Íslendingur - 15.11.1984, Blaðsíða 5

FIMMTUDAGUR 15. NÓVEMBER 1984
Jðlcudinaur
5
Stjórnmálaályktun kjördæmisráðs
Ályktun um stóriðju
Einn vænlegasti kostur varð-
andi atvinnuuppbyggingu í
framtíðinni er aukin nýting á
orkuauðlindum landsmanna.
Sú nýting byggist fyrst og fremst
á stóriðjufyrirtækjum, sem
breyta orkunni í útflutnings-
vöru. Kjördæmisráð Sjálfstæð-
isflokksins í Norðurlandskjör-
dæmi eystra fagnar því stefnu
iðnaðarráðherra og tilraunum
stóriðjunefndar til að koma
slíkum atvinnurekstri á fót.
Á Eyjafjarðarsvæðinu hefur
nú um sinn gætt stöðnunar og
jafnvel hnignunar í atvinnulífi.
Fólksfjölgun hefur engin orðið
og jafnvel er um brottflutning
fólks af svæðinu að ræða. Þess-
ari þróun verður að snúa við. Því
hvetur Kjördæmisráðiðeindreg-
ið til þess, að næsta stóriðju-
fyrirtæki, sem reist verður, verði
staðsett í Eyjafirði, enda er slíkt
þjóðhagslega nauðsynlegt til
þess að eðlilegt byggðajafnvægi
haldist í landinu. Kjördæmis-
ráðið hvetur til aukinnar sam-
stöðu og sóknar Eyfirðinga í
þessu mikla hagsmunamáli hér-
aðsins, þannig að ákvörðun geti
legið fyrir sem fyrst.
Á aðalfundi kjördæmisráðsins gerði Vilhjálmur Þ. Vilhjálmsson grein fyrir tillögum um
nýjar prófkjörsreglur.
Kjördæmisráð Sjálfstæðisfélag-
anna í Norðurlandskjördæmi
eystra leggur sem fyrr áherslu á
nauðsyn þess, að stöðugleiki sé í
efnahagslífinu. Sterkur gjald-
miðill, frjálsræði í viðskiptum og
arðsemi í fjárfestingum eru for-
senda þess, að unnt sé að skapa
atvinnuvegunum lífvænleg
rekstrarskilyrði til frambúðar.
Einungis aukinn afrakstur þjóð-
arbúsins getur tryggt lands-
mönnum öllum batnandi lífs-
kjör og sómasamlega afkomu
heimilanna.
Á liðnum verðbólguárum
gætti vaxandi hneigðar til spá-
kaupmennsku og óarðbærrar
fjárfestingar, sem að lokum olli
hruni lífskjara á miðju ári 1982.
Það var óhjákvæmileg afleið-
ing af vaxandi skuldasöfnun er-
lendis og langvarandi halla
undirstöðuatvinnuveganna í
góðæri. í kjölfarið sigldi lengra
samdráttarskeið en Islending-
ar höfðu þolað í mannsaldur,
og á þessu ári dró svo úr afla, að
óhjákvæmilegt var að setja
kvóta á öll fiskiskip. Þetta hefur
valdið samdrætti í hinum
strjálu byggðum, sem leitt hefur
af sér óeðlilega þenslu og bú-
ferlaflutning til Stór-Reykja-
víkursvæðisins. Til tímabund-
ins og alvarlegs atvinnuleysis
hefur komið í einstökum sjávar-
plássum vegna minnkandi afla.
Við þessi skilyrði er brýnasta
verkefnið að Sregðast svo við
rekstrarvanda sjávarútvegsins,
að hann fái viðunandi starfs-
grundvöll og skipi þann sess,
sem honum ber sem höfuð-
atvinnuvegi þjóðarinnar. Rétt er
að vekja athygli á því að í erfiðri
skuldastöðu þjóðarinnar við út-
lönd, þá er hlutur útgerðar 16%,
en hún aflar um 70% af öllum
útflutningi þjóðarinnar.
