Morgunblaðið - 03.04.2009, Blaðsíða 16

16 FréttirVIÐSKIPTI | ATVINNULÍF
MORGUNBLAÐIÐ FÖSTUDAGUR 3. APRÍL 2009
Þetta helst ...
● OMXI6 úrvalsvísitala Kauphallar Ís-
lands hækkaði um 2,46% í gær, en
velta var með allra minnsta móti. Velta
með hlutabréf nam rúmum 74 millj-
ónum króna en 3,4 milljarða velta var á
skuldabréfamarkaði. Bréf Össurar
hækkuðu um 2,48%. bjarni@mbl.is
Hækkun í kauphöll
● SVEINN Andri
Sveinsson hefur
tekið við starfi
bankastjóra Spari-
sjóðabankans, en
Sveinn Andri var
áður fram-
kvæmdastjóri fjár-
mála- og upplýs-
ingatæknisviðs
bankans. Agnar
Hansson lét af
störfum sem bankastjóri í vikunni.
Sparisjóðabanki Íslands hefur sagt
upp 37 starfsmönnum frá því að bank-
inn fékk heimild til greiðslustöðvunar
hinn 23. mars sl. Áfram munu starfa hjá
Sparisjóðabankanum 35 manns.
bjarni@mbl.is
Bankastjóraskipti hjá
Sparisjóðabankanum
Sveinn Andri
Sveinsson
Eftir Bjarna Ólafsson
bjarni@mbl.is
LENGI vel voru meiri kröfur gerðar
til stjórnarmanna og stjórnenda
verðbréfasjóða en þeirra sem
gegndu sambærilegum störfum fyrir
lífeyrissjóði. Var það þrátt fyrir að
lífeyrissjóðir sýsluðu með margfalt
meira fé en flestir verðbréfasjóðir.
Þann 29. desember síðastliðinn
var lögum um lífeyrissjóði breytt og
gera ný ákvæði ríkari kröfur til
stjórnarmanna og stjórnenda lífeyr-
issjóða, en gerðar höfðu verið áður. Í
raun má segja að með lagasetning-
unni hafi samræmi verið komið á
með lögum um verðbréfasjóði ann-
ars vegar og lífeyrissjóði hins vegar.
Nýja ákvæðið, sem snýr að stjórn-
armönnum lífeyrissjóða, gerir þá
kröfu að stjórnarmenn skuli búa yfir
nægilegri þekkingu og starfsreynslu
til að geta gegnt stöðu sinni á til-
hlýðilegan hátt. Þá var bætt við
þeirri kröfu að sá starfsmaður lífeyr-
issjóðs, sem sinnir eignastýringu
fyrir sjóðinn, skuli hafa staðist próf í
verðbréfaviðskiptum. Síðarnefnda
ákvæðið tekur reyndar ekki gildi
fyrr en 1. janúar 2011. Hafa sjóðirnir
og stjórnendur þeirra því tæp tvö ár
til að uppfylla kröfur laganna.
Krafan um að stjórnarmenn skuli
búa yfir nægilegri þekkingu og
starfsreynslu er afar matskennd. Í
greinargerð með samhljóða ákvæði í
lögum um fjármálafyrirtæki segir að
ekki sé hægt að setja fram almenn
viðmið um það hvaða þekkingar sé
þörf, heldur verði að meta slíkt
hverju sinni.
Vægari kröfur um hæfni
stjórnenda lífeyrissjóða
Hafa tíma til 2011 til að aðlagast strangari menntunarkröfum
ingu hlutafjár verður háttað í hinu
nýja félagi. Eignarhlutur NBI mun
færast í sérstakt eignaumsýslufélag
í samræmi við svokallaða Lundúna-
leið, sem er alþjóðlega viðurkennd
aðferðafræði sem nýju ríkisbankarn-
ir beita vegna rekstrarvanda lífvæn-
legra fyrirtækja. Engar eignir hafa
verið seldar úr FL Group á greiðslu-
stöðvunartíma, að sögn Júlíusar Þor-
finnssonar, upplýsingafulltrúa fé-
lagsins. „Við freistuðum þess að fá
viðunandi verð fyrir eignir, en það
gekk ekki upp.“
Jakob Möller, aðstoðarmaður FL
Group á greiðslustöðvunartíma,
verður erlendis til 23. apríl.
Kröfuhafar eignist
FL Group til fulls
Til að forðast gjaldþrot vill FL Group fara í nauðasamninga
Morgunblaðið/Ómar
Búið Aðkomu Hannesar Smárasonar og Jóns Ásgeirs Jóhannessonar að FL
Group lýkur eftir helgi. Ekki er vitað hvort Jón Sigurðsson verður áfram.
