Morgunblaðið - 26.11.2011, Blaðsíða 18
18 FRÉTTIR
MORGUNBLAÐIÐ LAUGARDAGUR 26. NÓVEMBER 2011
VIÐTAL
Ágúst Ingi Jónsson
aij@mbl.is
„Má bjóða þér í bryggjubað í miðborginni eða
sjóbað á Seltjarnarnesi? Nú eða sánu við Mos-
fell með viðkomu í Hafravatni?“ Þannig spurn-
ingar gætu gestir höfuðborgarinnar fengið eft-
ir einhver ár ef draumar
Vatnavina verða að veru-
leika. Þeir hafa kynnt fyrir
borgaryfirvöldum og fleir-
um margvíslega möguleika
í bað- og sundmenningu til
að efla höfuðborgina sem
heilsu- og ferðaborg.
Verkefnið kenna þau við
Bláþráðinn, sem aftur teng-
ist Græna treflinum, göngu-
stígakerfi á höfuðborgar-
svæðinu, sem tengir borg-
arlandið við græn svæði út að jaðri svæðisins.
„Við gerum okkur grein fyrir að þetta er lang-
hlaup og tekur mörg ár, en smátt og smátt vilj-
um við fjölga perlum á þessari festi,“ segir
Olga Guðrún Sigfúsdóttir, arkitekt og einn
stofnandi Vatnavina. Með henni vinna arki-
tektarnir og Vatnavinirnir Jóhann Sigurðsson
og Laurent Bonthonneau að verkefninu.
„Við sjáum endalaus sóknarfæri í ferða-
mennskunni og þessar hugmyndir okkar eru
settar fram til að auka fjölbreytni og til að
auka tengingu við náttúruna,“ segir Olga.
Þarf ekki milljarða í alla hluti
„Bláþráðurinn er göngustígurinn meðfram
strandlengjunni og þessa uppbyggingu er
hægt að taka í litlum skrefum. Ylströndin í
Nauthólsvík er gott dæmi um hvernig þetta
virkar allt saman og verður áfram sterkt að-
dráttarafl fyrir borgarbúa og gesti. Staðurinn
er einstök náttúruupplifun alveg við göngu-
stíginn við ströndina og yrði örugglega áfram
ein af perlunum á festinni.
Á öðrum stöðum þarf ekki mikla uppbygg-
ingu og til að gera sjóböð aðgengilegri á Sel-
tjarnarnesi eða Álftanesi þarf bara aðstöðu til
að skipta um föt og kannski eina sturtu og einn
heitan pott. Á þann hátt yrði fyrir hendi góð
aðstaða fyrir alla og það þarf ekki milljarða í
alla hluti. Við höfum kastað mörgum hug-
myndum á milli okkar og í slíku hugarflugi
veltum við fyrir okkur hvort ekki mætti setja
upp einhvers konar vatnasánu við vötnin á
svæðinu, til dæmis Reynisvatn, Hafravatn,
Vífilsstaðavatn eða Hvaleyrarvatn eða fjalla-
gufu við Esjuna eða Mosfell,“ segir Olga.
Hópurinn Vatnavinir bendir á að sundlauga-
og baðmenning Íslendinga sé ein af máttar-
stoðum ferðamannaiðnaðar á landinu. Vatnið
sé ómengað og gætt fjölbreyttum eiginleikum
og þau vilja þróa þessa sérstöðu áfram og nýta
til aukinnar verðmætasköpunar og til að
styrkja stöðu Íslands sem heilsulands með
heildarsýn á landsvísu. Vatnavinir hlutu al-
þjóðlegu verðlaunin „Global Award for Sustai-
nable Architecture“ 2011 fyrir hugmyndafræði
þeirra um „Heilsulandið Ísland“ og verkefni á
Vestfjörðum.
Upphafið að verkefninu á höfuðborgarsvæð-
inu má rekja til námskeiðs í Listaháskólanum í
þrjá vetur 2008-2010, sem Vatnavinirnir Jó-
hann, Olga og Örn Halldórsson kenndu, og síð-
an til hugmyndasamkeppni Höfuðborgarstofu
vorið 2009 um endurbætur í ferðaþjónustu
borgarinnar. Vatnavinir hlutu hæsta styrkinn í
keppninni og unnu áfram tillögur að Bryggju-
baði við Ingólfsgarð og Sögubaði í Laugardal.
Spennandi tenging við Hörpuna
„Upphaflega var talað um hafnarbað á
Ægisgarði, en þar er umferð skipa og atvinnu-
lífs og hafnaryfirvöldum fannst sá staður ekki
henta,“ segir Olga. „Nú er talað um að baðið
verði á Ingólfsgarði og þar næst spennandi
tenging við Hörpuna og enn einn segullinn til
að auka lífið á hafnarsvæðinu. Ingólfsgarður er
í rauninni besti kosturinn fyrir okkur vegna
tengingar við náttúruna með fjallahringinn og
hafið fyrir augunum og svo borgina í hina átt-
ina.
