Morgunblaðið - 29.12.2011, Blaðsíða 6

6 FRÉTTIRInnlent
MORGUNBLAÐIÐ FIMMTUDAGUR 29. DESEMBER 2011
15% afsláttur
Fæst án lyfseðils
N J Ó T U M Þ E S S A Ð H R E Y F A O K K U R
af öllum styrkleikum og pakkningastærðum
VIÐTAL
Kjartan Kjartansson
kjartan@mbl.is
„Ég hef áhyggjur af getu okkar til
að takast á við stóráföll og að
glíma við þau verkefni sem þarf að
takast á við ef skilið verður á milli
slökkvistarfs og sjúkraflutninga.
Það yrði mjög dýrt að manna
þetta hvort í sínu lagi og afskap-
lega mikilvægt að finna einhverja
lausn,“ segir Jón Viðar Matthías-
son, slökkviliðsstjóri höfuðborgar-
svæðisins, en samningur ríkisins
við Slökkvilið höfuðborgarsvæðis-
ins (SHS) um að það sinni sjúkra-
flutningum rennur út nú um ára-
mótin.
Viðræður um endurnýjun samn-
ingsins, sem staðið hafa undan-
farna mánuði, hafa reynst árang-
urslausar hingað til, en samnings-
tilboð frá ríkinu barst stjórn SHS
skömmu fyrir jól og segir Jón Við-
ar að því verði að líkindum svarað
í næstu viku.
Mikið ber á milli
Sjúkraflutningar hafa verið á
ábyrgð ríkisins frá árinu 1991 en
slökkvistarf er á könnu sveitarfé-
laganna. Ríkið hefur síðan þá
greitt SHS árlega upphæð til þess
að sinna sjúkraflutningum einnig.
Nú er fyrirkomulagið þannig að
þeir sem starfa hjá slökkviliðinu
eru þjálfaðir til að sinna bæði
slökkvistarfi og sjúkraflutningum.
Þannig er hægt að samnýta mann-
skap og bregðast við miklum
sveiflum í fjölda sjúkraflutninga
og stórum eldútköllum.
Jón Viðar segir að mikið beri á
milli sveitarfélaganna og ríkisins
um hversu há sú upphæð eigi að
vera. Sveitarfélögin telji að sann-
gjarn hlutur ríkisins sé um 800
milljónir króna en hann er nú um
hálfur milljarður. „Staðan er sú að
sveitarfélögunum finnst að ríkið
sé að borga of lítið fyrir þessa
þjónustu. Samningaviðræðurnar
snúast um að ná ásættanlegri nið-
urstöðu í málið. Það sem sveit-
arfélögin glíma við er uppsafnaður
vandi varðandi þessar greiðslur,“
segir Jón Viðar.
Myndi skaða báða arma
„Þetta er ógurlega sveiflukennd
starfsemi og þess vegna er sam-
reksturinn á sjúkraflutningum og
slökkvistarfi mikilvægur. Þú tekur
þá úr slökkviarminum yfir í
sjúkraflutninga þegar álagið er
þar og svo öfugt. Aðskilnaður
skaðar báða armana,“ segir Jón
Viðar.
Slökkviliðið hafi komið vel út í
alþjóðlegum samanburðarkönnun-
um og það sé dapurlegt að brjóta
upp einingu sem virki. Nú séu á
bilinu 21-26 slökkviliðsmenn á
vakt og um þrjátíu sem hægt sé að
kalla út þegar mikið liggur við. Ef
skilið yrði á milli þessara tveggja
starfa gæti slökkviliðsmönnum
fækkað í 12-14 á vakt og sjúkra-
flutningamönnum í sautján.
Verður í öruggum höndum
Jón Viðar segir að þó að samn-
ingar náist ekki fyrir áramót sé
það alveg á hreinu að sveitarfélög-
in og ríkið gangi ekki frá verkinu
þannig að sjúkraflutningaþjónusta
verði ekki í boði. Fundnar verði
lausnir til að þjónustan verði til
staðar, í það minnsta þar til annar
aðili taki hugsanlega við henni.
„Það er alveg öruggt að það
gengur enginn frá þessu verkefni
án þess að það sé komið í öruggar
hendur. Það sem við bindum vonir
við er að það verði í okkar hönd-
um. Við erum með vel þjálfaðan
mannafla sem sinnir báðum þess-
um störfum. Ef þessi eining verð-
ur brotin upp þá náttúrlega fjarar
út þekking á hvoru tveggja og við-
bragðsgeta gagnvart slökkvistarfi
og sjúkraflutningum verður lakari
þegar fram líða stundir. Ég tel að
þegar upp er staðið sjái menn
bæði hagræði og skynsemi í því að
reka þetta saman. Það er afskap-
lega mikilvægt fyrir bæði slökkvi-
starfið og sjúkraflutningana að
það sé gert.“
Morgunblaðið/Júlíus
Stórbruni Aðskilnaður slökkvistarfs og sjúkraflutninga gæti skaðað hvoru tveggja að sögn slökkviliðsstjóra höfuðborgarsvæðisins.
Viðbragð verður lakara
 Slökkviliðsstjóri hefur áhyggjur af aðskilnaði slökkvistarfs og sjúkraflutninga
 Samningur ríkis við sveitarfélög á höfuðborgarsvæðinu rennur út um áramót
„Ef þetta mat er
rétt þá hlýtur að
vera eðlilegt að
stjórnvöld endur-
skoði sínar eigin
ákvarðanir gagn-
vart bæði al-
mannatrygg-
ingakerfinu og
starfsmönnum
hins opinbera,“
segir Gylfi Arn-
björnsson, forseti Alþýðusambands
Íslands, um þá ákvörðun kjararáðs
að afturkalla launalækkun embætt-
ismanna frá árinu 2009.
