Morgunblaðið - Sunnudagur - 19.05.2013, Blaðsíða 52

52 MORGUNBLAÐIÐ SUNNUDAGUR 19.5. 2013
Átta útskriftanemar úr námi í fræðum og
framkvæmd við leiklistar- og dansdeild
Listaháskóla Íslands, hafa sett upp sýningar á
lokaverkefnum sýnum í húsnæði skólans og
eru þær opnar nú í vikunni. Lokaverkefnin
endurspegla áherslu námsins á frumsköpun í
sviðslistum og eru mjög fjölbreytt, allt frá
innsetningu til leikstjórnarverkefna. Við
vinnu að lokaverkefnum er lögð áhersla á að
nemendur móti einstaklingsbundna sýn á
form sviðslista og stígi fram sem sviðshöf-
undar. Hvert lokaverk er sýnt þrisvar sinn-
um, meðal annars í sölum á Sölvhólsgötu 13,
Þjóðleikhúskjallaranum, Skipholti 1b, og í
Tjarnarbíói. Lesa má um tímasetningar og
sýningarstaði á lhi.is.
FRÆÐI OG FRAMKVÆMD
SVIÐSLISTAVERK
Útskriftarhópurinn í fræðum og framkvæmd;
þau sýna verk sín víða næstu daga.
Vigdís Finnbogadóttir kynnir Margrétar sögu en
Margrét var verndardýrlingur þungaðra kvenna.
Morgunblaðið/Árni Sæberg
Vigdís Finnbogadóttir afhendir endurgerð
handritsins Margrétar sögu og opnar sýningu
því tengda á Skriðuklaustri í dag, laugardag,
klukkan 14. Sýningin er liður í verkefni Árna-
stofnunar, „Handritin alla leið heim“, þar
sem þekktir einstaklingar taka að sér að
fóstra handrit og halda með það heim í hér-
aðið þar sem frumgerðin var afhent Árna
Magnússyni handritasafnara. Margrétar bók
er skinnbók frá um 1500.
Við opnunina syngja Liljurnar, Guðrún
Nordal, forstöðumaður Árnastofnunar, flyt-
ur ávarp og Guðvarður Már Gunnlaugsson
kynnir Margrétar sögu.
SÝNING Á MARGRÉTAR SÖGU
FÓSTRAN VIGDÍS
Glódís Margrét Guð-
mundsdóttir píanóleikari
heldur tónleika í Selinu á
Stokkalæk á annan í hvíta-
sunnu og hefjast þeir
klukkan 16. Hún leikur
verk sem hún flytur í pí-
anókeppni Norður-
landanna í Danmörku nú í
júní og á tónlistarhátíðinni
Casalmaggiore Music
Festival á Ítalíu.
Glódís er 22 ára gömul, fædd í Reykjavík
en uppalin í Þykkvabænum. Hún stundaði
nám við Tónlistarskóla Rangæinga og lauk
prófi 2010. Útskriftartónleikar hennar voru
haldnir í Selinu. Síðan hefur Glódís lagt stund
á píanóleik hjá Peter Maté í Listaháskóla Ís-
lands. Á efnisskránni eru meðal annars verk
eftir Chopin, Beethoven, Nielsen og Rach-
maninoff. Tónleikarnir eru til styrktar vænt-
anlegri tónleikaferð píanóleikarans.
TÓNLEIKAR Á HEIMASLÓÐ
GLÓDÍS Í SELINU
Glódís Margrét
Guðmundsdóttir
Þetta er metnaðarfullt verkefni og langþráður draumur að fáað takast á við svona mikinn fjölda sönglaga tónskáldsins,“segir Ágúst Ólafsson barítón sem ásamt söngkonunni Hönnu
Dóru Sturludóttur og píanóleikaranum Gerrit Schuil mun flytja
tæplega 90 ástarsöngva Roberts Schumanns á þrennum tónleikum í
Fríkirkjunni sem fram fara sunnudagana 19. maí, 26. maí og 2.
júní kl. 11. Tónleikarnir eru á dagskrá Listahátíðar. Að sögn
Ágústs er alltaf kærkomið að flytja mörg verk eftir sama tón-
skáldið. „Þá fær maður gott tækifæri til að sökkva sér ofan í ævi
tónskáldsins og kynna sér tónmálið í þaula,“ segir Ágúst og bendir
í því samhengi á að flestöll sönglögin sem flutt verða á fyrstu og
síðustu tónleikunum séu samin árið 1840 sem er árið sem Schu-
mann fékk loksins að giftast Clöru eftir mikla þrautagöngu, því
faðir hennar lagðist gegn ráðahagnum og kom til málaferla vegna
þessa.
