Morgunblaðið - 05.12.2009, Blaðsíða 41

MORGUNBLAÐIÐ LAUGARDAGUR 5. DESEMBER 2009
NÚ ÞEGAR að-
ventan gengur í garð
og jólin nálgast sækja
minningarnar á
marga, bæði ljúfar og
sárar. Minningar um
samfundi með vinum
og ættingjum sem
settu svip sinn á
jólahátíðina en eru nú
horfin okkur sjónum
um stund leita á hug-
ann, þeirra er minnst
af virðingu og með þakklæti og
söknuðurinn tekur að gera vart við
sig.
Þeim sem nýlega eða einhvern
tíma hafa misst ásvin og hafa því
upplifað það á eigin skinni hvað það
er að syrgja og sakna sendi ég mín-
ar einlægustu baráttukveðjur og
hugheilar blessunaróskir með eft-
irfarandi texta:
Það missir enginn eins og þú.
Það missir enginn eins og þú, það
syrgir enginn eins og þú og það
saknar enginn eins og þú. Því að
enginn er sem þú og enginn kemur
í þinn stað. Missir þess sem elskar
er mikill. Og þótt andlitið kunni
sem betur fer að gleðjast um stund
getur hjartað grátið. Ef þú vilt
komast hjá því að syrgja og sakna
skaltu hætta að elska, því þeir
missa mest sem mikið elska. Sá
sem ekki elskar missir ekki neitt,
en fer mikils á mis.
Tár
Það er svo þungt að missa, til-
veran er skekin á yfirþyrmandi
hátt. Angist fyllir hugann, örvænt-
ingin og umkomuleysið er algjört.
Tómarúmið hellist yfir og tilgangs-
leysið virðist blasa við.
Það er svo sárt að
sakna, en það er gott
að gráta. Tárin eru
dýrmætar daggir, perl-
ur úr lind minning-
anna. Minninga sem tjá
kærleika og ást, vænt-
umþykju og þakklæti
fyrir liðna tíma. Minn-
inga sem þú einn átt
og enginn getur afmáð
eða frá þér tekið.
Tárin mýkja og tárin
styrkja. Í þeim spegl-
ast fegurð minning-
anna.
Gráttu, því að sælir eru sorgbitn-
ir, því að þeir munu huggaðir
verða. Sælir eru þeir sem eiga von
á Krist í hjarta, því að þeir munu
lífið erfa og eignast framtíð bjarta.
Allt hefur sinn tíma
Leyfðu sorginni bara að hafa
sinn tíma og fara í sinn eðlilega far-
veg. Svo mun það gerast, smátt og
smátt, að þú gefst upp fyrir henni
og minningarnar björtu og góðu
komast að, taka við og búa með
þér. Ómetanlegar minningar sem
enginn getur frá þér tekið.
Að harðasta vetrinum loknum fer
síðan aftur að vora og yljandi vind-
ar taka um þig að leika og lit-
skrúðug, ólýsanlega fögur blóm
taka að gera vart við sig, hvert af
öðru. Þau taka að spretta umhverf-
is lind minninganna.
Já, blessaðir séu þeir sem gefa
sér tíma til að strjúka vanga og
þerra tár af kinn, bara með því að
faðma og vera.
Í sorgarhúsi
Forðastu ekki þá sem sorgin hef-
ur bitið. Hafðu bara hugfast að
spakmæli, reynslusögur, viðmið eða
of mörg orð yfirleitt eiga ekki við í
þeim húsum sem sorgin hefur sótt
heim.
Hlustaðu bara, faðmaðu og vertu
til staðar í þolinmæði. Því að þegar
þú heimsækir sjúka eða sorgbitna,
þá þarftu ekki endilega að staldra
svo lengi við. En vertu allavega á
meðan þú ert, án þess að vera sí-
fellt að líta á klukkuna.
Guð gefi okkur öllum bless-
unarríka aðventu og gleðileg jól!
Til þeirra sem
syrgja og sakna
Eftir Sigurbjörn
Þorkelsson
Sigurbjörn
Þorkelsson
» Litskrúðug, ólýs-
anlega fögur blóm
taka að gera vart við sig,
hvert af öðru. Þau taka
að spretta umhverfis
lind minninganna.
Höfundur er rithöfundur og fráfar-
andi framkvæmdastjóri og meðhjálp-
ari Laugarneskirkju.
Sími 551 3010
Hárgreiðslustofan
TAKMA
RKAÐ
MAGN
– meira fyrir áskrifendur
Fáðu þér áskrift á
mbl.is/askriftPöntunartími auglýsinga er fyrir klukkan 16.00
föstudaginn 18. desember 2009.
Nánari upplýsingar veitir Katrín Theódórsdóttir
í síma 569 1105, kata@mbl.is
Í þessu blaði verða kynntir fullt af þeim mögu-
leikum sem í boði eru fyrir þá sem stefna á
heilsuátak og bættan lífstíl í byrjun ársins 2010.
Heilsa og
lífsstíll
Morgunblaðið gefur út
glæsilegt sérblað um
heilsu og lífstíl mánudaginn
4. janúar 2010.
Meðal efnis verður:
Hreyfing og líkamsrækt.
Hvað þarf að hafa í ræktina.
Vinsælar æfingar.
Heilsusamlegar uppskriftir.
Andleg vellíðan.
Bætt heilsa.
Ráð næringarráðgjafa.
Umfjöllun um fitness.
Jurtir og heilsa.
Hollir safar.
Ný og spennandi námskeið
á líkamsræktarstöðvum.
Skaðsemi reykinga.
Ásamt fullt af
fróðleiksmolum og
spennandi viðtölum.