Morgunblaðið - 26.11.2011, Blaðsíða 48

48 MENNING
MORGUNBLAÐIÐ LAUGARDAGUR 26. NÓVEMBER 2011
Helgi Snær Sigurðsson
helgisnaer@mbl.is
Rúmenska söngkonan Elena Mosuc
kemur fram á jólatónleikum Kristjáns
Jóhannssonar sem haldnir verða í
Hallgrímskirkju 18. desember. Mosuc
er sópran, mikil stjarna í heimi óp-
erunnar og glæsilegasti lýríski kóló-
ratúrinn í heiminum í dag, að sögn
Kristjáns. Mosuc og Kristján munu
syngja bæði jólalög og kirkjuaríur á
tónleikunum og ekki er loku fyrir það
skotið að Mosuc syngi aðalaríuna úr
La Traviata. Þá mun hún syngja tvö
rúmensk jólalög án undirleiks.
Heiðruð í Rúmeníu
Mosuc hefur starfað hjá óperunni í
Zürich í Sviss sl. 20 ár og afrekalisti
hennar er afar langur (þeir sem vilja
kynna sér hann í þaula geta gert það á
vefsíðu hennar, mosuc.com). Hún
nam söng við George Enescu-
listaskólann í Iasi í Rúmeníu og söng í
óperuuppfærslum á meðan á náminu
stóð. Mosuc hefur hlotið fjölda al-
þjóðlegra verðlauna og viðurkenninga
á ferli sínum og má af þeim nefna að
árið 2005 hlaut hún heiðursorðu rúm-
enska forsetaembættisins, mesta
heiður sem tónlistarmanni getur
hlotnast þar í landi. Fyrir tveimur ár-
um hlaut hún doktorsgráðu í tónvís-
indum, var kona ársins í Rúmeníu ár-
ið 2009 og í fyrra gerð að
heiðursborgara heimaborgar sinnar,
Iasi, svo fátt eitt sé nefnt. Meðal há-
punkta á söngferli Mosucs má nefna
túlkun hennar á Violettu í La Trav-
iata í La Scala; á Ólympíu í Ævintýr-
um Hoffmanns í Metropolitanóper-
unni og Luciu í Luciu de
Lammermoor í óperunni í Dallas.
Blaðamaður sló á þráðinn til Mosuc í
gær, heim til hennar í Zürich.
Uppsker eins og hún hefur sáð
Mosuc segist aldrei hafa sótt Ísland
heim og hlakkar til heimsóknarinnar.
Hún segist lítið sem ekkert vita um
Reykjavík.
-Þú syngur m.a. rúmensk jólalög á
tónleikunum?
„Já, ég fékk líka tvö lög send í
tölvupósti sem ég þarf að læra,“ segir
Mosuc og hlær. Hún þekki rúmensku
lögin hins vegar afar vel, hún hafi
sungið þau margoft í kirkju sem barn
í heimalandi sínu. Spurð að því hvort
hún hafi sungið mikið á jólatónleikum
hin síðustu ár segir hún ekki svo vera,
að vísu hafi hún gert það í fyrra en
hún sé iðulega önnum kafin í desem-
ber, nóg að gera í óperunni þegar jól-
in nálgast.
-Kristján sagði mér að hann ætlaði
að reyna að fá þig til að syngja aðal-
aríuna úr La Traviata á jólatónleik-
unum …
„Á tónleikunum, vill hann það?
Sjáum til,“ segir Mosuc í glaðværum
tóni.
-Mér skilst að þú sért ein skærasta
stjarnan í óperuheiminum?
Mosuc hlær. „Já, ég hef lagt mikið
á mig til að ná þessum árangri. Ég hef
lagt mikla rækt við rödd mína og lagt
áherslu á söngtækni. Hún er afar
mikilvæg ef maður vill geta sungið
ólík hlutverk, haldið röddinni í lagi og
sungið án þess að vera alltaf þreytt-
ur,“ svarar hún. Hún hafi verið í þjálf-
un hjá virtum söngkennurum í Mílanó
og Zürich, miklum meisturum og
reynsluboltum.
„Hlutverkin sem ég syng eru mjög
erfið, ég söng í 250 sýningum hlutverk
Næturdrottningarinnar í Töfraflaut-
unni,“ segir Mosuc, greinilegt að mikið
mæðir á henni.
