Morgunblaðið - Sunnudagur - 19.05.2013, Blaðsíða 49
19.5. 2013 MORGUNBLAÐIÐ SUNNUDAGUR 49
Vinur við veginn
ALLIR S
EM KAU
PA
GRILL H
JÁ OLÍS
FÁ
AFSLÁT
T AF
INNIHA
LDI Á G
ASI
25%
Char-Broil Tru-Infrared grill
2 brennarar
79.900 kr.
13.317 kr. léttgr. í 6 mánuði
hugsaði ég með mér, og bað um tíma fyrst
á morgnana svo ég kæmist á réttum tíma í
vinnuna. Þetta hafði svo sem ekki mikil
áhrif á mig en eftir tuttugu geislanir var
ég spurður hvort ég vildi ekki gera hlé á
meðferðinni til að hvíla mig. Ég hélt nú
ekki, illu væri best aflokið. Eftir tíu geisla í
viðbót var meðferðin búin og meinið á bak
og burt. Ég hef verið hraustur síðan. Það
eru bara nokkrir dagar síðan ég var síðast
hjá lækninum mínum, Helga Sigurðssyni,
og hann staðfesti að allt liti vel út. Helgi
hefur hugsað frábærlega um mig.“
Blöðruhálskrabbamein er mjög algengt
hjá karlmönnum, sérstaklega eftir miðjan
aldur, og hvetur Ingvar alla karla sem náð
hafa fimmtugu að láta skoða sig. „Greinist
meinið snemma er gott að eiga við það, sé
það komið á seinni stig er það mun erf-
iðara.“
Láttu ekki svona, kona!
Ingvar kveðst aldrei hafa orðið óttasleginn
meðan hann glímdi við krabbameinið. „Mitt
eigið krabbamein truflaði mig aldrei. Konan
mín hafði miklu meiri áhyggjur af því en
ég. Ég sagði henni bara að láta ekki
svona.“
Hann brosir.
Ekki liggur fyrir greining á því hvort um
er að ræða stökkbreytta brjóstakrabba-
meinsgenið í fjölskyldu Ingvars sem Angel-
ina Jolie vakti athygli á í vikunni en honum
þykir það blasa við. Þessi tíðni brjósta-
krabbameins í einni og sömu fjölskyldunni
geti varla verið tilviljun. Ekki að undra að
dótturdóttir hans, Anna Kristrún Ein-
arsdóttir, dóttir Rebekku heitinnar, hafi
tekið ákvörðun um að láta fjarlægja bæði
brjóst sín, líkt og Jolie. „Það er skiljanleg
ákvörðun hjá henni. Hún ætlar ekki að
brenna sig,“ segir Ingvar en fjallað var um
það mál í fréttum Stöðvar 2 í vikunni.
Ingvar á eina eftirlifandi dóttur og tvo
syni á aldrinum 46 til 59 ára. Ekkert þeirra
hefur kennt sér meins.
Steinunn, eiginkona Ingvars, er á hinn
bóginn undir læknishendi nú vegna frumu-
breytinga og hefur krabbamein ekki verið
útilokað í því sambandi. Hún er á leið í
frekari rannsóknir. Frumubreytingarnar eru
ekki í brjósti.
Æð sprakk í náranum
Fleira en krabbamein hefur herjað á Ingv-
ar. Fáeinum árum áður en hann greindist
með það sprakk æð í náranum á honum
með þeim afleiðingum að nárinn bólgnaði
allur upp. Ingvari leist ekki á blikuna og
hringdi á sjúkrabíl. Með bílnum kom læknir
sem gaf þegar í stað fyrirmæli um að gera
allt klárt á spítalanum fyrir bráðaaðgerð.
„Aðgerðin heppnaðist vel og læknarnir
björguðu lífi mínu. Ég var í mun meiri lífs-
hættu þarna en þegar ég fékk krabbamein-
ið,“ segir hann.
Eftir sína reynslu ber Ingvar spítölum
þessa lands vel söguna. „Að leggjast inn á
spítala á Íslandi er eins og að leggjast inn
hjá bestu vinum eða ættingjum. Það er allt
fyrir mann gert og starfsfólkið í hæsta
gæðaflokki. Það er einn og einn maður, að-
allega innan spítalanna sjálfra, sem talar
þessa þjónustu niður og vekur ótta með
fólki úti í samfélaginu. Þeir ættu að
skammast sín! Hér er allt gert til að
hlynna að sjúkum. Stundum dugar það bara
ekki til.“
Ingvar Þorsteinsson ásamt eiginkonu sinni, Steinunni Guðrúnu Geirsdóttur, sem kölluð er Lillý. Hún lést úr krabbameini árið 1963.
Ásta Ingvarsdóttir, þá
helsjúk, ritaði minning-
argrein um Rebekku
systur sína, ásamt eig-
inmanni sínum, Brynj-
ólfi Eyvindssyni, í Morg-
unblaðið 21. febrúar
2008. Þar sagði meðal
annars:
„Látin er langt um
aldur fram Rebekka Ingvarsdóttir, systir
og mágkona. Kletturinn í fjölskyldunni er
horfinn og eftir stendur tómarúm og
syrgjandi ættingjar. Rebekka var búin að
berjast við illvígan sjúkdóm undanfarin
rúm þrjú ár, en baráttuna háði hún skipu-
lega og af festu. Það voru einmitt einkenni
Rebekku. Hún var mjög skipulögð kona,
hvort sem um var að ræða vinnuna, sem
fylgdi henni hvert sem hún fór, málefni
fjölskyldunnar eða tómstundir. Aðrir geta
vottað um starfshæfni Rebekku, en við
getum staðfest að þeir sem leituðu til
hennar varðandi ráð eða hjálp fengu alltaf
góðar móttökur og úrlausn sinna mála.“
Þegar Ásta var jarð-
sungin, 25. mars 2008,
minntist mágur hennar
og eiginmaður Rebekku
heitinnar, Einar Ágúst
Kristinsson, hennar í
Morgunblaðinu. Þar
segir meðal annars:
„Alltaf þegar ég
spurði Ástu hvernig hún
hefði það var svar hennar að hún hefði
það fínt og svo brosti hún út að eyrum.
Þegar þær Rebekka lágu saman uppi á
Landspítala sagði Rebekka við mig: „Ég
skil ekki í henni Ástu, hérna er hún fár-
veik og liggur bara og prjónar!“ En þetta
einmitt lýsir henni Ástu best, þessari
dásamlegu manneskju sem ég kveð hér
og bið að skila kveðju frá mér og börn-
unum til systur sinnar.
Binni minn, þú hefur misst góða konu
og Auður, Inga Lilly og Bjarni elskulega
móður. Missir tengdaforeldra minna,
Ingvars og Lillýjar, er mikill en að missa
tvær dætur með mánaðar millibili er
meira en leggjandi er á eldri hjón, en
Ásta og Rebekka skilja eftir sig dásamleg
börn sem munu hugsa vel um ömmu sína
og afa.“
Sagðist alltaf
hafa það fínt
Ásta
Ingvarsdóttir
Kletturinn
í fjölskyldunni
Rebekka
Ingvarsdóttir
* „Mitt eigið krabba-mein truflaði migaldrei. Konan mín hafði
miklu meiri áhyggjur af
því en ég. Ég sagði henni
bara að láta ekki svona.“