Fjarðarpósturinn - 23.06.2011, Síða 2
2 www.fjardarposturinn.is Fimmtudagur 23. júní 2011
Ég hef áður skrifað hér um
Hellisgerði og nauðsyn á aðgerðum
til að bjarga þessum dýrgripi
Hafnar fjarðar frá glötun. Metnað ar
leysi hefur einkennt afstöðu bæjar
yfirvalda til garðsins og það litla
sem gert hefur verið hefur verið gert
samhengislaust og ekki með skiln
ing á eðli Hellisgerðis. Það er
sennilega borin von að hjálp komi frá bæjaryfirvöldum
við endurreisn Hellisgerðis og því þurfa bæjarbúar að
taka til sinna ráða. Á föstudaginn verður formleg stofnun
á Hollvinasamtökum Hellisgerðis og verður það í
tengslum við opnun á Álfagarðinum, spennandi verkefni
lítillar fjölskyldu sem býr við Hellisgerði. Ljóst er að
ekki er nægilegt að fólk skrifi nafn sitt í bók, hér þarf
meira til. Fólk þarf að gefa af tíma sínum, fólk þarf að
gefa af peningum sínum og fá þarf til samstarfs öflug
fyrirtæki sem eru tilbúin að vera með í að gera framtíðar
sýn fyrir garðinn og vera með í reka hann af myndarskap.
Þetta er ekki létt verk og þetta verður ekki ódýrt. Það
er þó ástæðulaust að vola því margar hendur vinna létt
verk. Það er rétt að minna á félagsmenn í málfundafélaginu
Magna sem árið 1922 sóttu um til bæjarstjórnar að taka
að sér garðinn. Var leyfið veitt og strax hafist handa en
fyrstu trjáplönturnar voru gróðursettar árið 1924.
Garðurinn var mikið sóttur og kom fólk víða að.
Hafnfirðingar tóku myndarlega á móti forseta sínum í
Hellisgerði er hann kom til bæjarins 1953 í fyrstu
opinberu heimsókn sína í Hafnarfjörð. Hellisgerði var
helsta skrautfjöður Hafnarfjarðar og aðdráttarafl. Það
eiga Hafnfirðingar að geta upplifað aftur.
Bonsaigarðurinn verður ekki starfandi í sumar og
hlýtur þá að vera kominn tími til að taka niður víggirð
ingarnar og nota annars staðar ásamt eftirlitsmyndavélum
sem þar voru. Í Hellisgerði eru náttúruleg Bonsai tré sem
hafa vaxið úr þröngum klettasprungum og engin þörf á
að setja í garðinn hluti sem þarf að víggirða.
Ég hvet alla Hafnfirðinga til að vera með í Holl vina
samtökum Hellisgerðis og leggja sitt að mörkum.
Guðni Gíslason
Hafnfirska
fréttablaðið
Útgefandi: Keilir ehf. kt. 480307-0380
Fjarðarpósturinn, Bæjarhrauni 2, 220 Hafnarfirði
Vinnsla: Hönnunarhúsið ehf., umbrot@fjardarposturinn.is
Ritstjóri og ábm.: Guðni Gíslason
Ritstjórn: 565 4513, 896 4613, ritstjorn@fjardarposturinn.is
Auglýsingar: 565 3066, auglysingar@fjardarposturinn.is
Prentun: Steinmark ehf. Dreifing: Íslandspóstur
ISSN 1670-4169 – Vefútgáfa: ISSN 1670-4193
www.fjardarposturinn.is
Ástjarnarkirkja
Kirkjuvöllum 1
Sunnudagur 26. júní
Kvöldmessa kl. 20
Kjartan Jónsson leiðir stundina og félagar
úr Kór kirkjunnar leiða sönginn við undirleik
Zbigniew Zuchowich.
Heitt á könnunni og samfélag
að stundinni lokinni.
Allir hjartanlega velkomnir.