Stjórnarskiptin á sl. ári mörk-
uðu þáttaskil. Þá var brugð-
ist hart við efnahagsvandan-
um með alhliða ráðstöfunum,
sem ollu því, að verðbólgan
hrökk úr 130% í 20% á
nokkrum mánuðum. Jafnframt
tókst að stöðva, að enn frekar
drægi úr kaupmætti, og hefur
hann farið batnandi á yfír-
standandi ári skv. upplýsing-
um kjararannsóknarnefndar.
Enginn vafi er á því, að
stöðugleikinn í efnahagslífinu
og aukið frjálsræði í viðskiptum
hafa vakið nýtt frumkvæði og
framtak í atvinnurekstri, sem
mun skila sér í auknum þjóð-
artekjum.
Mikilsvert er að ekki fyrnist
yfir þá reynslu, sem þjóðin varð
að þola vegna verðbólgunn-
ar og lýsti sér í versnandi lífs-
kjörum, minnkandi þjóðar-
framleiðslu og meiri mismunr
unar þegnanna en nokkru sinni
á þessari öld. Þessi sársauka-
fulla lexía átti að geta komið í
veg fyrir þá verðbólgusamn-
inga, sem gerðir hafa verið eftir
fjögurra vikna verkfall opin-
berra starfsmanna. Illu heilli var
þeirri leið hafnað, að bati lifs-
kjara á næsta ári yrði tryggð-
ur með hóflegum peningalauna-
hækkunum, sem fylgt yrði eftir
með ráðstöfunum á sviði ríkis-
fjármála og skattalækkunum.
Með þeim hætti hefði tekist:
1. að tryggja batnandi lífs-
kjör;
2. að viðhalda jafnvæginu í
þjóðarbúskapnum og
stöðugu gengi;
3. að skapa svigrúm fyrir
fyrirtækin til að greiða
hluta af lífskjarabótunum;
4. að færa á erfiðleikatímum
hluta af kaupmætti ríkis-
ins yfir á heimilin.
Eftir á viðurkenna flestir að
skaðinn er skeður. Þjóðin hefur
öll tapað á verðbólgusamning-
unum og þeir mestu, sem síst
skyldi og mestar færðu fórnirn-
ar. Þar sannast sem oft áður, að
sjálfsskaparvítin eru verst.
Ríkisstjórnin stendur nú á
krossgötum. Vilji hún halda
trausti þjóðarinnar er óhjá-
Frá aðalfundi kjördæmisráðs
kvæmilegt, að hún geri við-
eigandi ráðstafanir til að jafn-
vægi skapist á ný í efnahags-
lífinu og tryggi meðal annars
stöðugt gengi krónunnar í sam-
ræmi við afkomu útflutnings og
samkeppnisatvinnuveganna. Til
þess að tryggja kaupmáttinn á
næsta ári er óhjákvæmilegt að
lögfesta víðtækar lækkanir á
tollum og vörugjaldi og lækka
tekjuskatt verulega.
Kjördæmisráð lýsir yfir
áhyggjum sínum vegna versn-
andi stöðu strjálbýlisins og legg-
ur áherslu á eftirfarandi:
1. Kjami heilbrigðrar byggða-
stefnu er annars vegar fólginn í
öflugu og arðsömu atvinnulífi,
svo að afrakstur vinnunnar
varðveitist, þar sem verðmæt-
anna er aflað. Hins vegar er
nauðsynlegt að efla byggðir
Eyjafjarðar til mótvægis við
Stór-Reykjavíkursvæðið.
2. Greiðar samgöngur í kjör-
dæminu og við Austurland
styrkja gagnkvæm tengsl og eru
forsenda alhliða þjónustu- og
iðnaðaruppbyggingar á svæð-
inu. Næstu stórverkefni í vega-
málum eru í fyrsta lagi göng um
Olafsfjarðarmúla og er brýnt að
lokið verði rannsóknum á gerð
þeirra hið allra fyrsta og hafnar
framkvæmdir, og í öðru lagi
lagning varanlegs slitlags á
þjóðveginn til Reykjavíkur, sem
hvort tveggja í senn lækkar
vöruverð norðanlands og stuðl-
ar að iðnþróun þar með ódýr-
ari og greiðari markaðssetningu
á framleiðsluvörum þaðan á
Stór-Reykjavíkursvæðinu.