„Á þessum tíma hafði Schumann starfað sem tónskáld í um tíu
ár, en aldrei fengist við að semja sönglög. Á þessum tímamótum
springur hann hins vegar út sem sönglagahöfundur,“ segir Ágúst
og tekur fram að það sé ekkert launungarmál að Clara hafi veitt
Robert Schumann innblástur að öllum ástarljóðum hans. „Það þýðir
samt ekki að öll lögin séu rómantísk og rjómasæt, því hann kafar
ofan í allar þær tilfinningar sem fylgja ástinni, líka afbrýðisemina
og örvæntinguna,“ segir Ágúst og tekur fram að það sé alltaf
áskorun að takast á við hinar miklu andstæður sem í lögunum birt-
ast og sveifla sér áreynslulaust milli ólíkra tilfinninga og stílbrigða.
„Ég hef spilað mörg þessara verka áður, en ekki öll. Þetta er því
einstakt tækifæri að fá að spila svona mörg lög eftir sama tónskáld
á svona stuttum tíma og auðvitað einstakt tækifæri fyrir áheyr-
endur að kynnast þessari tónlist,“ segir Gerrit Schuil og bendir á
að ástarlögin spanni allan tónlistarferil Shumanns. „Það er mjög
spennandi að sjá hvernig hann þróast og þroskast sem tónskáld.
Einnig er áhugavert að sjá hvaða skáld hann velur ljóð eftir til að
semja sönglögin sín við, því Schumann hafði mjög góða tilfinningu
fyrir hinu ritaða orði,“ segir Gerrit en á meðal skáldanna eru Hein-
rich Heine og Joseph Karl Benedikt Freiherr von Eichendorff.
SYNGJA UM ALLT LITRÓF ÁSTARINNAR
„Langþráður
draumur“
Ágúst Ólafsson, Hanna Dóra Sturludóttir og Gerrit Schuil.
Ljósmynd/Gunnar Svanberg
ÁSTARSÖNGVAR ROBERTS SCHUMANNS MUNU ÓMA
Í FRÍKIRKJUNNI ÞRJÁ SUNNUDAGSMORGNA Í RÖÐ
Menning
M
ér finnst afskaplega
ánægjulegt að fá svona
verkefni, að vera beðin um
að skrifa,“ segir Auður
Ava Ólafsdóttir rithöf-
undur um þátttöku sína í verkefninu „Rýmin
& skáldin“ á Listahátíð í Reykjavík. Í þessu
samstarfsverkefni Listahátíðar, Útvarpsleik-
hússins og Borgarbókasafnsins var sex leik-
skáldum boðið að skrifa ný leikverk sem
verða flutt í tvígang hvert í útibúum bóka-
safnsins meðan á Listahátíð stendur. Verkin
verða síðan þróuð áfram og hljóðrituð á veg-
um Útvarpsleikhússins, og útvarpað næsta
vetur. Fyrsta verkið verður flutt í Aðalsafn-
inu við Tryggvagötu á þriðjudagskvöldið,
Lán til góðverka eftir Auði Övu. Hin verkin
eru Rökrásin eftir Ingibjörgu Magnadóttir, í
leikstjórn Hörpu Arnardóttur; Páfuglar
heimskautanna eftir Ragnheiði Hörpu Leifs-
dóttur, í leikstjórn Mörtu Nordal; Gestabók-
in eftir Braga Ólafsson, í leikstjórn Stefáns
Jónssonar; Slysagildran eftir Steinunni Sig-
urðardóttur, Hlín Agnarsdóttir leikstýrir;
Blinda konan og þjónninn eftir Sigurð Páls-
son, leikstjóri Kristín Jóhannesdóttir.
Bókasöfnin menningarhlið
Viðar Eggertsson Útvarpsleikhússtjóri segir
rætur þessa áhugaverða samstarfsverkefnis
liggja í því þegar fyrrverandi listrænn
stjórnandi Listahátíðar, Hrefna Haralds-
dóttir, óskaði eftir samstarfi við leikhúsið.
Það leiddi til flutnings fjögurra nýrra út-
varpsleikrita sem voru leiklesin á Listahátíð
í fyrra og unnin áfram fyrir útvarp.
„Þetta þótti takast mjög vel og Hanna
Styrmisdóttir, nýr listrænn stjórnandi hátíð-
arinnar, vildi halda áfram með verkefnið, í
samvinnu við Borgarbókasafnið,“ segir Viðar.
Borgarbókasöfnin í Reykjavík eru sex tals-
ins og var ákveðið að bjóða sex leikskáldum
að semja jafn mörg verk, eitt fyrir hvert
safn. „Bókasöfnin eru í sex hverfum og eru
einskonar menningarmiðstöðvar; menning-
arhlið inn í hverfin,“ segir hann.
