Morgunblaðið - Sunnudagur - 18.11.2012, Blaðsíða 60

Vígsla Vinaminnis (Friendship Arena), nýsþjóðarleikvangs Svía í Solna á miðvikudaginn,verður ógleymanleg þeim sem viðstaddir voru.
Sá magnaði leikmaður, Zlatan Ibrahimovic, gerði öll
mörk Svía í 4:2 sigri á Englendingum og ekki nóg með
fjölda markanna; það síðasta gerði hann með hjól-
hestaspyrnu langt utan af velli svo niðurlæging gest-
anna var algjör.
Nafn Zlatans hefur líklega verið slegið oftar en
flestra inn á leitarvélar netsins síðustu daga. Knatt-
spyrnuáhugamenn hvarvetna vilja sjá markið og önnur
sem hann hefur gert í gegnum tíðina. Þau eru nefni-
lega æði mörg ótrúlega glæsileg ef grannt er skoðað.
Landsmeistari átta ár í röð
Zlatan, sem er 31 árs, er í hópi allra bestu knatt-
spyrnumanna heims og einn sá launahæsti að sagt er.
Hann afrekaði það að verða landsmeistari átta ár í röð
og níu sinnum á tíu árum; fyrst með Ajax í Hollandi,
þá Juventus á Ítalíu, Internazionale á Ítalíu, Barcelona
á Spáni og loks AC Milan á Ítalíu. Ekki er loku fyrir
það skotið að einn til bætist í safnið í vor en Zlatan er
nú á mála hjá París SG í Frakklandi.
Því verður að halda til haga að Juventus var svipt
titlinum 2005 og 2006 vegna hneykslismáls og rekið
niður um deild, en afrek Zlatans er ekkert minna
þrátt fyrir það.
Zlatan Ibrahimovic fagnar þriðja marki sínu af fjórum gegn Englendingum á miðvikudaginn.
AFP
Ólíkindatólið
Zlatan
SVÍINN ZLATAN IBRAHIMOVIC SÝNDI ÓTRÚLEGAR KÚNSTIR Í LANDSLEIK GEGN
ENGLENDINGUM Í VIKUNNI. HEIMSBYGGÐIN GAPIR EN ÍSLENDINGUM SEM
VORU SAMTÍÐA ZLATAN HJÁ MALMÖ FF KOMA TILÞRIFIN EKKERT Á ÓVART!
„Hann stækkaði um nærri 20 sentimetra eitt
sumarið og eftir það gerðust hlutirnir hratt.
Hann var tekinn beint upp í aðalliðið og
seldur fljótlega til Ajax,“ segir Guð-
mundur. Zlatan er með stærri leik-
mönnum, 195 cm, og boltatæknin er undra-
verð af svo hávöxnum leikmanni.
Þegar Guðmundur er spurður hvort
Zlatan sé jafn mikill hrokagikkur og virð-
ist, svarar hann: „Ég held að menn verði
að vera svona þegar þeir eru komnir á
svona stall …“
Hef séð hann gera þetta áður!
Óhætt er að segja að Zlatan sé með
munninn fyrir nefið. „Hann hefur alltaf
haft sterkar skoðanir og verið óhrædd-
ur við að láta þær í ljós,“ segir Krist-
ján Guðmundsson þjálfari, sem starf-
aði hjá Malmö á sínum tíma.
Kristján þjálfaði næsta aldursflokk
fyrir neðan en kom oft að verkefnum
hjá liði Guðmundar, Zlatans og Ómars
Jóhannssonar markvarðar sem nú er í liði
Keflavíkur. „Hann var alltaf brosandi og
mjög skemmtilegur. Það var alltaf gam-
an að umgangast hann,“ segir Kristján.
„Ég vissi að hann yrði góður, en ekki
svona góður!“ sagði Ómar í stuttu
spjalli.
Markið ótrúlega sem Zlatan gerði
gegn Englendingum kom Kristjáni
ekki á óvart, því hann segist hafa séð
framherjann leika sömu kúnstir áður.
„Það var á innanhússmóti í Þýska-
landi þar sem unglingalið margra
stórra félaga voru saman komin að
Zlatan tók sig til og gerði svona
mark gegn Stuttgart. Vellirnir voru
að vísu minni en venjulegir en
markmenn í liðunum og Zlatan
skoraði með hjólhestaspyrnu frá
miðju!“
Zlatan er fæddur í Svíþjóð
1981. Móðir hans er Króati en
faðirinn Bosníumúslími. Þau
kynntust í Svíþjóð eftir að hafa
bæði yfirgefið heimahagana.
Eiginkona Zlatans er einnig
sænsk. Hún heitir Helena Singer
og er 42 ára fyrrverandi leikkona
og sýningarstúlka. Þau Zlat-
an eiga tvö börn, fjögurra
og sex ára.
*Þegar Zlatan var 17ára og í unglingaliðiMalmö FF komst hann ekki
í byrjunarliðið en var
stundum settur inn á.
