Vera - 01.04.1997, Blaðsíða 49

mmW;
Af hverju
þrömmum við ekki
niöur i bæ með
kröfuspjöld?
Af hverju
eigum við ekki
kvenréttindaboli
sem við sýnum
stoltar við hvert
tækifæri?
Af hverju skiptir
áttundi mars
ekki meira máli
fyrir okkur?
heilu kvöldin í eldhúsinu hennar og rætt
þessi mál. Þá stundina er ekkert til sem heitir
aldursmunur eða kynslóðabil. En eldhúsið
hennar Karenar er engin endurspeglun á
veruleikanum - fyrir utan eldhúsið lifum við
Karen gerólíku lífi.
Kynslóðin sem fékk allt
upp í hendurnar
Hvað er það með minn veruleika, með mig
og mína kynslóð? Af hverju þrömmum við
ekki niður í bæ með kröfuspjöld? Af hverju
eigum við ekki kvenréttindaboli sem við
sýnum stoltar við hvert tækifæri? Af hverju
skiptir áttundi mars ekki meira máli fyrir
okkur? Kannski af því að við höfum aldrei
þurft að berjast fyrir neinu. Það er ekki hægt
að hafa sömu tilfinningu fyrir því sem manni
er rétt upp í hendurnar og því sem þarf
virkilega að berjast fyrir. Kannski af því að í
dag er þjóðfélagið óneitanlega breytt frá því
sem var fyrir aðeins tuttugu árum. Sífellt
fleiri konur hafa tækifæri til þess að mennta
sig og nýta sér það. Sífellt fleiri konur dvelja
lengur innan veggja háskólanna.
Staðreyndin er hins vegar sú að vandamálin
byrja fyrst eftir að „út í lífið“ er komið.
Kynslóðin hennar Karenar ól upp
drengina sem eru með mér í heimspekinni.
Og ég get sagt ykkur það til hróss, sem teljið
ykkur til þeirrar kynslóðar, að þeir eru svo
vel upp aldir, kurteisir og femínískt
meðvitaðir að það hálfa væri alveg ágætt.
Þeir vita það þessir góðu drengir að þegar
vitnað er í ónefnda persónu eða fræðimann
þá er jafnoft notað „hún,“ og „hann“. Nú,
eða hinn möguleikinn: „Hún“ er oftar/alltaf
notað.
Reynsla í eigin lífi hlýtur að skipta máli,
hlýtur að hafa áhrif á það að hverju
baráttunni er beint. Það er ekki bara erfitt að
virkja ungt fólk til þess að taka þátt í baráttu
fyrir réttindum kvenna. Það er almennt erfitt
í vestrænu þjóðfélagi í dag að virkja fólk til
einhvers. Endalausir möguleikar hafa haft í
för með sér kaldhæðnislegt lífsviðhorf sem
beinist ekki síður að fortíðinni, að því sem
áður hefur verið gert. Gamlar venjur og stíll
eru tekin upp af yngri kynslóð og er í senn
ætlað að vera töff og kaldhæðnislegt. Við
höfum einfaldlega misst trúna á hugmynda-
fræði fortíðarinnar eða öllu heldur hún
vekur bara enga athygli.
Hvað hefur líka hugmyndafræði að gera í
lífi þess sem fær allt? Praktískar nálganir eru
teknar fram yfir róttækni. Konur á öllum
aldri í löndum þar sem fátækt og stríð eru
daglegt brauð hætta lífi sínu fyrir það eitt að
vera í kvenréttindabol. En ungt fólk í
vestrænum heimi þekkir ekki stríð og
varla fátækt. Þekkir ekki takmörk og
höft nema að litlu leyti. Raunveruleikinn
er einhver skrýtin blanda af glimmeri,
sápuóperum og daglegu amstri. Það þarf
allt að vera svo fjandi skemmtilegt.
Ég enda þennan dag á því að fá lánaðan
bolinn hennar Karenar og fara í honum
á barinn að hitta félagana. Allt þetta
meðvitaða unga fólk hrekkur í kút. Það
er nefnilega allt í lagi að vera feministi
en FEMÍNISTI er full mikið. Stelpurnar
annað hvort þykjast ekki taka eftir
neinu eða fara allar í flækju. Finnst þetta
eitthvað óheppilegt fyrir mig og kannski
fyrir þær líka. Strákarnir vita ekki alveg
hvernig þeir eiga að taka þessu. Þeir geta
vel gudderað að maður vitni jafnoft í
„hana“ og „hann“, en þessi bolur setur
þá útaf laginu. Þeir reyna þó sitt besta til
þess að ná tökum á aðstæðum. „Svo þú
ert FEMÍNISTI,“ segja þeir með alveg
sérstökum svip. „Já, mig grunaði það
alltaf," bæta þeir síðan við með ekki
minni andlitshreyfingum. „Ég er líka
feministi," segir einn þeirra, „en ég vil
bara ekki merkja mig sem neitt.“ „Veistu
af hverju ég er feministi?" segir annar
stoltur, vel meðvitaður um að það getur
verið dálítið töff í ákveðnum aðstæðum:
„Because patriarchy fucks us up, that is,
it fucks men up and doesn’t allow them to be
what they really are.“
Já, það er sem ég segi. Við erum enn að tala
um vandamál, bara í breyttri mynd, eða
hvað?!
Kynslóðabil, ólík reynsla, breytt þjóðfélag.
Hvaða nafni sem við viljum nefna það
skulum við hafa í huga að breytt umhverfi
kallar á breyttar aðgerðir. Það er ekkert
athugavert við að endurskoða baráttuað-
ferðir á nokkurra ára fresti.
Feministi eöa FEMÍNISTI?
FJOLSKVLDIITRVGGING
Hæfilega víðtæk
Hóflegt iðgjald
Kynrttu þér kjörin
til cflingar bindindis og heilsu
Lágmúla 5 - Reykjavík - sími 588-9700
49 v£ra