Eftir Þorbjörn Þórðarson
thorbjorn@mbl.is
GREIÐSLUSTÖÐVUN FL Group,
sem opinberlega heitir Stoðir, renn-
ur út næstkomandi mánudag. Til
þess að fyrirbyggja gjaldþrot mun
félagið óska eftir nauðasamningum
án undanfarandi gjaldþrotaskipta,
samkvæmt upplýsingum blaðsins.
Með nauðasamningi er átt við
samning um greiðslu skulda eða eft-
irgjöf á skuldum sem kemst á milli
skuldarans og áskilins meirihluta
lánardrottna hans og hlýtur síðan
staðfestingu fyrir dómi.
Endurskipulagning FL Group í
samstarfi við kröfuhafa er á loka-
stigi. Stofnað var sérstakt
kröfuhafaráð FL Group skipað
fulltrúum ríkisbankanna þriggja,
fulltrúa smærri kröfuhafa og fulltrúa
erlendra lánardrottna.
Hugmyndir um endurskipulagn-
ingu ganga út á að kröfuhafar eignist
félagið til fulls. Allt hlutafé FL Gro-
up yrði afskrifað og kröfuhafar
tækju starfsemina yfir. Nýi Lands-
bankinn (NBI) og skilanefnd Glitnis
eiga stærstu kröfurnar, samkvæmt
upplýsingum Morgunblaðsins, en
ekki fékkst uppgefið hvernig skipt-
Í HNOTSKURN
»Leggja átti nafnabreyt-ingu FL Group fyrir hlut-
hafafund félagsins hinn 30.
september sem var frestað um
óákveðinn tíma vegna yf-
irtöku ríkisins á Glitni. Form-
lega skipti félagið því aldrei
um nafn.
»Greiðslustöðvun rennur útá mánudaginn. Ef end-
urskipulagning gengur ekki
eftir verður FL gjaldþrota.
VÁTRYGGINGAFÉLAG Íslands (VÍS) lánaði
Sigurði Einarssyni, fyrrverandi stjórnarformanni
Kaupþings, 75 milljónir króna gegn 200 milljóna
króna veðtryggingu í sveitasetri hans við Norðurá
í Borgarfirði. Þetta kom fram í tilkynningu sem
Guðmundur Örn Gunnarsson, forstjóri VÍS, sendi
frá sér í gær.
Morgunblaðið sagði í gær að VÍS hefði tekið 200
milljóna króna veð í hálfbyggðu sveitasetri Sig-
urðar hinn 29. desember síðastliðinn vegna skuld-
ar hans við tryggingafélagið. Sigurður vildi ekki
tilgreina hvort skuldin væri vegna lánveitinga þar
sem hann liti svo á að um persónulegar fjárreiður
væri að ræða. Í tilkynningu Guðmundar kemur
fram að Veiðilækur ehf. hafi fengið „75 milljón
króna lánsfjármögnun frá Vátryggingafélagi Ís-
lands gegn veðtryggingu að fjárhæð 200 milljónir
króna. Vátryggingafélag Íslands telur því trygg-
ingar fyrir þessari lánsfjármögnun traustar. Rétt
er að taka fram að fjárfestingar og lánveitingar
eru hluti af reglulegri starfsemi vátrygginga-
félaga, m.a. lánveitingar til fasteignaverkefna
gegn tryggum veðum […] Eins og fram kom í
Morgunblaðinu virðir Vátryggingafélag Íslands
þá meginreglu að tjá sig ekki um samskipti við ein-
staka viðskiptavini en hefur fengið heimild Veiði-
lækjar ehf. til þess að gera undantekningu frá
þeirri reglu í ljósi fréttaflutnings Morgunblaðs-
ins“. Morgunblaðið beindi fyrirspurn til Fjármála-
eftirlitsins (FME) um hvort veðtakan stæðist þær
reglur sem tryggingafélög eiga að vinna eftir. Í
svari FME kemur fram að það geti ekki tjáð sig
um einstök mál en almennt geti tryggingafélög
tekið veð í eigum gegn kröfum.
VÍS lánaði Sigurði
 VÍS lánaði Sigurði Einarssyni 75 milljónir króna
gegn 200 milljóna króna veði í hálfbyggðu sveitasetri
Morgunblaðið/Kristinn
Fékk lán VÍS tók 200 milljóna króna veð í sveita-
setri Sigurðar í lok desember síðastliðins.
„ÖLL tilboð voru
send inn sem
trúnaðarmál.