3. Ljúka verður rannsóknum
á náttúrufari við Eyjafjörð
vegna álverksmiðju hið allra
fyrstav
4. Á næsta ári verður að ljúka
botnrannsóknum áhafnarsvæð-
unum við Húsavík með stór-
iðju eða nýiðnað fyrir augum.
5. Treysta verður starfsskil-
yrði skipasmíðaiðnaðarins og
tryggja í lánsfjárlögum að við-
hald og endurbætur á fiski-
skipastólnum geti farið fram hér
á landi. Mikilvægt er að hið
fyrsta verði endurnýjunarþörf
fiskiskipastólsins metin, svo að
innlendar skipasmíðar hefjist að
nýju.
6. Samhliða þeim breyting-
um, sem verið er að undirbúa og
gera á starfsgrundvelli land-
búnaðarins, verður að gera
landið að einu markaðssvæði.
7. Sérstakt átak verði gert til
a.ð efla ferðamannaiðnaðinn,
sem er vaxandi og gjaldeyris-
skapandi atvinnugrein, með
samvinnu einkaaðila, sveitar-
félaga og Ferðamálaráðs.
8. Menntamál strjálbýlisins
verði tekin til endurskoðunar.
Sérstaklega verði athuguð heild-
arstefna í framhaldsskólamál-
um kjördæmisins. Uppbygg-
ingu Verkmenntaskólans á Ak-
ureyri verði hraðað og hafist
handa um byggingu heimavist-
ar. Háskóladeild rísi á Akur-
eyri.
9. Fyrirhugað þróunarfélag,
sem stofna á skv. samkomu-
lagi stjórnarflokkanna, verði
stofnað á Akureyri og þar verði
aðalskrifstofa þess.
Kjördæmisráð skírskotar til
þjóðarinnar allrar um að íhuga
síðustu atburði í kjaramálum,
afleiðingar þeirra og draga lær-
dóm af þeim. Ný verðbólgu-
skriða bætir einskis manns hag
og mun ekki gera. Því er mikil-
vægt að tíminn til næstu kjara-
samninga verði notaður til hins
ítrasta, svo að unnt verði að
finna lausn, sem allt í senn við-
heldur stöðugleika é efnahags-
málum, bætir lífskjörin og skap-
ar fyrirtækjum skilyrði til að
standa undir þeim. Kjördæmis-
ráð leggur áherslu á að starfs-
mat og laun verði byggð á rök-
um en ekki hefðum. Með breytt-
um þjóðfélagsháttum standa
konur jafnfætis körlum sem
fyrirvinnur heimilanna.
Það kemur í hlut Sjálfstæðis-
flokksins nú sem fyrr að vinna
að þjóðarsátt. Það er í samræmi
við sögu hans, stöðu og grund-
vallarstefnu að hafa um það
forystu.
Sigurður Hannesson
endurkjörinn formað-
ur kjördæmisráðs
í stjórn kjördæmisráðs Sjálfstæðisflokksins í Norðurlandskjör-
dæmi eystra voru kjörnir:
Aðalmenn:
Sigurður Hannesson, Akureyri, formaður
Erna Jóhannsdóttir, Ólafsfirði
Höskuldur Jónsson, Húsavík
Skírnir Jónsson, Skarði, Grýtubakkahreppi
Sverrir Leósson, Akureyri
Varamenn:
Guðfinna Thorlacius, Akureyri
Þorsteinn Aðalsteinsson, Dalvík
Helgi Ólafsson, Raufarhöfn
Benjamín Baldursson, ytri-Tjörnum
Margrét Yngvadóttir, Akureyri