Á næsta ári mun hún syngja hlut-
verk Zerbinettu í Ariadne auf Naxos á
Salzburg-hátíðinni í Austurríki. „Þetta
er fyrsta útgáfa og hærri en sú sem er
venjulega sungin. Í það þarf mikla
tækni,“ segir Mosuc en hún þykir ná
miklum tónhæðum og er afar fær í
flúrsöng (coloratura).
Allan tímann á sviði
-Hvaða hlutverk er það erfiðasta
sem þú hefur sungið?
„Þau eru mörg en það er líklega
Norma því það er dramatískt, flókið
og langt. Ég var allan tímann á sviði
og það var erfitt,“ svarar Mosuc og
leggur áherslu á síðasta orðið. Hún
hafi hins vegar notið þess mjög. Mosuc
nefnir einnig hlutverk Zerbinettu.
-Þú hefur einnig sungið inn á marg-
ar hljómplötur …
„Já, ég hef sungið inn á plötu með
aríum eftir ólík tónskáld og aðra með
verkum eftir Mozart. Þá hef ég sungið
á plötu frönsk og rúmensk lög. Fyrsta
platan mín var með Stabat Mater eftir
Brunetti,“ segir Mosuc, hættir upp-
talningunni og bendir á vefsíðu sína.
Þar sé allan plötulistann að finna. „Ég
hef ekki sungið inn á eins margar plöt-
ur og Kristján, þær eru mjög margar,“
bætir hún við. „Hann er mikil stjarna,
ég er aðdáandi hans,“ segir Mosuc hin
kátasta. Blaðamaður segir henni þá
frá 12 klukkustunda löngum söng
Kristjáns í gjörningi Ragnars Kjart-
anssonar, Bliss, sem framinn var fyrir
viku í New York. „12 tímar! Hvernig
er það hægt?“ segir Mosuc þá, furðu
lostin. Blaðamaður getur ekki svarað
því.
Norma sú allra erfiðasta
 Ein skærasta stjarna óperuheimsins í dag, sópransöngkonan Elena Mosuc, syngur á jólatónleikum
Kristjáns Jóhannssonar í Hallgrímskirkju  „Hlutverkin sem ég syng eru mjög erfið,“ segir Mosuc
Ljósmynd/Suzanne Schwiertz
Eftirsótt Mosuc er ein skærasta stjarna óperuheimsins í dag.
NICOLAS CAGE
AND GUY PEARCE
JANUARY JONES
SEEKING
allar sýningar merktar með grænuSPARBÍÓ 3D á1.000 kr. SPARB
NÚMERUÐ SÆMIÐASALA Á SAMBIO.IS
- OK
HHHHH
- THE SUN
HHHH
MÖGNUÐ GAMANMYND
SÝND Í ÁLFABAKKA, EGILSHÖLL, KRINGLUNNI, AKUREYRI,
KEFLAVÍK OG SELFOSSI
SÝND Í ÁLFABAKKA, EGILSHÖLLI, AKUREYRI OG KEFLAVÍK SÝND Í ÁLFABAKKA, EGILSHÖLL, KRINGLUNNI, AKUREYRI, KEFLAVÍK OG SELFOSSI
„BESTA
KVIKMYND
ÁRSINS“
- CBS TV
HHHH
„FYNDIN,
TILKOMUMIKIL“
- BACKSTAGE
HHHH
SÝND Í ÁLFABAKKA OG KRINGLUNNI
SÝND MEÐ ÍSLENSKU
OG ENSKU TALI
91/100
ENTERTAINMENT
WEEKLY
„ÆÐISLEG FRAMHALDSMYND.“
- RICHARD CORLISS / TIME
„BRAD PITT OG MATT
DAMON ERU
SPRENGHLÆGILEGIR.“
- MARA REINSTEIN /
US WEEKLY
„WE WERE DANCING IN OUR SEATS!“
„4 BROSKALLAR AF 4 MÖGULEGUM :).“
- NEWSDAY KIDSDAY
„HAPPY FEET 2 ER JAFNVEL
BETRI EN FYRRI MYNDIN!“
„HIN FULLKOMNA
HELGIDAGASKEMMTUN“
- MARA REINSTEIN / US
WEEKLY
HHHH
SÝND Í ÁLFABAKKA
MYNDIR ÞÚ
FARA YFIR
STRIKIÐ FYRIR
HEFNDINA?
FRÁBÆR SPENNUÞRILLER
FRÁ LEIKSTJÓRANUM
ROGER DONALDSON