Árbók VFÍ/TFÍ - 01.06.2005, Qupperneq 64

Kjarakönnun
Fastur liður í starfsemi félagsins er gerð og útgáfa kjarakönnunar einu sinni á ári.
Könnunin er gerð á vefnum. Góð þátttaka tryggir áreiðanlegri niðurstöður um kaup og
kjör og þar með betri upplýsingar til stéttarinnar um samanburðarkjör. Utgáfa launatöflu
stéttarfélagsins er einn af hornsteinum starfsins og hefur löngum sannað gildi sitt.
Upplýsingarnar í töflunni byggja á kjarakönnuninni ásamt nokkrum öðrum könnunum
og kjarasamningum.
Markaðslaunataflan er eitt beittasta vopn stórs hluta félagsmanna í sókn að bættum
kjörum. Hún nýtist sérstaklega vel meðal þeirra félagsmanna SV sem starfa á almennum
markaði, en fyrir þann hóp gerir félagið ekki almenna kjarasamninga.
FRV-könnun var gerð árið 2004 og var svörun við henni mjög góð eða tæplega 60%.
NIL 41
Dagana 1. og 2. nóvember 2004 var haldinn norrænn fundur um kjaramál verkfræðinga.
Þetta er árlegur samráðsfundur og var hann að þessu sinni haldinn í Kaupmannahöfn.
Fyrir hönd SV sóttu fundinn Hulda Guðmundsdóttir formaður og Árni B. Björnsson
framkvæmdastjóri.
Á fundinn mæta fulltrúar frá öllum verkfræðingafélögum á Norðurlöndum. Að þessu
sinni sóttu einnig fundinn fulltrúar félaga tæknifræðinga en ákveðið hefur verið að svo
verði einnig í framtíðinni. Af hálfu KTFI sóttu fundinn Bjarni Bentsson formaður og Jón
Isaksson Guðmann varaformaður. Á NIL-fundi mæta þeir starfsmenn norrænu félaganna
sem hafa með samningamál og kjaramál að gera. Kynntar eru nýjungar í starfi félaganna
og farið yfir starfsemina á liðnu ári.
Kynningarmál
Stjórn SV ákvað að halda námskeið fyrir nemendur í HÍ sem eru að fara út á vinnu-
markaðinn.
Námskeiðið var haldið í október 2004 og fór Árni B. Björnsson framkvæmdastjóri yfir
þróun og horfur á vinnumarkaði verkfræðinga, Lára V. Júlíusdóttir lögfræðingur
félagsins kynnti lögfræðiaðstoð sem félagið veitir sínum félagsmönnum og Stefán
Halldórsson, framkvæmdastjóri Lífeyrissjóðs verkfræðinga, fór yfir lífeyrissjóðsmál og
kynnti starfsemi og þjónustu Lífeyrissjóðs verkfræðinga.
Framadagar voru haldnir í Háskóla íslands í febrúar 2005 og tók SV þátt í þeim ásamt
VFÍ.
Formaður og framkvæmdastjóri heimsóttu verkfræðinema í HI í mars 2005 og kynntu
félagið og þjónustu þess. Fundurinn var vel sóttur og voru verkfræðinemar mjög
áhugasamir að fræðast um starfsemi SV.
í tengslum við NIL fundinn í Kaupmannahöfn í nóvember 2004 héldu formaður og
framkvæmdastjóri kynningarfund í Kaupmannahöfn fyrir nema í framhaldsnámi í verk-
fræði í DTU. Fundurinn var mjög vel sóttur og mættu tæplega 30 manns. Mikill áhugi
kom fram hjá nemendum að fræðast um þjónustu og starfsemi félagsins og að hverju er
að hyggja þegar farið er út á vinnumarkaðinn.
I byrjun mars 2005 fóru formaður og framkvæmdastjóri SV á fund Norðandeildar verk-
fræðinga (VFÍ) og tæknifræðinga (TFÍ) á Akureyri ásamt fulltrúum frá VFÍ og TFÍ.
Starfsemi SV var kynnt ásamt stöðu kjaraviðræðna við ríkið sem þá var rétt ólokið.
6 2 t Á r b ó k V F I / T F I 2005