Fréttablaðið - 05.04.2014, Blaðsíða 104

5. apríl 2014 LAUGARDAGUR| SPORT | 68
visir.is
Meira um leiki
gærkvöldsins
Eigum til á lager hinar vinsælu Robland sambyggðu
vélar á góðum verðum.
Grunnverð 1.189.834 bjóðum 15% afslátt á vélum
og aukahlutum framm að páskum.
Fullt að flottum vörum á góðu verði fyrir iðnaðinn og handverkið.
Smiðshöfða 12 110 Reykjavík S: 586 8000
SPORT
KÖRFUBOLTI „Þetta verður ansi langt sum-
arfrí. Maður verður að finna sér eitthvað að
gera,“ segir Jakob Örn Sigurðarson, lands-
liðsmaður í körfubolta, í viðtali við Frétta-
blaðið en Jakob og félagar hans í sænska
úrvalsdeildarliðinu Sundsvall Dragons voru
sendir í sumarfrí á miðvikudagskvöldið.
Liðið tapaði þá í fjórða leik átta liða úrslita
deildarinnar gegn Uppsala Basket en ein-
vígið fór 3-1 fyrir Uppsala.
„Við enduðum tveimur stigum fyrir ofan
þá í deildinni en þeir voru mun betri en við í
þessari seríu. Þeir voru betri í öllum leikjun-
um. Við náðum eiginlega bara að stela einum
sigri. Í heildina eru þeir með betri mann-
skap og fleiri góða leikmenn,“ segir Jakob
Örn, sem tapaði með Sundsvall í þriðja
skiptið á fimm árum í átta liða úrslitum.
„Þetta gerist alltaf annað hvert ár. Fyrsta
árið töpuðum við í 8-liða, svo fórum við
í úrslit og unnum, eftir það töpuðum við í
8-liða, svo fórum við aftur í úrslit í fyrra
og nú þetta aftur. Ef við förum ekki alla
leið finnst okkur greinilega bara betra að
láta henda okkur út strax,“ segir Jakob Örn
kátur í bragði og hrærir í súpu sem hann er
að elda fyrir fjölskylduna.
Mjög erfitt fyrir áramót
Mikið gekk á hjá Drekunum á tímabilinu en
félagið er í miklum fjárhagsvandræðum.
Í lok október kom tilkynning frá sænska
körfuknattleikssambandinu þar sem sagt
var að Sundsvall fengi þrjá mánuði til að
koma fjármálum sínum í lag ellegar fengi
félagið ekki að taka þátt í deildinni næsta
vetur. Með liðinu leika tveir aðrir Íslending-
ar, Hlynur Bæringsson og Ægir Þór Stein-
arsson.
„Þetta er búið að vera bölvað strögl –
jafnt innan sem utan vallar. Kaninn fór
heim eftir fjóra leiki og við spiluðum þetta
bara á okkur Íslendingunum og Svíum.
Það var mikið af ungum strákum sem var
hent í djúpu laugina. Miðað við það getum
við verið sáttir við árangurinn í deildinni,“
segir Jakob Örn, en utan vallar áttu leik-
mennirnir eðlilega erfitt.
„Þetta var aðallega erfitt fyrir jól, svona
fyrst þegar þetta gerðist og í svona einn og
hálfan mánuð eftir það. Eftir jól komumst
við yfir þetta og byrjuðum að spila vel. Þá
voru menn hættir að spá í þetta en menn eru
samt alltaf að tala um þetta sín á milli. Það
var í gangi allt árið.“
Svikin loforð
Þrátt fyrir erfiðleika í fjármálum stóðu for-
svarsmenn Drekanna við sitt þegar kom að
útborgun í hverjum mánuði en það skiptir
fjölskyldumann eins og Jakob miklu máli.
„Þeir borguðu alltaf sitt og ég gerði auðvitað
mitt. Þegar maður er með fjölskyldu hugsar
maður fyrst um hana,“ segir hann.
Jakob er búinn að vera hjá Sundsvall í
fimm ár og hefur liðið vel enda lykilmað-
ur og algjör stjarna í deildinni. Samskipt-
in hafa verið góð á milli hans og yfirmanna
félagsins en breyting varð á þegar þeir
sögðu ekki alltaf satt og rétt frá í tengslum
við peningamál félagsins.
„Það var nú stundum ekkert komið hreint
og beint fram við mann. Það er svona það
sem maður er helst svekktur með. Það var
alltaf sagt að nú færi eitthvað að gerast eins
og með styrktaraðila en það gerðist ekk-
ert. Ég er búinn að vera hérna í fimm ár
og fannst ég verðskulda meiri hreinskilni.
Fyrstu árin hérna hafa verið fín en þetta
er svona fyrsta árið sem mér fannst maður
ekki vera að hugsa um alveg réttu hlutina.