„Þetta eru verk í vinnslu og þegar skáldin
hafa opnað gestum sýn inn í smiðjur sínar á
Listahátíð, þá gefst þeim og leikstjórunum
tækifæri til að þróa verkin áfram og fara
með þau inn í leiklistarhljóðver Ríkisútvarps-
ins. Verkin verða síðan frumflutt í Útvarps-
leikhúsinu næsta vetur.“
Viðar segir að leitað hafi verið til karla og
kvenna af mismunandi kynslóðum og með
ólíka reynslu. „Þau Steinunn Sigurðardóttir
og Sigurður Pálsson hafa mestu reynsluna
sem skáld en þau hafa bæði skrifað leikrit
fyrir útvarp. Síðan má segja að af millikyn-
slóðinni séu Auður Ava Ólafsdóttir, sem er
að skrifa sitt fyrsta útvarpsleikrit en hefur
skrifað leikrit fyrir svið, og Bragi Ólafsson
sem er reyndastur í skrifum fyrir útvarp af
þeim öllum. Hann hefir líka skrifað fyrir
svið. Loks eru tvær ungar konur, Ingibjörg
Magnadóttir og Ragnheiður Harpa Leifs-
dóttir sem hafa báðar á síðustu árum aflað
sér víðtækrar reynslu af leikhúsi og skrifum.
Þær hafa báðar sýnt áhuga á því að vinna
fyrir útvarp,“ segir Viðar.
Allir voru til
Leikskáldunum eru settar þær skorður að
verkin eiga að vera um 50 mínútur á lengd,
með tveimur til fimm leikurum. „Það var af-
ar ánægjulegt hvað leikskáldin tóku því öll
vel þegar ég hafði samband og pantaði verk
hjá þeim. Þau voru öll til,“ segir Viðar.
Steinunn Sigurðardóttir segir verk sitt,
Slysagildruna, hafa verið í uppsiglingu þegar
hún fékk þessa skemmtilegu pöntun og „það
lá beint við að segja já. Þegar ég fékk svo
þær viðbótar-súperfréttir að Steinunn Ólína
væri til í að taka að sér hlutverk, þá ætlaði
ég að venda kvæði mínu og semja einleik
fyrir hana. En niðurstaðan núna varð Slysa-
gildran. Ég held að hlutverkið hennar Stein-
unnar kalli á sérstaka hæfileika, svo hún er
algjör happafengur fyrir verkið.“ Sveinn
Ólafur Gunnarsson leikur einnig í verkinu.
Auður Ava segist hafa skrifað sitt verk,
Lán til góðverka, afar hratt. Í því eru þrjár
persónur, leiknar af Ilmi Kristjánsdóttur,
Sveini Ólafi og Víkingi Kristjánssyni.
Kveikjan var einskonar útúrsnúningur á lán-
um sem banki bauð hér eftir hrun undir yf-
irskriftinni „lán til góðra verka“, líklega til
að bæta ímyndina eftir að íslenskt samfélag
fór út af sporinu í græðgi og sjálfsupphafn-
ingu.
Gjörólíkir heimar
Þetta er í fyrsta skipti sem Auður skrifar
fyrir útvarp og hún segist hafa nálgast það
„eins og Þorvaldur Þorsteinsson orðaði það:
gerði fyrst hlutinn og spurði síðan hvort ég
mætti það. Okkur leikskáldunum var boðið
upp í útvarpshús að hlusta á upptökur af
evrópskum útvarpsleikritum héðan og þaðan
og kynnast möguleikum miðilsins. Vanda-
málið með mig var bara að ég skrifaði verk-
ið svo hratt að ég var þá búin með það,“
segir Auður brosandi og bætir við að sig
langi til að skrifa fleiri útvarpsleikrit. Þá
mun hún eiga verk á fjölum Þjóðleikhússins
á næsta leikári. „Leikritaformið hentar mér
ágætlega. Þetta er erfitt en allt annað en að
skrifa skáldsögur; mér finnst ákveðin hvíld í
því að skrifa leikrit.“
Steinnun Sigurðardóttir hefur hins vegar
SEX NÝ LEIKVERK VERÐA FLUTT Í ÚTIBÚUM BORGARBÓKASAFNSINS Á LISTAHÁTÍÐ
„Að sumu leyti er leikritið
viðsjárverðasta formið“
SEX ÓLÍKUM SKÁLDUM VAR BOÐIÐ AÐ SKRIFA LEIKVERK SEM VERÐA FLUTT Í BÓKASÖFNUM Á LISTAHÁTÍÐ OG
SÍÐAN UNNIN ÁFRAM FYRIR ÚTVARPSLEIKHÚSIÐ. SKÁLDIN SEGJA ÞETTA HAFA VERIÐ ÁNÆGJULEGT VERKEFNI.
Einar Falur Ingólfsson efi@mbl.is