Fréttatíminn - 23.12.2011, Síða 12

Á toppi listans yfir þau félög sem högnuðust mest er ISB Holding ehf. Fyrirtækið skil­
aði 43,7 milljarða hagnaði á síðasta
ári. Það félag heldur utan um
95 prósenta hlut slitastjórnar
Glitnis í Íslandsbanka og er
hagnaður félagsins hlutdeild
í hagnaði Íslandsbanka á
árinu 2010 og að hluta til árið
2009. Íslandsbanki skilaði
29,7 milljarða króna hagnaði
í fyrra, mest stóru bankanna
þriggja. ISB Holding komst
í fréttir á dögunum þegar
greint var frá því að Steinunn
Guðbjartsdóttir, formaður
slitastjórnar
Glitnis, hefði
skipt út stjórn
félagsins með
Ólaf Ísleifsson í
broddi fylkingar.
Ástæðan var sú
að stjórn­
in hafði
verið
skipuð af
skila­
nefnd
Glitnis, sem leggja á niður um áramót
og vildi Steinunn áherslu­
breytingar. GLB
Holding, sem á ISB
Holding, skilaði
einnig miklum hagn­
aði sem skýrist af
hagnaði dótturfélags
síns.
Það er þó ekki
bara myljandi gangur
í félögum tengdum
Íslandsbanka. Félagið
Lava Capital, sem
bankinn erfði
með sam­
einingunni
við Byr á
dögunum,
hagnaðist
um tvo
milljarða
á síðasta
ári. Það
kom þó
ekki til af góðu því félagið, sem var
stofnað í kringum fasteignaverkefni
á Bretlandseyjum, fékk 2,3 milljarða
króna niðurfærslu skulda og var með
neikvætt eigið fé í árslok 2010. Sömu
sögu er að segja af félaginu Lómur
ehf. Það félag skilaði 1,9 milljarða
króna hagnaði sem var eingöngu fólg­
inn í 2,1 milljarðs króna niðurfærslu á
skuldum. Félagið var á sínum stofnað
í kringum kaup á lóð við Kirkjusand
þar sem nýjar höfuðstöðvar Glitnis
heitins áttu að rísa. Eigið fé Lóms var
neikvætt um síðustu áramót.
Landsbankinn í eigu íslenska ríkis­
ins skilaði 27,3 milljarða króna hagn­
aði og dótturfélag þess, Horn Fjárfest­
ingafélag, sem er helst þekkt fyrir að
forsvarsmenn þess reyndu að fá lög­
bann á DV vegna birtingar á fundar­
gerðum félagsins í blaðinu, hagnaðist
um 6,5 milljarða sem skýrist að mestu
leyti af því að verðmæti eigna þess
jukust verulega frá fyrra ári.
Líkt og í tilfelli Íslandsbanka er það
félag í slitastjórn Kaupþings, Kaup­
skil ehf, sem heldur utan um stærsta
eignarhlutinn í Arion banka. Kaup­
skil á 87 prósenta hlut í bankanum og
hagnaðist um 20,4 milljarða. Arion
banki hagnaðist um 12,5 milljarða og
í tilfelli Kaupskila er um að ræða hlut­
deild í hagnaði ársins 2010 og hluta af
árinu 2009 þegar hagnaður bankans
var um 12,8 milljarðar.
Álið er málið
Álrisarnir þrír, Alcoa Fjarðarál,
Norðurál á Grundartanga og Alcan
í Straumsvík, skiluðu hressilegum
hagnaði á árinu 2010 ólíkt árinu á
undan þar sem bæði Alcoa og Norður­
ál töpuðu. Mestu skiptir þar að álverð
var að meðaltali 25 prósent hærra
2010 en 2009. Alcoa á Reyðarfirði
skilaði langmestum hagnaði af fyrir­
tækjunum þremur í fyrra. Hagnaður
Alcoa var 11,7 milljarðar króna saman­
borið við tíu milljarða króna tap árið
á undan. Stærsti viðsnúningurinn var
í sölutekjum en þær jukust um rúma
23 milljarða eða 27,2 prósent á milli
ára. Að sama skapi jókst kostnaðurinn
ekki nema um 3,9 milljarða eða um
5,6 prósent. Tekjur Alcoa voru 85,8
milljarðar. Eigið fé er 85,9 milljarðar
og skuldirnar eru 179,7 milljarðar
samkvæmt ársreikningi.
