Morgunn - 01.06.1996, Side 37

MORGUNN
Nauðsynlegt er að opna fyrir og þjálfa vissa hæfileika.
En ekki er endilega nauðsynlegt að vera gæddur dulrænum
hæfileikum til að nota þessa tegund bænar. Ef við höfum
tengst ástar- og vináttuböndum einhverjum sem er látinn,
hverfa þau bönd ekki við líkamsdauðann. Við getum hugsað til
ástvina okkar og beðið um hjálp þeiixa þegar vandi steðjar að.
Við þekkjum það mörg okkar, að þau eru ekki lengi að
bregðast við og veita okkur stuðning, ef við erum opin og
viljug til að vera farvegur fyrir þá hjálp sem þau geta veitt.
í fjórða lagi koma til skjalanna andlegir kraftar í bæninni.
Hugsanlega er hér komin uppspretta allrar bænarorku. Og ekki
er ólíklegt að lykillinn að uppsprettunni sé ástin eða trú og
traust.
35