Með sögubaði eða heitavatnssetri í Laugar-
dalnum næst tenging við söguna, sem við höf-
um ekki lagt nógu mikla rækt við. Þar er vagga
baðsögu Íslendinga allt frá landnámi, þar hófst
formleg sundkennsla í byrjun 19. aldar og þar
hófst saga hitaveitu í borginni, svo ekki sé
minnst á sjálfar Þvottalaugarnar. Þessi saga
hefur svolítið máðst og með sögubaði eða heita-
vatnssetri viljum við endurlífga þessa sögu.
Allt tengist þetta sundlaugamenningu okkar
Íslendinga sem er mjög merkileg og einstök á
heimsvísu. Það eru mikil forréttindi að hafa
greiðan aðgang að frábærum sundstöðum.
Framboðið er þó einsleitt og öllum sundlaug-
unum ætlað svipað hlutverk þar sem höfðað er
til breiðs markhóps. Þessu viljum við reyna að
breyta með sterkri náttúruupplifun, skír-
skotun til sögunnar og eflingu ferðaþjónustu í
heilsuborginni,“ segir Olga.
www.vatnavinir.is www.eyland-lab.com
Vilja fjölga perlum í festinni
Bláþráðurinn meðfram strönd borgarinnar býður upp á mikla möguleika Baðupplifanir
í tengslum við borg og náttúru Vatnavinir vilja efla ferðamennsku með tengingu við vatn og sjó
Olga Guðrún
Sigfúsdóttir
Framtíðarsýn Vatnavina
Fjallagufur
Vatnasánur
Vatnasánur
ÚtsýnisböðSjóböð
Stjörnuböð
Bryggjuböð
Sjóböð
Söguböð
Spa-bátar
Sjóbaðsstökkpallur
Hjallaböð
Gufuskálar
„Baðupplifunin er hönnuð með það fyrir augum að fólk finni lyktina af sjónum, heyri öldu-
niðinn og skellina í bátum sem eiga leið hjá, út í óvissuna eða í öruggt var … Hjúpurinn sem
umlykur búningsklefa er hvorki þéttur né einangraður og er hálfgegnsær. Á milli hjúpsins og
bryggju loftar út og þannig á ölduniðurinn greiðan aðgang inn í bygginguna. Stundum gefur
á garðinn og getur þá frussast sjór inn í sturtuklefann. Hér inni myndar samspil gufunnar og
hins gegnsæja hjúps þá tilfinningu að veggir og þak séu fjarri og að gesturinn sé staddur í
gufuskýi. Þetta er hluti af þeirri ævintýralegu upplifun sem ferðamenn koma til að finna á
Íslandi.
Sjálf laugin býður upp á fjölbreytta baðupplifun. Vatnið í henni er upphitaður sjór … Mis-
heit ker í ýmsum stærðum og hæðum, fyrir einn til fjóra einstaklinga, mynda eyju úti í laug-
inni. Kerin eru tilvísun í fiskikerin sem oft standa uppstöfluð á hafnarbökkum. Í lauginni eru
skjólveggir sem mynda áhugaverð rými sem ýmist opnast til hafs, hafnar eða borgar, í sól
og skjóli, eða ekki …“
(Úr kynningu Vatnavina)
Upplifun á Ingólfsgarði
LYKT AF SJÓNUM, ÖLDUNIÐUR OG SKELLIR Í BÁTUM
„En gufan er löngu hætt að stíga til himins og fátt sem minnir á gamla tíma, fyrir utan stein-
hleðslur við uppþornaðan lækinn og grasi vaxin þvottakerin, sem löngu er búið að taka úr
sambandi … Hér undir kraumar þó jarðhitinn og sé hann rétt nýttur getur svæðið orðið að-
dráttarafl sem styrkir Laugardalinn enn frekar sem útivistarsvæði og eykur á fjölbreytni
hans … Þar sem þvottahús Thorvaldsenfélagsins stóðu yrði inngangurinn inn í Söguböðin
sem liggja neðanjarðar. Hér yrðu seldar einfaldar veitingar á jarðhæð en hálfri hæð neðar
væri almenningsþvottahús … Fiskur, kartöflur og kjöt yrði þannig selt í netakörfum sem
gesturinn lætur síga í þar til gerð kör, fyllt af sjóðandi vatni úr iðrum jarðar. Almennings-
þvottahúsið (laundromat) væri fyrir ferðamenn jafnt sem barnafólk …
Úr gamla þvottahúsi Thorvaldsenfélagsins er innangengt niður í Söguböðin, sem eru
fræðslusetur um heitt vatn í sögu- og jarðfræðilegu samhengi. Hér getur gesturinn slappað
af í heitum laugum á meðan hann fræðist um nýtingu og tilurð heits vatns og jarðhita frá
örófi alda á myndrænan hátt, með hjálp margmiðlunar …“
(Úr kynningu Vatnavina)
Slappað af í heitum laugum
HEITAVATNSSETUR MEÐ ALMENNINGSÞVOTTAHÚSI