Morgunn - 01.12.1939, Blaðsíða 88

214
MORGUNN
kölluð miðill og bý í húsi Einars Kvaran á Sólvöllum“. Ég
sagði henni ekki nafn mitt. Hún kvaddi og lét tólið á. Þetta
var allt rétt; ég var nýbúin að missa drenginn minn, Guð-
mund, er datt af hestbaki. Hver getur skilið þá undrun, er
yfir mig kom, að einhver inni í Reykjavík gat séð við hlið-
ina á mér, drenginn minn, sem ég tregaði svo mjög. Ég
fór að hugsa um þetta og tengdadóttur mína, sem heitir
Sigríður, dreymdi sama dreng, og hann sagði: „Ég þarf
svo mikið að tala við þig, Sigga“. Tengdadóttir mín fór því
í bæinn og náði tali af þessum nýja miðli, sem var í húsi
Kvarans. Drengurinn kom strax í samband, og að sögn
hennar var það mjög áhrifamikið, ásamt fleiru, er til henn-
ar sjálfrar kom. Nú langaði mig sjálfa að fara og ná tali af
sömu konu, miðlinum. Ég bað því tengdadóttur mína að
panta fund bara fyrir tvær, en við fórum fjórar; systir
mín og dóttir hennar. Þegar við komum til miðilsins, tók
stúlka á móti okkur. Hálfrökkur var í herberginu og allir
gluggar þaktir með dökku. Miðillinn leit ekki upp og talaði
ekkert orð við okkur. Það var eins og hún skipti sér ekk-
ert af því hvort við værum tvær eða fjórar. Hún byrjaði
að spila, þvínæst flutti hún stutta bæn. Síðan settist hún
í miðilsstólinn og sambandið byrjaði á þessá leið:
Hún byrjaði að lýsa konu, sem mér var ómögnlegt að
kannast við. ,,Ég heiti Ólöf“, sagði konan. Hún talaði við
mig mjög fögur orð og sagði: „Þú geymir fyrir mig, sömu-
leiðis geymi ég fyrir þig“. Enn þá gat ég ekki áttað mig.
Hún sagði: „f nótt skaltu fá að sjá mig. Ég kem til að sækja
manninn; hann er ósköp veikur og þreyttur". Og einnig
sagði hún mér hve nær hún mundi sækja hann. Systir mín
fékk mjög miklar sannanir frá manni sínum og móður
okkar, og hafði miðillinn ekki hugmynd um að hún væri
systir mín, eða að hún ætti að vera þarna. Drengurinn
minn kom í sambandið og þegar hann kom, þá hreyfðist
• málmlúður, sem stóð þar á gólfinu, sömuleiðis heyrðu allir
svolítið merki, eins og smellt væri hátt með fingrunum,
og hafði hann þenna sið. Um nóttina dreymdi mig blá-