Fréttir - Eyjafréttir - 06.05.1999, Qupperneq 6

6
ErÉTTIR
Fimmtudagur 6. maíl 1999
Vorlistahátíð Landakirkju:
Nammi fyrir
augu og eyru
Þorgerður Sigurðardóttir við eitt verka sinna
Vorlistahátíð var lialdin í safnað-
arheimili Landakirkju síðastliðinn
sunnudag. Var þar mikið um dýrð-
ir í söng og sjónlist. Barnakór
Flúðaskóla sótti Eyjar heim og söng
undir stjórn Edit Molnár við messu
í Landakirkju. Mjög góð mæting
var á hátíðina og Vestmanna-
eyingum til mikils sóma
Að lokinni messu sungu Litlu
lærisveinarnir í safnaðarheimilinu
ásmt Barnakór Flúðaskóla, auk þess
léku nemendur úr Tónlistarskóla
Árnesinga á hljóðfæri. Með Litlu
lærisveinunum lék hljómsveit skipuð
Arnóri Hermannsyni á gítar, Brynjólfi
Snorrasyni á trommur og Högna
Hilmissyni á bassa. Einsöng með
Litlu Iærisveinunum söng Sigríður
Helga Ástþórsdóttir, sem söng svo
eftirminnilega í Söngvakeppni fram-
haldskólanna sem fulltrúi FIV á dög-
unum.
Einnig var opnuð myndlistarsýning
Þorgerðar Sigurðardóttur myndlistar-
manns á grafíkverkum sem hún
byggir á íslensku refilsaumklæði frá
miðöldum. Klæðið, sem er altaris-
klæði, lýsir atvikum úr ævi dýr-
lingsins Marteins frá Tours. Atvikin á
klæðinu og grafíkverkum Þorgerðar
eru í sömu röð og í Marteins sögu
biskups, sem til er í nokkrum gerðum
á íslensku frá miðöldum.
Þorgerður heldur sig við þann
myndstíl sem er á klæðinu og hring-
formi sem hver mynd er teiknuð inn í,
þó setur hún myndirnar einnig í
ferhymingsform í nokkrum mynd-
anna. Þannig má segja að myndir
Þorgerðar séu endurgerðar myndir
klæðisins, að undanskilinni þeirri
tækni sem hún beitir, litavali og
uppröðun á einstökum myndum.
Sögumar er svo brotnar upp af ýmiss
konar flúri og rósum, jafnvel tónlistar-
táknum (nótum) eftir því sem best
varð séð.
f samhengi nútíma listsköpunar er
Þorgerður á gjörólíku plani, en því
sem einkennt hefur myndlist hennar
kynslóðar, sérstaklega í ljósi þeirrar
hefðar að segja sögu í mynd sem
koma á ákveðnum boðskap til skila,
undantekningar eru þó teikni-
myndasögur, sem eiga sér þó stutta tíð
í íslenskri myndlist og raunsæi sem
tók á bágbornum kjörum verkalýðs,
eða myndefni sótt í íslenskt bænda-
samfélag fyrr á öldinni. Er þó ólíku
saman að jafna, þar sem myndlýsingar
miðalda em kannski fyrst og fremst
upphafningarboðskapur, fram settur í
átrúnaðarskyni og ekki síður til upp-
lýsingar þeim sem til kirkju mæta.
Myndir vom oft á tíðum eini
möguleikinn til upplýsingar á efni
kristinnar kenningar, jjar sem lestrar-
kunnátta var ekki almenn og myndir
nærtækari til þess að segja frá helgum
mönnum og hinum kristilega boðskap
og sveipa um leið nokkmm dýrðar-
ljóma. Trúarleg list var þess vegna
nokkurs konar vídeóskjár þess tíma,
til að ná fram áhrifum trúarlegrar
upphafningar, ef svo mætti segja.
Hver er þá tilgangurinn með þessum
endurgerðum Þorgerðar? Kannski í
fyrsta lagi að koma þessum menn-
ingararfi heim á ný sem hefur verið
margt lengi í Louvre-safninu í París. í
annan stað kann það að helgast af því
að virkja til nýrra vega hinn kaþólska
sið, sem myndirnar er upphaflega
sprottnar úr. Allt er þetta góðra gjalda
vert, því hverjum manni er holt að
huga að sinni fortíð. I þriðja lagi er
það miðillinn sjálfur, grafíkin og
hugsanlega könnun listamannsins á
þeirri ólíku aðferð sem felst í
refilssaumnum og svo hinu harða efni,
trénu sem hún ristir myndir sínar í.
Að því leyti eru myndimar stífar og
fastar innan þeirra ramma sem
afmarka heim þeirra og fer þar saman
munur hins trúarlega (mjúka) inntaks
refilsaumsins og hins kirkjulega sem
er kannski ytri birtingarmyndin sem
Þorgerður leggur upp með. Þannig
em þessar myndir frekar nammi fyrir
augað, þó misjafnlega mikið, frekar
en að þær séu guðlegt nammi, fullt
með innlifun.
Það er mikill fengur að þessari
sýningu og ber að þakka séra Kristjáni
Bjömssyni fyrir framtakið. Vonandi
verður framhald á slíkum fram-
kvæmdum á vegum Landakirkju, því
aldrei er of mikið af list, hvort heldur
í tónum, tali eða myndum. Sýningin
mun standa fram í júní og er opin frá
09.00 - 17.00, eða á opnunartíma
safnaðarheimilisins. Vestmannaey-
ingar eru því hvattir til þess að skoða
þessa atyhyglisverðu sýningu.