Maður var að láta hluti sem ekki eiga að
hafa áhrif á mann gera það. Sérstaklega þar
sem maður er með fjölskyldu,“ segir Jakob
Örn.
Verður samt áfram
Þrátt fyrir samskiptabresti og erfiðleika
utan vallar ætlar Jakob
að vera áfram hjá
Sundsvall á næsta
tímabili hafi félagið
áhuga og tök á því
að halda honum.
„Ég er með samn-
ing út apríl núna og svo
út næsta tímabil. Í rauninni verð ég áfram
nema þeir geri ekki upp við mig. Ég er með
klausu í samningnum um að ef þeir standi
ekki við sitt innan ákveðins tíma geti ég
farið. Eins og er þá verð ég áfram hjá liðinu
– það er bara undir þeim komið hvað þeir
gera. Ef þeir standa sig þá verð ég áfram,“
segir Jakob, sem hefur annars ekki miklar
áhyggjur af því að finna sér nýtt lið í Sví-
þjóð enda árlega kjörinn einn af bestu leik-
mönnum deildarinnar.
„Maður kíkir ekkert í kringum sig þegar
maður er með samning í körfuboltanum.
Þetta er kannski aðeins öðruvísi en í öðrum
íþróttum. Ég er samt alveg rólegur og hef
engar áhyggjur af því ef ég þarf að finna
mér lið í Svíþjóð. Ég er held ég sé með alveg
nógu gott orðspor hérna í Svíþjóð og ætti að
geta fundið mér nýtt lið,“ segir Jakob Örn
Sigurðarson. tom@frettabladid.is
Komu ekki alltaf hreint fram við mig
Jakob Örn Sigurðarson lauk sínu fi mmta tímabili með Sundsvall Dragons í vikunni. Mikið hefur gengið á hjá Drekunum en liðið er í mikl-
um fj árhagsvandræðum og segir Jakob það hafa haft sín áhrif. Hann verður áfram hjá félaginu svo framarlega sem það stendur við sitt.
„Það var rosalega gaman að fylgjast með honum,“ segir Jakob Örn um bróður
sinn, Matthías Orra Sigurðarson, sem spilaði með ÍR í Dominos-deildinni í vetur og
stóð sig frábærlega á sínu fyrsta ári sem byrjunarliðsmaður í efstu deild.
Matthías Orri fékk stórt hlutverk í ÍR-liðinu sem leikstjórnandi en hann spilaði
ríflega 35 mínútur í leik og skoraði 16,8 stig að meðaltali auk þess sem hann var
7. stoðsendingahæstur í deildinni með 6,7 slíkar að meðaltali í leik.
„Ég er rosalega ánægður fyrir hans hönd. Hann var svolítið vonsvikinn í
byrjun að geta ekki spilað fyrir KR en hann má vera stoltur af tímabilinu
og ég held hann hafi komið mörgum á óvart. Mér finnst þetta mjög góð
frammistaða á fyrsta tímabili,“ segir Jakob Örn um hinn 19 ára gamla
bróður sinn.
ÍR-liðið spilaði einstaklega vel eftir áramót og var með fjórða
besta árangurinn í deildinni auk þess sem það fór alla leið í
bikarúrslitin þar sem það tapaði fyrir Grindavík.
„Hann fékk mikið traust og spilaði mikið fyrir áramót. Þetta
var svona upp og niður hjá honum fyrir jól en af því hann
fékk að spila mikið varð hann bara betri,“ segir Jakob Örn
Sigurðarson.
Rosalega ánægður fyrir hans hönd
ERFITT Jakob Örn
Sigurðarson er kominn í
sumarfrí eftir erfitt tíma-
bil utan vallar í Sundsvall.
FRÉTTABLAÐIÐ/VALLI
ÚRSLIT
VINÁTTULANDSLEIKUR
ÍSLAND - AUSTURRÍKI 37-34 (18-17)
Mörk Íslands (skot): Aron Pálmarsson 10 (11),
Guðjón Valur Sigurðsson 8/2 (10/2), Arnór Atlason
7 (7), Þórir Ólafsson 3 (5), Kári Kristján Kristjáns-
son 2 (2), Bjarki Már Gunnarsson 2 (3), Ásgeir
Örn Hallgrímsson 2 (5), Róbert Gunnarsson 1 (2),
Stefán Rafn Sigurmannsson 1 (2), Snorri Steinn
Guðjónsson 1 (3).
DOMINO‘S-DEILD KARLA
UNDANÚRSLIT, 1. LEIKUR
GRINDAVÍK - NJARÐVÍK 73-81 (41-34)
Grindavík: Ólafur Ólafsson 18/7 fráköst, Jóhann
Á. Ólafsson 16/6 fráköst, Ómar Ö. Sævarsson
14/14 fráköst, Sigurður G. Þorsteinsson 10/14
fráköst, Lewis Clinch Jr. 10/5 fráköst, Jón Axel
Guðmundsson 3, Hilmir Kristjánsson 2.
