Morgunn - 01.12.1966, Qupperneq 10

88
MORGUNN
um spurningum viljum við eðlilega fá skýlaus og ótvíræð
svör, ekki bollaleggingar heimspekinganna sitt á hvað, ekki
hin kuldalegu svör efnishyggjumannanna, sem neita með
þverúð og hroka að nokkuð geti til verið, nema það, sem þeir
geta mælt og vegið á vogir sinar og kvarða, nema þeir geti,
eins og Ungi litli, séð það með augunum, heyrt það með eyr-
unum og brot af því detti niður á stélið á þeim! Við getum
ekki heldur lifað um þetta í einni saman trú — að minnsta
kosti ekki þeir, sem trúna skortir, eða hún er þeim svo veik,
að þeir finna ekki nægilegan styrk í henni.
En hvað er þá unnt að gjöra og skylt að gjöra? Auðvitað
það, að rannsaka sem nákvæmlegast og vendilegast það,
sem við í daglegu tali nefnum sál mannsins og persónuleika,
eðli þeirrar sálar og hæfileika, samband hennar við líkam-
ann og hvort og að hve miklu leyti hún geti þegar í þessu
lífi starfað sjálfstætt og óháð eða utan við hinn jarðneska
líkama. Ef unnt reynist að fá fyrir þessu óyggjandi vís-
indalegar sannanir, mundi það tóvírætt benda á, að minnsta
kosti, sennilegan möguleika á framhaldstilveru og fram-
haldslífi sálarinnar eftir líkamsdauðann. Jafnhliða þarf svo
að rannsaka öll þau fyrirbæri, sem gefa til kynna samband
við látna menn, svo sem skyggnigáfu, ósjálfráða skrift,
drauma og hinar ýmsu tegundir fyrirbæra í sambandi við
miðla.
Sálarrannsóknafélögin víðsvegar um heim, en sum þeirra
hafa starfað frá því nokkru fyrir síðustu aldamót, hafa
einkum verið féiög áhugafóiks um hinn síðastnefnda þátt
þessara rannsókna. Og starf þeirra hefur fyrst og fremst að
þvi beinzt, að sanna það, að samband geti átt sér stað á milii
þeirra, sem enn lifa hér á jörð og hinna, sem farnir eru af
þessum heimi. Þau hafa safnað ógrynni af gögnum um þessi
efni, gögnum sem eru i senn afar mikilvæg og merkileg. Þau
hafa haft f jölda ágætra miðla i þjónustu sinni, rannsakað
hæfileika þeirra og safnað vottfestum skýrsium um þau fyr-
irbæri, er gerzt hafa í sambandi við þá. Þau hafa unnið
ötullega að því að kynna þessi mál, ekki aðeins innan félag-