Morgunn - 01.12.1980, Blaðsíða 56

150
MORGUNN
Þetta virtust Cayce nægilega skynsamlegar skýringar, enda
þótt hann hefði verið þrjóskur í efasemdum sinum. En þá varð
Atlantis enn annar vegatálminn. Hvernig vitum við að slíkur
staður hafi verið lil? Er þetta bara ekki eins og hver önnur
þjóðsaga. Dálestrarnir gáfu sjálfir svör við þessu, sem bæði
voru löng og ítarleg.
Þeir sögðu að Plató hefði verið fyrsti hugsuðurinn á Vest-
urlöndum, sem vitnað hefði ósköp blátt áfram i tilvist hins
forna Atlantis, er lægi í djúpum Atlantshafsins. Og þótt al-
menningur hafi ekki verið að velta vöngum yfir þessu, þá
hafa jarðfræðingar um all-langt skeið brotið heilann um þetta.
Skoðanir þeirra eru skiptar í þessu máli. Hafna sumir algjör-
lega hugmyndinni um tilveru Atlantis, en aðrir standa á þvi
fastar en fótunum að Atlantis hafi raunverulega verið til. En
hvað sem því leið, þá fundust margar bækur eftir lærða menn
um þetta efni, þar sem hlaðið var upp sönnunum sagnfræði-
legum, menningarlegum og jarðfræðilegum. Cayce fann eina
slíka bók: Atlantis, the Antediluvian World eftir Ignatius
Donnelly. Furðaði Cayce mjög á því að uppgötva að dálestr-
arnir höfðu skýrt nákvæmlega frá öllum aðaldráttunum i
sönnunum Donnellys.
Þessar umræður, kannanir og rannsóknarleiðangrar i bæk-
ur um sagnfræði, samanburðartrúarbragðasögu og fornar dul-
fræðikenningar, sem einmitt höfðu komið við sögu í dálestr-
unum, opnuðu Cayce nýja víðsýn sagnfræðilega og menning-
arlega, sefn hann hafði aldrei áður búið yfir. Smám saman
tók hann að efast minna um það sem af vörum hans kom í
dásvefninum, og hann fór að sannfærast æ meira um það, að
í þessu öllu kynni að felast nokkur sannleikur. Hann tók nú
af ákafa og forvitni að grannskoða lestrana og sannprófa full-
yrðingar þeirra með ýmsum hætti.
Eitt af því sem hann uppgötvaði var það, að þeir reyndust
ævinlega samkvæmir sjálfum sér. Það kom aldrei fyrir að
nokkur dálestur væri í ósamræmi við annan, og það jafnvel
þótt langur timi liði milli þeirra. Þannig kom fyrir að annar
líflestur einslaklings færi fram mörgum mánuðum eða jafn-