Ungu knattspyrnufólki má benda á þá
áhugaverðu staðreynd að þegar Zlatan var 17
ára og í unglingaliði Malmö FF sat hann oftast
á varamannabekknum. Komst ekki í byrjunar-
liðið en var stundum settur inn á. En hans tími
kom.
Eftir að tognaði verulega úr drengnum eitt sum-
arið, árið sem hann varð 18; þegar stærðin og
krafturinn bættust við ótrúlega tæknina, varð
öllum ljóst að þarna var kominn fram á sjón-
arsviðið mjög sérstakur leikmaður. Allir hjá
Malmö vissu reyndar hvers kyns var en orð-
spor hans fór sem eldur í sinu á þessum
tíma.
Guðmundur Viðar Mete, sem leikið hefur
með Keflavík, Val og Haukum hér heima,
var með Zlatan bæði í unglinga- og aðalliði
Malmö. Þeir ólust upp í sama hverfi og eru
vinir enn í dag. Guðmundur heimsækir vin
sinn árlega og hefur séð hann spila fyrir öll
félögin sex á meginlandinu sem Zlatan hefur
starfað fyrir. „Hann var mikið í fótbolta og
bauð öðrum krökkum oft tíkall ef þeir gætu
náð boltanum af honum!“ segir Guðmundur við
Morgunblaðið þegar hann rifjar upp unglingsárin.
Ólíklegt er að Zlatan hafi orðið af miklu fé vegna
þessa.
Frábær. Fáir
efast um snilli
Zlatans.
*„Þetta var hinn fullkomni leikur. Það var eins og Zlatanværi að spila á móti börnum.“Tobias Sana sem kom inn á hjá Svíum gegn Englendingum í vikunni.BoltinnSKAPTI HALLGRÍMSSON
skapti@mbl.is
60 MORGUNBLAÐIÐ SUNNUDAGUR 18.11. 2012
Síðara mark Diego Maradona í 2:1 sigri Argentínumanna áEnglendingum á HM í Mexíkó 1986 er almennt talið eittfallegasta mark sem gert hefur verið í fótboltaleik.
 Maradona fékk boltann á eigin vallarhelmingi, lék á hvern
andstæðinginn á fætur öðrum og loks á Peter Shilton markvörð
áður en hann renndi boltanum í markið. Fáeinum andartökum
áður gerði Maradona mark með „hönd Guðs“ eins og hann orð-
aði það sjálfur síðar. Það stóð við litlar vinsældir enskra.
Flott mörk eru líklega óteljandi. Til gamans má rifja upp
nokkur af handahófi, sem áhugamenn ættu að muna eftir:
 Lionel Messi gerði nánast eins mark og Maradona gegn
Englandi; með Barcelona gegn Getafe á Spáni 2007.
 Hjólahestaspyrna Wayne Rooney í 2:1 sigri Manchester
United gegn Manchester City 2011.
 Zlatan Ibrahimovic gegn NAC með Ajax 2004 eftir stór-
kostlegan einleik. Lék mótherjana sundur og saman í og við
vítateiginn, hvern á fætur öðrum og skoraði af stuttu færi.
 Thierry Henry gegn Man. Utd. 2000. Snéri baki í markið
þegar hann fékk boltann utan vítateigs. Varnarmaður aftan við
Henry var bjargarlaus þegar Frakkinn lyfti boltanum með
fyrstu snertingu, sneri sér við og þrumaði efst í hornið fjær.
 Aukaspyrna Roberto Carlos með Brasilíu gegn Frakklandi
1997. Langt utan teigs; boltinn virtist stefna langt framhjá en
snúningurinn var svo mikill að hann smaug inn með stönginni.
 Roberto Carlos með Real Madrid gegn Tenerife 1998;
þrumuskot frá endalínu vinstra megin, utanfótar með vinstra
fæti – virtist fyrirgjöf – en boltinn söng efst í fjærhorninu.
 Marco van Basten fyrir Holland gegn Sovétríkjunum í úr-
slitaleik EM 1988. Var á markteigshorninu þegar boltinn kom á
lofti, tók hann viðstöðulaust og þrumaði efst í fjærhornið.
 Denis Bergkamp með Hollandi gegn Argentínu á HM
1998. Löng sending inn í teig; tók boltann niður í fyrstu snert-
ingu og snéri af sér varnarmann um leið, áður en hann skoraði.
 Bergkamp með Arsenal gegn Newcastle haustið 2002; var í
vítateignum með varnarmenn fyrir aftan sig þegar boltinn kom;
á augabragði spyrnti hann boltanum framhjá varnarmanninum,
skaust sjálfur hinum megin við hann og skoraði.
 Brasilíumaðurinn Pele, 17 ára, í úrslitaleik HM 1958 gegn
Svíum. Fékk sendingu inn í teig, bók boltann á brjóstið og plat-
aði varnarmann um leið, vippaði yfir annan sem kom á móti og
skoraði með föstu skoti áður en boltinn snerti völlinn.
ÞAU FLOTTUSTU?
Flottast? Maradona gerir seinna markið í 2:1 sigri á Englandi á
HM í Mexíkó 1986, eftir ótrúlegan einleik frá eigin vallarhelmingi.