Á fyrri hluta þess árs voru kjör fé-
lagsmanna ASÍ auk annarra skert
tímabundið með minnkuðu starfs-
hlutfalli og lækkun launa hjá þeim
sem voru fyrir ofan meðaltekjur.
Gylfi segist ekki sjá að nokkur kerf-
isbundin aðgerð sé í gangi af hálfu
fyrirtækja að leiðrétta þá skerðingu
enda séu ennþá víða erfiðleikar.
Ekki almennt launaskrið
„Rökstuðningur ráðsins að baki
þessu er svolítið langsóttur. Ég verð
að viðurkenna að þetta er ekki í
fyrsta skipti sem kjararáð kemst að
einhverri niðurstöðu sem enginn
annar skilur. Oftar en ekki eiga
ákvarðanir og rökstuðningur lítið
skylt við það sem er að gerast á
vinnumarkaðinum,“ segir hann.
Launavísitalan hafi mælst nokkuð
há fyrst og fremst vegna ein-
greiðslna sem samið var um í kjara-
samningum í sumar að sögn Gylfa.
Það sé hins vegar reiknað með því að
þegar komið verði fram yfir febr-
úarmánuð muni áhrif þeirra dvína.
„Það verður ekki með nokkru
móti sagt að það sé eitthvert al-
mennt launaskrið á vinnumark-
aðinum sem endurspeglar það að
launalækkanir sem hér áttu sér stað
víða séu að ganga til baka, því mið-
ur,“ segir hann.
Komi gangverkinu af stað
Að sögn Gylfa gerði Alþýðu-
sambandið sér grein fyrir því að um-
skipti fyrir þá sem eru í milli- og efri
tekjulögunum væru háð eftirspurn
eftir vinnuafli og þróun á vinnu-
markaði.
„Þess vegna er mikilvægt að koma
þessu gangverki aftur í gang því að
við það mun bæði vinnutími og eitt-
hvað af þeim sporslum sem menn
höfðu áður verða endurreist. Við
verðum ekki varir við að þetta sé
byrjað,“ segir Gylfi.
kjartan@mbl.is
Lækkanir
eru ekki á
leið til baka
 Forseti ASÍ
gagnrýnir kjararáð
Gylfi
Arnbjörnsson
Ylfa Kristín K. Árnadóttir
ylfa@mbl.is
Bréfamagn í desember var 10%
minna en í fyrra, að sögn Ágústu
Hrundar Steinarsdóttur, forstöðu-
manns markaðsdeildar Íslands-
pósts. Svo virðist því vera sem æ
færri kjósi að senda jólakort fyrir
hátíðarnar heldur láti kveðjur á
samfélagssíðum á borð við Facebook
nægja.
Ágústa segir fjölda pakka sem
sendir voru innanlands vera svip-
aðan og í fyrra og hvað varðar inn-
flutning í gegnum netverslanir, t.d.
Ebay og Amazon, þá jókst hann um
18% á milli ára.
Um 150 bréf voru í ár stíluð á ís-
lenska jólasveininn en þau eru
áframsend á Mývatnsstofu þar sem
jólasveinarnir í Dimmuborgum hafa
fengið að taka við þeim og svara. Að
sögn Karls Ingólfssonar, fram-
kvæmdastjóra Mývatnsstofu, voru
íslensku bréfin um 50 talsins en um
100 bárust frá útlöndum. „Þetta er
ansi skrautleg flóra sem berst hing-
að og frjálslegt á hvern bréfin eru
stíluð. Sum eru t.d. stíluð á Norð-
urpólinn, önnur á Lappland á Ís-
landi,“ segir hann en jólasveinarnir
reyna eftir bestu getu að svara öllum
bréfunum sem þeim berast.
Jesúbarnið gefur ekki
í skóinn
Karl segir jólasveinana fá nokk-
urn fjölda af snuðum frá Evrópu.
„Það koma margir pakkar á ári með
gömlum tuggnum snuðum í. Á ein-
hverjum svæðum virðist greinilega
vera lenska að senda gömul snuð til
jólasveinsins.“ Hann nefnir að eitt
skemmtilegasta bréfið sem jóla-
sveinarnir fengu í ár hafi verið frá 5
ára íslenskum dreng sem býr með
foreldrum sínum í Austur-Evrópu.
„Hann hafði miklar áhyggjur af því
að á sínu svæði væru ekki alvöru-
jólasveinar heldur bara jesúbarn.
Hann hafði enga trú á að jesúbarnið
gæti gefið í skóinn en við erum full-
viss um að íslenski jólasveinninn láti
landamæri ekki stöðva sig.“
Jólakortum fækkar milli ára
Bréf Jólasveinarnir ná í bréfin
sem þeim berast í þennan póstkassa.
 150 bréf send
til jólasveinanna
500
milljónir er upphæðin sem ríkið
greiðir slökkviliði höfuðborgar-
svæðisins til að sjá um sjúkra-
flutninga árlega.
800
milljónir er sú upphæð sem sveitar-
félögin á höfuðborgarsvæðinu telja
sanngjarnt að ríkið leggi til sjúkra-
flutninga á ári.
2,5
milljarðar er sú upphæð sem sveit-
arfélögin telja sig hafa niðurgreitt
sjúkraflutninga frá 1991 þegar rík-
ið tók við ábyrgðinni á þeim.
‹ SJÚKRAFLUTNINGAR ›
»