Benedikt Gestsson
Kór Barnaskólans á Flúðum ásamt Litlum lærisveinum tóku lagið af mikilli innlifun
/
Þorsteinn Arnason:
Stefna okkar á
erindi til Eyja
Þorsteinn Árnason er 2. niaður á
lista Frjálslynda flokksins í Suður-
landskjördæmi sem býður nú í
fyrsta sinn fram til Alþingis.
Þorsteinn er Vestmannaeyingum
að góðu kunnur, því hann bjó í
Eyjum ásamt fjölskyldu sinni frá
1983 til 1995 og starfaði sem
sjómaður og við skipaskoðun
þangað til hann tók við fram-
kvæmdastjórn Fiskmarkaðs Vest-
mannaeyja.
„Eg hafði verið sem unglingur á
vertíðum hér 1968 og 1969, en er
Mýrdælingur að uppruna. Við
bjuggum á ísafirði áður en við
komum til Eyja og ég var þar til sjós
sem togaravélstjóri, en mér og konu,
minni Amdísi Gestsdóttur, leikskóla-
kennara, þótti samgöngur erfiðar og
of mikil innilokun á Isafirði svo við
fluttum Eyja. Við fómm svo í
Kópavoginn, þar til við fluttum á
Selfoss, þar sem ég starfa í Vélsmiðju
KÁ við viðgerðir og viðhald véla í
Búrfellsvirkjun. Ég hef alltaf litið á
Vestmannaeyjar sem mannlífsvænan
stað og í Eyjum áttum við mjög góð
ár og ólum upp okkar böm.“
Þorsteinn segir að afskipti hans af
stjómmálum hafi ekki verið nein þar
til hann tók sæti á lista Frjálslynda
flokksins. „Ég hafði reyndar starfað
að félagsmálum sem fulltrúi vélstjóra
í Farmanna- og fiskimannasamband-
inu. I því starfi kynntist ég kvóta-
kerfinu og hef verið andstæðingur
þess alla tíð. Nú þegar Sverrir flautaði
til leiks til stofnunar nýs stjóm-
málaafls til alléttingar ánauð kvóta-
kerfisins, lýsti ég stuðningi við málið
og endaði á lista eftir uppsti 11ingu.“
Hvenig meturðu stöðu Frjálslynda
flokksins í Suðurlandskjördæmi?
„Mér finnst meðbyr í kjördæminu
núna þessa síðustu daga. Ég er búinn
að fara nokkuð um sveitimar og
strandbyggðimar í Ámessýslu og mér
finnst við njóta meðbyrs, þó ekki
verði neitt í raun vitað fyrr en 8. maí.
Menn em hins vegar reiðubúnir til
þess að ræða málin. Hins vegar háir
það okkur hversu fjárvana við emm,
þannig að okkar barátta fer ekki fram
í gegnum auglýsingar í fjölmiðlum.
Okkar kynning byggist því á að sýna
sig og sjá aðra og að kjósendur sjái að
við stöndum fyrir eitlhvað."
Þorsteinn segir að atkvæði greitt
Frjálslynda flokknum sé ekki ónýtt
atkvæði. „Það er illa komið íyrir fólki
ef það lætur leiða sig til að trúa því.
Þetta er hræðsluáróður af verstu
tegund. Það er líka slæmt og ég sakna
þess að ekki skuli vera sameiginlegir
framboðsfundir flokkanna. Þetta
helgast held ég af því að stærri
flokkarnir óttast það að frambjóð-
endur þeirra tali af sér. Það verður allt
að vera slétt og fellt á yfirborðinu, þó
að undir niðri kraumi óánægja og
sundmng. Ég á von á því að fólk líti
raunsætt á málin og láti ekki glepjast
af fagurgala og gítarspili einstakra
manna.“
Þorsteinn segir og að Frjálslyndi
flokkurinn hafni einnig aðild að
Evrópusambandinu. „Að óbreyttu
höfnum við aðild að Evrópusam-
bandinu og persónulega hef ég þá trú
að aðild að Évrópusambandinu myndi
raska byggð í landinu og ég hef ekki
trú á því að hægt sé að halda byggð á
jaðarsvæðum með styrkjum."
Nú hefur vígi Sjálfstæðisflokksins
verið mjög sterkt í Eyjum er ekki
borin von að leita hér eftir atkvæðum?
„Nei, það held ég ekki, ef fólk sér í
gegnum hræðsluáróðurinn. Framsókn
á ekki mikið fylgi hér, og sjálf-
stæðismenn of mikið og það að
ósekju vegna þess að maður kemur
ekki auga á hvers vegna. En það er
líka sagt að þangað leiti klárinn þar
sem hann er kvaldastur og menn kyssi
á vöndinn. Þó ég sé ekki búsettur í
Eyjum tel ég mig vera heilmikinn
Eyjamann og ég tel að stefna okkar
eigi erindi til Eyja. Við erum með
kosningaskrifstofu að Eyrarvegi 25
Selfossi og síminn er 482-4008 og
faxið, 482-4007“
Ný heimasíða Eyverja
Eyverjar hafa opnað nýja og endurbætta heimasíðu. Þar er að finna
ýmislegt fróðlegt um sögu ungliðastarfs Eyverja í 70 ár, en félagið var
stofnað 20. desember 1929. Auk þess er ýmislegt um félagsstarfið á
næstunni. Þeir sem eru í kosningaham ættu að kynna sér síðuna, en slóðin
er: http://www.simnet.is/eyverjar