Árlegt Kirkjugrallaranámskeið fyrir 6-9 ára
börn verður haldið 8.-19. ágúst. Þátttaka er
ókeypis. Skráning er á astjarnarkirkja.is.
www.astjarnarkirkja.is
ÚTFARARSTOFA
HAFNARFJARÐAR
Kistur • Krossar • Sálmaskrár • Duftker • Blóm • Fáni • Gestabók • Erfidrykkja • Prestur
Kirkja • Legstaður • Tónlist • Tilkynningar í fjölmiðla • Landsbyggðarþjónusta • Líkflutningar
Sverrir Einarsson
Flatahraun 5a • www.utfararstofa.is
Vaktsími: 565 5892 & 896 8242
Allan sólarhringinn
Komum heim til aðstandenda ef óskað er
Íslenskar og vistvænar
líkkistur
Jón G. Bjarnason
Hermann Jónasson
Kristín Ingólfsdóttir
Það sem hafa ber í huga
varðandi andlát og útför
Áratuga reynsla
Helluhrauni 12 Hafnarfjörður www.granithusid.is
Sendum frítt
hvert á land sem erleiðarinn
Skógargang í Höfðaskógi í kvöld
Skógræktarfélag Hafnarfjarðar stendur fyrir skógar göngu í
Höfðaskógi í kvöld, fimmtudag kl. 20. Lagt verður af stað frá
Gróðrarstöðinni Þöll. Gangan tekur rúma eina klukkustund.
Félagið býður upp á kaffisopa að göngu lokinni.
Álfagarðurinn opnaður í Hellisgerði
Á föstudaginn kl. 18 verður Álfagarðurinn í Hellisgerði formlega
opnaður Er athöfnin við gosbrunninn. Á eftir verður opnuð
sýning í Oddrúnarbæ á verkum listamanna sem tengjast
Oddrúnarbæ. Sýning stendur fram á sunnudag og eru öll verkin
til sölu. Álfagöngur verða laugardag og sunnudag kl. 13.
Hlutirnir okkar - sýning í Hönnunarsafninu
Nýlega var opnuð sýning á úrvali safngripa frá ólíkum tíma sem
varpar ljósi á söfnunarsvið Hönnunarsafns Íslands. Safnið er til
húsa á Garðatorgi 1 og er opið alla daga nema mánudaga kl.
12-17.
Bræðrafélag endurvakið
Miðvikudaginn 29. maí kl. 20 verður Bræðrafélag Fríkirkjunnar
endurvakið. Fundurinn er í safnaðarheimli kirkjunnar við
Linnetsstíg.
Örtónleikar í Bókasafninu
Á föstudagseftirmiðdögum í sumar mun Bókasafn Hafnarfjarðar
bjóða gestum og gangandi upp á örtónleika. Farið verður vítt og
breitt um víðlendur tónlistarinnar og eru það starfsmenn á
safninu sem að tónleikunum standa. Það er von starfsmanna
safnsins að þessar uppákomur muni lífga upp á starfsemina og
vonandi senda gesti safnsins með bros á vör inn í helgina.
menning & mannlíf
www.frikirkja.is
Fríkirkjan
Sunnudagurinn 24. júní
Guðsþjónusta kl. 11
Prestur sr. Sigríður Kristín Helgadóttir
Barn verður fermt.
Vertu velkomin(n)
í Fríkirkjuna!
Bræðrafélagsfundur!
Miðvikudaginn 29. júní, kl. 20:00,
verður Bræðrafélag Fríkirkjunnar
í Hafnarfirði endurvakið en það er
félagsskapur karla í söfnuðinum
sem vilja láta gott af sér leiða í starfi
kirkjunnar.
Sjá nánar um félagið í grein
hér annars staðar í blaðinu.
Fundurinn verður haldinn í
safnaðarheimilinu, Linnetsstíg 6
og heitt á könnunni.
Verið velkomnir, bræður!
Safnaðarstjórn.
Innrot hjá gullsmið
Brutu opna skápa með sleggja
Brotist var inn hjá Nonna Gull á Strandgötunni
snemma í gærmorgun. Tveir menn vopnaðir sleggju og
sennilega rörtöng slitu láscylinder úr hurðinni og komust
þannig inn. Er inn var komið brutu þeir glerhurðir á
nokkrum skápum, þó allir væru þeir ólæstir, og létu
greipar sópa. Aðkoman var ljót, glerbrot og skartgripir
um öll gólf. Síðast var reynt að brjótast inn í febrúar sl.
þá var ellefu sinnum slegið í öryggisgler í glugga
verslunarinnar án þess að þjófurinn kæmist inn.
Lj
ós
m
.:
G
uð
ni
G
ís
la
so
n