Morgunblaðið - 05.03.2012, Blaðsíða 2

2 FRÉTTIRInnlent
MORGUNBLAÐIÐ MÁNUDAGUR 5. MARS 2012
Morgunblaðið Hádegismóum 2, 110 Reykjavík. Sími 5691100 Fréttir Guðmundur Sv. Hermannsson, Sigtryggur Sigtryggsson, ritstjorn@mbl.is Viðskipti Agnes Bragadóttir, vidskipti@mbl.is Menning Pétur Blöndal menning@mbl.is Íþróttir Víðir
Sigurðsson sport@mbl.is mbl.is Guðrún Hálfdánardóttir, Sunna Ósk Logadóttir netfrett@mbl.is, Smartland Marta María Jónasdóttir, smartland@mbl.is Umræðan | Minningar | Bréf til blaðsins mbl.is/sendagrein Prentun Landsprent ehf.
María Ólafsdóttir
maria@mbl.is
Hin kínverska Hou Yifan varð heimsmeistari kvenna í
skák aðeins 15 ára gömul árið 2009, yngst allra í skák-
sögunni, bæði karla og kvenna. Hún er nú stödd hér á
landi á vegum Skáksambands Íslands og fékk ungt skák-
fólk að reyna sig við heimsmeistarann í fjöltefli á Sjó-
minjasafninu í gær.
Það lá vel á hinum unga meistara þegar blaðamaður
settist niður með henni skömmu fyrir fjölteflið. Hou seg-
ir það vera ánægjulegt hve margir stundi hér skák í frí-
stundum þótt þeir keppi ekki endilega. Almennt sé þó
skák vissulega ekki jafnvinsæl íþróttagrein og til að
mynda körfu- og fótbolti. Þá leiki yfirleitt fleiri strákar
skák, en í sínum heimabæ sé skákin þó vinsæl meðal
stelpna.
Koma Hou hingað til lands er merkur viðburður í ís-
lenskri skáksögu og markaði um leið upphafið að Stelpu-
skákdeginum, sem haldinn var hátíðlegur í fyrsta sinn í
gær. Með deginum vill skákhreyfingin á Íslandi heiðra
þær konur sem ruddu brautina fyrir þátttöku kvenna í
skáklífinu og jafnframt hvetja stelpur til að tefla sem
mest.
Það kom snemma í ljós að Hou hafði gaman af hug-
arleikfimi en sem barn lék hún damm, borðspil sem leik-
ið er á skákborði, með vinkonum sínum. Upp úr því
kynntu foreldrar Hou hana fyrir skák sem hún hefur
leikið síðan hún var rúmlega fimm ára.
Hou segir sannarlega vert að vekja meiri athygli
stelpna á íþróttinni en fyrir bæði kynin skipti áhuginn
mestu máli rétt eins og í öðru því sem fólk tekur sér fyrir
hendur. „Þetta þarf að vera áhugamál manns og ekki
eitthvað sem foreldrarnir reka mann til að gera. Áhug-
inn þarf að vera hvatning manns. Hver leikur getur verið
erfiður miðað við aðstæður. Það er t.d. alltaf svekkjandi
að gera ein mistök sem verða til þess að leikurinn snýst
algjörlega við og maður tapar. Ég undirbý mig sjaldnast
lengi fyrir hvern og einn leik heldur reyni frekar bara að
slappa af, hvíla mig og hlusta á tónlist,“ segir Hou.
Spurð hvort hún þekki vel til íslenska skákheimsins
nefnir Hou strax Bobby Fischer og einvígi hans við Bor-
is Spasskí í Reykjavík árið 1972. „Fischer er fyrirmynd
mín í skákinni,“ segir Hou.
„Áhuginn þarf að vera
hvatning manns“
 Heimsmeistari kvenna í skák etur kappi við Íslendinga
 Hou Yifan frá Kína varð heimsmeistari 15 ára gömul
Morgunblaðið/Kristinn
Stelpuskákdagur Kínverski heimsmeistarinn Hou Yifan í fjöltefli við íslenskar skákstúlkur.
Í tilefni þess að í ár eru liðin 40 ár frá
einvígi Fischers og Spasskís má sjá sýn-
inguna Einvígi aldarinnar. Fischer og
Spasskí í 40 ár í Horni á 2. hæð í Þjóð-
minjasafni Íslands. Á sýningunni eru mun-
ir og myndir sem tengjast skákeinvíginu
1972 en sýningin er unnin í samvinnu
Skáksambands Íslands og Þjóðminja-
safns Íslands.
Munir og myndir á
Þjóðminjasafninu
EINVÍGIS MINNST
Guðni Einarsson
María Ólafsdóttir
Aðalmeðferð í landsdómsmálinu
gegn Geir H. Haarde, fyrrverandi
forsætisráðherra, hefst í Þjóðmenn-
ingarhúsinu klukkan 9.00 í dag. Sig-
ríður Friðjónsdóttir, saksóknari Al-
þingis, sagði í viðtali við
Morgunblaðið eftir hádegi í gær að
sennilega yrði einungis tekin skýrsla
af ákærða í dag. Ekki var ljóst þegar
rætt var við Sigríði hvort hún sem
saksóknari og Andri Árnason hrl.,
verjandi Geirs, yrðu með forflutning.
Í forflutningi er farið stuttlega yfir
atvik málsins.
Vitnalisti hafði ekki verið birtur í
gær en verður mögulega birtur í
dag. Á listanum eru nöfn rúmlega 50
vitna. Tökur skýrslna þeirra standa
alla þessa viku og á mánudag og
þriðjudag í næstu viku. Hlé verður
gert 14. mars og daginn eftir, 15.
mars, verður ef til vill frekari
skýrslutaka af ákærða og málflutn-
ingur sækjanda. Málflutningur af
hálfu verjanda Geirs verður svo
föstudaginn 16. mars, að sögn Sigríð-
ar.
Þjóðmenningarhúsið hefur verið
undirbúið fyrir réttarhöldin. Meðal
annars var búið að koma fyrir búnaði
til að taka skýrslur í gegnum síma.
Þá hefur verið tekið frá herbergi þar
sem vitni geta verið á meðan þau
bíða skýrslutöku.
Óheppilegt að birta vitnalista
Í samtali við Morgunblaðið í gær-
kvöldi sagði Andri Árnason að útlit
væri fyrir að forflutningur yrði ekki í
dag. Endanlega tímasettur vitnalisti
lá ekki fyrir í gærkvöldi en Andri
sagði listann sífellt vera að breytast
þar sem vitni þyrftu að fá úthlutaðan
annan tíma og annað slíkt. Saksókn-
ari hefði séð um boðun vitna og
skýrðist væntanlega í dag hvernig
endanlegur listi myndi líta út.
Sagði Andri að í megindráttum
vissu flestir hverjir myndu bera vitni
en hann hefði ekki verið fylgjandi því
að nafnalisti yrði birtur. Hann teldi
óheppilegt að vitni vissu hvaða öðr-
um vitnum bæri að koma fyrir dóm-
inn og eins óheppilegt að vitni vissu í
hvaða röð menn kæmu fyrir dóminn.
Ekki væri sérstaklega gert ráð
fyrir því að menn bæru saman bæk-
ur sínar en þó væri óeðlilegt að vitni
sem væru að fjalla um sama hlutinn
gætu jafnvel borið saman bækur sín-
ar að einhverju leyti.
Aðalmeðferð í
landsdóms-
málinu hefst
 Skýrsla tekin af ákærða í dag
 Vitnalisti liggur enn ekki fyrir
Morgunblaðið/Kristinn
Landsdómur Salur Þjóðmenning-
arhússins standsettur.
Landsdómsmálið
» Málið var þingfest 7. júní ár-
ið 2011.
» 29. október 2011 var ákveð-
ið að Landsdómur tæki málið
til aðalmeðferðar hinn 5. mars
2012.
» Frávísunarkröfu ákærða var
vísað frá í Landsdómi 5. sept-
ember 2011.
» Alþingi samþykkti 2. mars
frávísunartillögu vegna tillögu
formanns Sjálfstæðisflokksins
um að fallið yrði frá ákæru á
hendur Geir H. Haarde, fyrrver-
andi forsætisráðherra, fyrir
Landsdómi.
Svartfugl settist upp í Vestmanna-
eyjum og Grímsey um miðjan febr-
úar. Það þótti í seinna lagi í Vest-
mannaeyjum en óvenjusnemmt í
Grímsey. Farfuglum á borð við álft-
ir, stormmáfa og hettumáfa hefur
fjölgað á landinu undanfarið að sögn
vefsíðunnar fuglar.is. Þá er talið lík-
legt að tjaldar sem fara til annarra
landa yfir veturinn séu að snúa aftur
en talsvert margir tjaldar hafa einn-
ig vetursetu hér á landi.
Svartfuglinn settist upp í Ysta-
kletti í Eyjum 15. febrúar og var það
sex dögum síðar en í fyrra þegar
hann settist upp 9. febrúar, að sögn
Sigurgeirs Jónassonar, ljósmyndara
og fuglaáhugamanns. Hann hefur
lengi fylgst með því hvenær svart-
fuglinn sest upp í Eyjum. Sigurgeir
sagði að loðnan hefði verið seinna á
ferðinni nú en í fyrra og svartfuglinn
kæmi yfirleitt rétt á undan loðnu-
göngunni til Vestmannaeyja. Eftir
að svartfuglinn settist nú fyrst upp í
Eyjum gerði frost og snjó í nokkra
daga. Fuglinn hvarf þá frá en kom
aftur 20. febrúar í Ystaklett og fyllti
alla kóra, syllur og koppa í berginu.
Á vef Akureyrarbæjar kemur
fram að langvía og stuttnefja fylli nú
allar syllur í Grímsey og álka sé
væntanlega í urðinni fyrir neðan.
Svartfugli hefur fjölgað mjög við
heimskautsbaug á undanförnum ár-
um og telja Grímseyingar að fuglinn
hafi sest svo snemma upp nú til að
tryggja sér hreiðurstað, að því er
segir á Akureyrarsíðunni.
Þrútin brum lerkitrjáa
Vorið minnir víða á sig þessa dag-
ana. Í lok febrúar var starfsfólk
Héraðs- og Austurlandsskóga að
mæla skóga til grisjunar þegar það
rakst á lerkitré með svo þrútin brum
að farið var að sjást í grænt.
Vegna hlýindanna í febrúar er
vöxtur lerkis og fleiri tegunda trjáa
og runna óvenjusnemma á ferðinni.
Ef hlýindin halda áfram má ætla að
lerkið verði orðið býsna grænt í lok
mars, segir á skogur.is.
Fáum detta frjókorn í hug um
þetta leyti árs, en í Grasagarðinum í
Reykjavík þjófstörtuðu frjókorn elr-
is, að því er segir á heimasíðu Nátt-
úrufræðistofnunar. gudni@mbl.is
Fuglinn rétt á undan loðnunni
 Vorið hefur
víða minnt á sig
Morgunblaðið/Ómar