Einnig kunna til-
boðin að fela í
sér upplýsingar
um fjárhag og
bakhjarla til-
boðsgjafa og því
er ekki hægt að
veita slíkar upp-
lýsingar,“ segir Hlynur Jónsson,
formaður skilanefndar SPRON, um
önnur tilboð sem bárust í eignir
SPRON. Sem kunnugt er hefur MP
banki keypt hluta útibúanets, vöru-
merki SPRON og Netbankann,
nb.is, fyrir 800 milljónir króna.
Í samkomulagi MP banka og
skilanefndar er fyrirvari um sam-
þykki FME, en FME hefur ekki
veitt slíkt samþykki ennþá. Þegar
óskað var eftir upplýsingum frá
FME um hvort samkomlagið yrði
staðfest og hvort FME myndi
hlutast til um að upplýsa um önnur
tilboð sem bárust í eignirnar feng-
ust þau svör að þessi mál væru „til
skoðunar hjá Fjármálaeftirlitinu“.
FME vildi jafnframt ekki upplýsa
nánar um skilmála samkomulags-
ins. Hlynur Jónsson segir að ef ekki
hefði verið gengið frá sölu þeirra
eigna sem MP keypti á þessum
tímapunkti hefði ekkert fengist fyr-
ir þær. Skilanefndin hefði því verið
að bjarga verðmætum með sölunni.
Auk þess sem 45 störf hefðu verið
tryggð, en MP mun starfrækja
útibúin á Skólavörðustíg, á Sel-
tjarnarnesi og í Borgartúni undir
merki SPRON. thorbjorn@mbl.is
Ekkert gefið
upp um
SPRON
Hlynur Jónsson
"#$
"#$
!"#
$%"
&'(!
&)(%
!
!
"#$
%$
%'#$
!"*
&#(!
&)(!
!
!
&'(
) $+$,
%#*'
&!(,
&'('
!
!
,-./
&0$
"%!)
"','
&"('
&#(%
!
!
"#$
"#$
#"%
#!+
&!()
&#(%
!
!
● ÖLLUM starfsmönnum Frjálsa fjár-
festingarbankans var sagt upp störf-
um fyrr í vikunni. Eru uppsagnirnar
hluti af ákvörðun skilanefndar
SPRON að segja upp öllum starfs-
mönnum SPRON og dótturfélaga
þess, þar með talið starfsmönnum
Frjálsa fjárfestingarbankans.
Kristinn
Bjarnason,
framkvæmda-
stjóri Frjálsa fjár-
festingarbank-
ans, segir að allir
starfsmenn
bankans, liðlega
20 talsins, séu
að sinna sinni
vinnu eins og
hingað til. Þá sé
unnið að endurráðningu starfsmanna
og framtíðarskipan bankans. „Það
verkefni er í höndum skilanefndar
SPRON sem fer með hlutabréfið í
bankanum.“
Kristinn segir að afkoma Frjálsa
fjárfestingarbankans hafi verið ágæt
að undanförnu þrátt fyrir þá erfiðleika
sem dunið hafi yfir. gretar@mbl.is
Unnið að endurráðn-
ingum hjá Frjálsa
Kristinn Bjarnason
SIGURMAR K. Albertsson, hæsta-
réttarlögmaður hjá Lagastoð ehf.,
hefur verið skipaður skiptastjóri
Pennans. Hann segir að hjá fyr-
irtækinu starfi um 300 manns og
því þurfi að hafa hraðar hendur til
að starfsemin stöðvist ekki.
Undir Pennann heyra verslanir
Eymundsson, Griffill, Bókabúð
Máls & menningar, Islandia og Salt-
félagið. Nýja Kaupþing tók yfir
rekstur Pennans fyrir um hálfum
mánuði.
Sala eins fljótt og hægt er
„Ég veit af því að Nýja Kaupþing
vill að rekstur Pennans og þeirra
fyrirtækja sem undir hann heyra
haldi áfram, enda hefur bankinn
mestra hagsmuna að gæta af því.
Þá geri ég jafnframt ráð fyrir því
að bankinn hafi notað tímann frá
því hann tók við rekstrinum til að
kortleggja hvernig hægt sé að selja
hann. Hins vegar liggur fyrir að
bankinn hefur fengið kunn-
áttumenn til að meta virði eign-
anna,“ segir Sigurmar.
Hann segist gera ráð fyrir að
Penninn og fyrirtæki hans verði
væntanlega komin í hendur áhuga-
samra kaupenda fljótlega. Um
ákveðnar dagsetningar í þeim efn-
um sé hins vegar ekkert hægt að
segja á þessu stigi.
gretar@mbl.is
Sigurmar skipaður
skiptastjóri Pennans