Sveitarstjórnarmál - 01.06.1948, Blaðsíða 30

26
SVEITARSTJÓRNARMÁL
Heimilissveit: Hrepp eða kaupstað, þar sem gjaldþegn á lögheimili.
Niðurjöfnunarnefnd: Niðurjöfnunarnefnd í kaupstöðmn og hreppsnefnd í sveit-
um, nema sérstaklega sé öðruvísi um mælt.
Rnöherra: Sá ráðherra, sem útsvarsmál heyra undir.
Skattanefnd: Bæði skattanefnd og skattstjóra, eftir því sem við á.
Sveit: Bæði hrepp og kaupstað.
Sveitarstjórn: Bæði hreppsnefnd og bæjarstjórn.
Útsvarsár: Árið næst á undan niðurjöfnun.
2. gr.
Reikningsár sveitarfélaga er almanaksárið.
Fyrir lok nóvembermánaðar ár hvert skal sveitarstjórn gera áætlun um tekjur
og gjöld sveitarfélags næsta reikningsár. Ræða skal áætlun kaupstaðar á tveim fund-
um, með a.m.k. viku millibili, en í hreppum á einum fundi, nema hreppsnefnd á-
kveði annað. Við síðari umræðu ber að athuga áætlunina lið fyrir lið, og greiða skal
atkvæði um hverja grein fyrir sig og áætlunina i heild sinni. Áætlun skal vera til
sýnis almenningi 2 vikur i desembermánuði á hentugum stað, er sveitarstjórn
ákveður.
Áætlunin gildir síðan um fjárstjórn sveitarstjórnar á reikningsárinu.
3- gi’-
Að því leyti, sem aðrar tekjur sveitarfélags hrökkva ekki til að greiða gjöldin,
skal jafna niður á gjaldþegna hennar því, er á vantar, að viðbættum 5%—10%, og
heitir það útsvör. Þau mega ekki nokkru sinni»nema meiru en meðaltali útsvara í
sveitarfélaginu 3 siðustu árin, að viðbættum fimmtungi, nema sýslunefnd veiti
hreppsnefndum til bess samþykki sitt, en ráðherra bæjarstjórnum.
Nú þykir sveitarstjórn sýnt á gjaldárinu, að innheimtar tekjur hrökkvi ekki
til greiðslu gjalda, og getur þá sveitarstjórn, að fengnu samþykki áðurnefndra
stjórnarvalda, ákveðið framhaldsniðurjöfnun til greiðslu þess, er á vantar, þannig
að því verði bætt við útsvar hvers einstaks gjaldanda eftir ákveðnu hundraðs-
hlutfalli.
II. KAFLI
Um útsvarsskyldu.
4. gr.
tJtsvarsskyldir eru:
A. Aðilar heimilisfastir á Islandi:
I. Allir einstaklingar, karlar og konr, ungir og gamlir, i hverri stöðu sem
eru, svo framarlega sem þeir teljast færir um að greiða útsvar.
Undanþegnir eru útsvari:
a. Forseti Islands.
b. Fyrirsvarsmenn annarra ríkja hingað sendir og þjónustufólk þeirra, ef
það er annarra ríkja þegnar.
c. Starfsmenn ríkisins samkv. 4. gr. launalaga, nr. 60 frá 1945, þó heimilis-
fastir séu á Islandi, enda dveljist þeir erlendis meira en 9 mánuði af
útsvarsárinu.
d. Konur, sem giftar eru þegar niðurjöfnun fer fram. Þó má leggja útsvar
á gifta konu: