Morgunblaðið - 05.03.2012, Blaðsíða 29

VIÐTAL
Kolbrún Bergþórsdóttir
kolbrun@mbl.is
S
öngkonan Anna Vil-
hjálms fagnar 50 ára
söngafmæli með tón-
leikum í Austurbæ
fimmtudaginn 8. mars.
„Ég ætlaði að halda þessa tónleika
í fyrra en frestaði þeim af ýmsum
ástæðum,“ segir Anna. „Á tónleik-
unum syng ég lög sem ég hef ver-
ið þekktust fyrir að syngja á þess-
um 50 árum. Ég byrja á laginu
sem ég söng níu ára gömul á
ensku í Sjálfstæðishúsinu, Que
sera sera, sem Doris Day gerði
frægt. Svo syng ég ýmis þekkt lög
með Connie Francis og Brendu
Lee. Líka sveitatónlist og lög
Tammy Wynette og Patsy Cline.
Auðvitað syng ég svo líka þekkt-
ustu lögin sem ég söng á sínum
tíma: Ég bíð við bláan sæ, Heim-
ilisfriður og Fráskilin að vestan.
Ég hef í gegnum árin aðallega
verið að syngja gamalt rokk og
sveitatónlist.“
Bara að ná í röddina
Anna, sem verður 67 ára á
þessu ári, er spurð hvernig röddin
sé. „Röddin hefur breyst, ég var
með sterka og hvella rödd, en hún
er orðin mýkri. Ég greindist með
lungnaþembu fyrir einhverjum ár-
um. Þegar ég hélt upp á 40 ára
söngafmæli veit ég ekki hvernig
ég komst í gegnum það því ég var
með bronkítis og kvef, sem var
byrjun á lungnaþembunni. Eftir
það hætti ég að mestu að syngja.
Samt ekki alveg því ég er í hópi
sem heitir Rokkgengið og sam-
anstendur af gömlum söngvurum
og við hittumst með reglulegu
millibili.
Síðstliðið haust fór ég á Reykja-
lund og hjúkrunarkonan hvatti
mig til að halda áfram að syngja
og sagði að ég gæti það vel. Ég
tók þessari hvatningu en það er
ýmislegt sem ég þurfti að læra
upp á nýtt. Röddin er þarna, það
er bara að ná í hana.“
Anna segist hafa sungið frá því
hún man eftir sér. „Ég hafði svo
gaman af að syngja, lá yfir út-
varpinu og kunni mikið af lögum.
Sem krakki söng ég á jólaböllum.
Þegar ég fór að syngja opin-
berlega þá var það þannig að ef
einhver söngkona forfallaðist var
hægt að hringja í mig því að ég
gat sungið óæft. Ég held að það
hafi fleytt mér áfram en ég ætlaði
aldrei að verða söngkona. Ég ætl-
aði að læra hárgreiðslu.“
Komst á samning hjá MGM
Leið Önnu lá til Ameríku og þar
komst hún á samning, en kaus svo
að snúa heim til Íslands. Af hverju
ílengdist hún ekki í Ameríku?
„Ég giftist og við hjónin eign-
uðumst tvær dætur saman. Við
skildum þegar ég var 25 ára og þá
fór ég í fyrsta skipti til Bandaríkj-
anna til að hitta vini mína. Vin-
irnir höfðu ýmis sambönd og vildu
koma mér á framfæri í bandarísk-
um tónlistarheimi. Ég komst á 50
ára samning hjá MGM. Ég fór að
hlæja vegna þess að ég var bara
25 ára og þeir ætluðu að eiga mig
þar til ég yrði 75 ára. Ég var ekki
einu sinni viss um að ég myndi
vera lifandi þá. En allt var þetta
frágengið en þá guggnaði ég. Það
átti að breyta nafni mínu og laga
tennurnar. Ég átti líka að breyta
um háralit og verða ljóska, ég sem
var og er alveg dökkhærð. Ég fór
heim til Íslands. Ég hugsaði um
að fara aftur út en svo ákvað ég
að gera það ekki.“
Hún er spurð hvort hún hlakki
mikið til tónleikanna. „Ég verð að
viðurkenna að ég bæði hlakka til
og kvíði fyrir. Þetta verða senni-
lega síðustu tónleikarnir sem ég
held,“ segir hún og bætir við: „Ég
hef átt góðan tíma í tónlist-
arbransanum vegna þess að ég hef
alltaf verið svo heppin að vinna
með verulega góðum tónlist-
armönnum.“
Morgunblaðið/Árni Sæberg
Anna Vilhjálms Ég hef átt góðan tíma í tónlistarbransanum vegna þess að ég hef alltaf verið svo heppin að vinna með verulega góðum tónlistarmönnum.
Ætlaði aldrei að verða söngkona
 Anna Vilhjálms heldur upp á 50 ára söngafmæli í Austurbæ Komst á sínum tíma á samning í
Bandaríkjunum en ákvað að fara heim til Íslands Sennilega síðustu tónleikarnir mínir, segir Anna
»Ég verð að viðurkenna að ég bæði hlakka til ogkvíði fyrir. Þetta verða sennilega síðustu tón-
leikarnir sem ég held.“
MENNING 29
MORGUNBLAÐIÐ MÁNUDAGUR 5. MARS 2012
Arnar Eggert Thoroddsen
arnart@mbl.is
Íslandsriðill hinnar svokölluðu Wacken Metal Battle fór
fram á laugardagskvöldið á Nasa. Sex þungarokkssveitir
kepptu þá sín á milli um sæti í samnefndri hljóm-
sveitakeppni sem fram fer á Wacken Open Air í sumar
en hátíðin sú er stærsta þungarokkshátíð heims. Sveit-
irnar sem kepptu voru Memoir, Angist, Moldun, Grue-
some Glory, Blood Feud og Gone Postal. Fóru leikar á
þann veg að sú síðastnefnda sigraði og það nokkuð
örugglega.
Gone Postal hefur verið starfandi í allnokkur ár og
lengi verið með fremstu öfgarokkssveitum landsins. Í
upphafi lék sveitin „grúv“-kennt nýdauðarokk en hefur
að undanförnu verið að færa sig á framandlegri slóðir.
Lögin eru orðin lengri og tilraunakenndari – og betri.
Reyndar var sett Gone Postal á föstudaginn svo gott sem
fullkomið og greinarhöfundur – sem og flestir aðrir í
salnum – var agndofa yfir frammistöðunni. Sveitin hélt
áheyrendum á tánum frá fyrstu nótu til hinnar síðustu,
lögin flóðu áfram taktfast og örugglega en með snún-
ingum á hárréttum stöðum. Spennan stigmagnaðist með
hverri mínútu og endalokin voru ekkert minna en epísk.
Hreint ótrúlegt að heyra og magnað að sjá hvert sveitin
er komin. Þetta er orðið „keppnis“ eins og sagt er og
vonandi að einhver af þeim níu erlendu blaðamönnum og
útgefendum sem voru á staðnum hafi verið með blokk og
penna á sér.
Það er síðan til mikils að vinna á keppninni í sumar.
Það var hin ógurlega Atrum sem fór utan í fyrra en hún
er tvímælalaust ein allra besta þungarokkssveit landsins
í dag.
Gone Postal sigraði í
Wacken-keppninni
Rísandi Gone Postal hefur verið starfandi í fimm ár og
hefur jafnt og sígandi verið að sækja í sig veðrið. Sveitin
átti ótrúlega innkomu á Nasa.
Á afmælistónleikunum ætlar
Anna Vilhjálms að fara í gegnum
söngferilinn og flytja vinsælustu
lög sín ásamt uppáhaldslögum
sínum. Einar Júlíusson, Bjarni
Arason og Viðar Jónsson verða
gestasöngvarar kvöldsins. Hljóm-
sveitina skipa Vilhjámur Guð-
jónsson, Hilmar Sverrisson, Finn-
bogi Kjartansson, Ásgeir
Óskarsson, Lárus Grímsson og
Þorleifur Gíslason. Kynnir kvölds-
ins verður Þorgeir Ástvaldsson.
Anna Vilhjálms
og söngvarar
50 ÁRA SÖNGAFMÆLI
FRÉTTABLAÐIÐ
FRÉTTATÍMINN
FRÁ FRAMLEIÐENDUM “DRIVE”
KEMUR HRÖÐ OG SPENNANDI GLÆPA-
MYND ÚR ÍSLENSKUM VERULEIKA.
Þ.Þ., FRÉTTATÍMINN
H.V.A., FRÉTTABLAÐIÐ SVARTHÖFÐI.IS
SMÁRABÍÓ HÁSKÓLABÍÓ 5%NÁNAR Á MIÐI.ISGLERAUGU SELD SÉR 5%
SVARTUR Á LEIK KL. 5.40 - 8 - 10.20 16
SVARTUR Á LEIK LÚXUS KL. 5.40 - 8 - 10.20 16
TÖFRATENINGURINN KL. 3.40 L
HAYWIRE KL. 5.50 - 8 16
GHOST RIDER 3D ÓTEXTUÐ KL. 5.50 - 8 - 10.15 12
THIS MEANS WAR KL. 8 - 10.15 14
STAR WARS EPISODE 1 3D ÓTEXTUÐ KL. 5 10
SAFE HOUSE KL. 10.10 16
SKRÍMSLI Í PARÍS 3D KL. 3.40 L
ALVIN OG ÍKORNARNIR 3 KL. 3.40 L
BORGARBÍÓ NÁNAR Á MIÐI.IS
FRÉTTABLAÐIÐ
SVARTUR Á LEIK KL. 6 - 8 - 10 16 / THIS MEANS WAR KL. 6 14
GHOST RIDER 2 3D ÓTEXTUÐ KL. 10 12 / HAYWIRE KL. 8 16
SVARTUR Á LEIK KL. 5.40 - 8 - 10.20 16
TÖFRATENINGURINN KL. 6 L
GHOST RIDER 3D ÓTEXTUÐ KL. 8 12
THIS MEANS WAR KL. 8 - 10.15 14
STAR WARS EPISODE 1 3D ÓTEXTUÐ KL. 10.15 10
THE DESCENDANTS KL. 5.30 L
LISTAMAÐURINN KL. 6 - 8 - 10 L
FRÁBÆR FJÖLSKYLDUMYND MEÐ ÍSLENSKU TALI