokkrum sögulegum
staðreyndum og sýn unga mannsins úr
Eskihlíðinni á atburði og einstaklinga.
Valsmenn mæta til leiks
Körfuknattleiksdeild Vals var stofnuð 29.
september 1970 og tók hún við rekstri
Körfuknattleiksfélags Reykjavíkur
(KFR). Fyrsti formaður deildarinnar var
Sigurður „stóri“ Helgason. Viðumefnið
fékk Sigurður af hæð sinni. Þama voru
toppmenn á ferð; Siggi Helga, Ólafur
Thorlacius, Auðunn Agústsson og fleiri.
Þriðji flokkur félagsins vann Reykjavík-
urmótið þetta ár en það var fyrsti titill
Valsmanna í körfubolta. Þar léku meðal
annarra hárprúðu drengimir, Torfi Magn-
ússon og Jóhannes Magnússon. Valur
vann svo sinn fyrsta sigur í 1. deild ís-
landsmótsins 24. janúar 1971, í baráttu
botnliðanna, þegar Valur mætti Njarðvík
á heimavelli. Urslitin urðu 69-58, þar
sem Þórir Magnússon gerði 28 stig,
Siggi Helga 19 og Kári Marísson 10 stig.
Hermann Gunnarsson (knattspymumað-
ur) hjálpaði samfélögum sínum og lék
sinn fyrsta opinbera körfuboltaleik og
skoraði 4 stig. í öllum tilvikum byrjar
allt með einhverjum hætti; svona hófst
körfuknattleikur í Val í afar stuttu máli.
Valsmenn fara að vinna titla
Á tímabilinu 1977-1978 hófst nýr kafli í
sögu þessarar ungu deildar í Val. í fyrsta
sinn var fenginn bandarískur leikmaður
til liðsins, sem lék með og þjálfaði liðið.
Pilturinn hét Rick Hockenos, vandaður
drengur, var með skeggvöxt sem minnir
nokkuð á kinngreiðslu afganskra náms-
manna. Fyrir utan að vera frábær leik-
maður, var m.a. valinn besti leikmaður
tímabilsins, þá var hann góður þjálfari.
Haft var eftir Torfa Magnússyni, að Hoc-
kenos hafi kennt Valsmönnum leikinn frá
grunni. Hockenos kom svo aftur haustið
eftir, fyrir tímabilið 1978-1979, en yfir-
gaf landið fljótlega og í hans stað kom
Tim Dwyer. Dwyer var afar sérstakur ná-
ungi, með mikið og smitandi sjálfstraust
og keppnisskap sem kom sér vel fyrir
Valsliðið. Hann var nokkuð góður leik-
maður, líkamlega sterkur og öflugur í
fráköstum, með fáránlegt skot sem ekki
var til eftirbreytni (upphaf skotsins
minnti frekar á klaufalega gabbhreyfmgu
sem virtist aldrei ætla að enda, en lauk
með því að hann kastaði boltanum frá
sér í bogalaga skoti, sem fór furðu oft
niður). Hann var skemmtimaður mikill,
svalur og glaumgosi hinn mesti. Það var
margt í atferli Dwyers sem var ágætt og
til eftirtektar fyrir körfuboltamenn en
annað síður til fyrirmyndar. Þá er það
dómgreind hvers og eins og uppeldi í
anda séra Friðriks sem gefur mönnunt
hæfni að greina kosti frá löstum.
Valsmönnum tókst að jafnaði að
greina góða siði Dwyers frá þeim slæmu
og tileinka sér þá góðu. Þetta skilaði sig-
urvilja, baráttu, sjálfstrausti og góðum
körfuboltamönnum, og ekki síður, alvöru
töffurum. Valur varð Reykjavíkurmeist-
ari strax nokkum dögum eftir að Dwyer
kom til landsins. Það voru snjallir leik-
menn sem fóru fyrir Valsliðinu, Þórir,
Torfi, Kristján Ágústsson og Ríkharður
Hrafnkelsson, Hafsteinn Hafsteinsson og
fyrirliðinn Lárus Hólm og fleiri. Allt
toppmenn sem unnu sinn fyrsta titil af
mörgum fyrir Val. Þórir hafði orðið
Reykjavíkurmeistari með KFR 1965.
Keppnistímabilið ('78—‘79) var mjög
jafnt, svo mjög að aukaleik þurfti til að
krýna meistara. Sá leikur fór fram í
Laugardalshöll. Höllin var troðin, fjöl-
mennasti körfuboltaleikur fram að þessu
á íslandi (2.700 manns). KR vann 77-75
í rosalegum leik. Fyrir undirritaðan,
ófermdan iðkanda og áhugamann voru
þetta mikil vonbrigði en Dwyer lofaði
mér að Valur ntundi vinna árið eftir. Ég
kaus að trúa honum.
Árið eftir (tímabilið 1979-1980) var
Dwyer aftur spilandi þjálfari Vals.
Dwyer stóð við orðin stóru, Valsmenn
unnu alla titla þetta tímabilið, unnu
Reykjavíkurmótið um haustið, bikarinn
og nokkru seinna Islandsmótið, eftir
mikla keppni við Njarðvík. Þórir átti frá-
bæran leik og skoraði 32 stig. „Loksins
Islandsmeistari eftir 19 ár í körfunni“
sagði Þórir eftir leikinn. Af þessum um-
mælum Þóris er hið foma máltæki dreg-
ið, þolinmæði þrautir vinnur allar. Fram-
hlið búninganna var nokkuð lýsandi fyrir
leik liðsins, hágæða snyrtimenni - allir
voru stjömur í Hollywood (auglýsing frá
Hitachi - Hollywood).
Snillingarnir
Á þessum árum vom margir snillingar í
Val, s.s. Torfi Magnússon, sem er einn
70
Valsblaöið 2001