Norðurál hagnaðist um 7,5 milljarða
króna sem er verulegur viðsnúningur
frá árinu 2009 þegar félagið tapaði 350
milljónum króna. Tekjur jukust um
13,9 milljarða eða um 26,5 prósent á
milli ára á meðan kostnaður jókst um
14,1 prósent. Tekjur Norðuráls árið
2010 voru 52,1 milljarður króna. Eigið
fé var 59,4 milljarðar og skuldir voru
34,7 milljarðar.
Alcan er eini álrisinn sem skilaði
hagnaði bæði árin 2009 og 2010. Árið
2009 var 2,8 milljarða króna hagnað­
urinn en í fyrra var hagnaðurinn um
6,6 milljarðar. Efnahagsreikningur
Alcan er sérlega glæsilegur. Tekjur
á árinu 2010 voru 53,8 milljarðar og
jukust þær um 13,6 milljarða frá árinu
áður eða um 25,2 prósent. Eigið fé
Alcan var 52,8 milljarðar og skuldirn­
ar aðeins 13,8 milljarðar.
Silfur hafsins
Eins og venja er komast nokkur
sjávarútvegsfyrirtæki á lista yfir þau
fyrirtæki sem skila mestum hagn­
aði. Útgerðarrisinn Samherji skilaði
7,4 milljarða króna hagnaði. Tekjur
félagsins voru 64,2 milljarðar á árinu
2010 og eigið fé þess 28,5 milljarðar.
Stærstu eigendur Samherja er félag í
eigu Þorsteins Más Baldvinssonar og
Kristinn Vilhelmssonar.
Síldarvinnslan í Neskaupstað gerði
einnig góða hluti á árinu. Fyrirtækið
skilaði 3,2 milljarða króna hagnaði.
Tekjur þess voru 14,7 milljarðar, eigið
fé um 10,7 milljarðar og skuldir 14,2
milljarðar. Stærstu hluthafar eru
útgerðarfélögin Samherji og Gjögur.
Bæði Samherji og Síldarvinnslan
greiddu starfsmönnum sínum launa­
uppbót upp á 300 þúsund krónur nú í
desember.
Ísfélag Vestmannaeyja, sem er eigu
Guðbjargar Matthíasdóttur, og FISK­
Seafood, í eigu Kaupfélags Skagfirð­
Álrisar högnuðust um 26 milljarða
Álfyrirtækin þrjú, Alcoa, Norðurál og Alcan, högnuðust
gríðarlega á síðasta ári. Tugprósenta aukning í sölu-
tekjum skýrir hagnaðinn að mestu leyti en bæði Alcoa
og Norðurál skiluðu tapi árið 2009. Bankarnir og eignar-
haldsfélög um eign kröfuhafa í þeim bera þó höfuð og
herðar yfir aðra með hagnað samkvæmt upplýsingum
upp úr ársreikningum félaga sem Creditinfo tók saman
að beiðni Fréttatímans.
Steinunn Guðbjartsdóttir og Páll Eiríksson fara fyrir slitastjórn Glitnis. Ljósmynd/Teitur
Tómas Már Sigurðsson er forstjóri Alcoa. Rannveig Rist, forstjóri Alcan.
Þorsteinn Már Baldvins-
son, forstjóri Samherja.
Framhald á næstu síðu
Eins og
venja er
komast
nokkur sjáv-
arútvegs-
fyrirtæki á
lista yfir þau
fyrirtæki
sem skila
mestum
hagnaði.
12 fréttaskýring Helgin 23.-25. desember 2011