Njarðvík: Tracy Smith Jr. 19/18 fráköst, Elvar
Már Friðriksson 18/10 stoðsendingar, Hjörtur
H. Einarsson 16, Logi Gunnarsson 13/4 fráköst,
Ólafur H. Jónsson 7/5 fráköst, Ágúst Orrason 6.
FÓTBOLTI Íslenska kvennalands-
liðið komst klakklaust á leiðar-
enda eftir langt ferðalag til Ísra-
els í vikunni en stelpurnar mæta
Ísraelum í undankeppni HM 2015
klukkan 17.30 í dag. Þetta er þriðji
leikur Íslands í undankeppninni og
getur liðið skotist upp í annað sæti
riðilsins með sigri.
„Leikmenn hafa verið að ná úr
sér mestu ferðaþreytunni en nú
eru allir frískir fyrir leikinn,“
sagði Freyr í samtali við Frétta-
blaðið í gær.
„Það hefur komið á óvart hversu
góðar aðstæðurnar eru. Við æfðum
á velli í morgun sem er líklega sá
besti sem ég hef stigið fæti á og
þá er vel hugsað um okkur að öllu
leyti,“ bætti hann við.
Ísland er talsvert hærra skrifað
en lið Ísraels en Freyr varar við
vanmati. „Við göngum í þetta verk-
efni með það fyrir augum að vinna
þennan leik. Það verður ekki auð-
velt enda liðið með sex stig í riðl-
inum og hefur ýmislegt fram að
færa,“ segir Freyr. „Við þurfum
að nálgast leikinn með virðingu
fyrir andstæðingnum. En ég trúi
því að ef við höldum einbeitingu
allan leikinn og höfum trú á okkar
eigin getu þá munum við klára
þetta verkefni.“
Stelpurnar mæta næst Möltu
ytra á fimmtudaginn. - esá
Við ætlum að vinna
Ísland mætir Ísrael ytra í undankeppni HM 2015.
GOTT Í ÍSRAEL Það fer vel um lands-
liðið í hitanum í Ísrael. FRÉTTABLAÐIÐ/VALLI
KÖRFUBOLTI Njarðvík komst í 1-0 forystu í einvíginu gegn Grinda-
vík í undanúrslitum Dominos-deildar karla í körfubolta í gærkvöldi
með sigri á Íslands- og bikarmeisturunum í Röstinni, 81-73.
Grindavík var mest 13 stigum yfir, 53-40, í þriðja leikhluta
en Njarðvíkingar unnu upp muninn og komust yfir um miðjan
síðasta fjórðunginn, 62-65. Þeir litu ekki um öxl eftir það og
lönduðu sætum útisigri.
Tracy Smith Jr. virðist vera að vakna undir körfunni
hjá Njarðvík en hann bauð upp á tröllatvennu með
19 stigum og 18 fráköstum en Ólafur Ólafsson var
stigahæstur heimamanna með 18 stig auk þess sem
hann tók 7 fráköst.
„Þetta er bara einn áfangi. Við ætlum ekki að tapa okkur.
Það er virkilega sterkt að koma hingað og ná í þennan sigur
en ef við ætlum að láta þetta telja þá verðum við að spila vel á
mánudaginn,“ sagði Einar Árni, þjálfari Njarðvíkur. - tom
Húnarnir tóku forystuna
HANDBOLTI Strákarnir okkar í íslenska landsliðinu í handbolta unnu
þriggja marka sigur á Patreki Jóhannessyni og lærisveinum hans
frá Austurríki, 37-34, í vináttulandsleik sem fram fór á Ásvöllum í
Hafnarfirði í gærkvöld.
Eins og lokatölurnar gefa til kynna var mikið skorað og lítið um
varnir og þ.a.l. lítið um markvörslu. Einbeitingarleysi gerði sér
viðvart hjá báðum liðum og var stór hluti markanna skoraður úr
hraðaupphlaupum.
Ísland var marki yfir í hálfleik, 18-17, en byrjaði svo vel í síðari hálf-
leik og náði fimm marka forskoti, 24-19. Austurríkismenn svöruðu
því með fjórum mörkum í röð og þurfti Aron Kristjánsson að taka
leikhlé. Forskotið var þó alltaf Íslendinga.
Aron Pálmarsson var frábær í leiknum en hann skoraði 10 mörk
úr 11 skotum. Guðjón Valur Sigurðsson skoraði 8 mörk og Arnór
Atlason skoraði 7 mörk úr 7 skotum. Fullkomin skotnýting.
Liðin mætast öðru sinni í íþróttahúsinu í Ólafsvík á morgun. - tom
Austurríkismenn lagðir að Ásvöllum
FRÁBÆR Aron Pálmarsson skoraði 10 mörk í 11
skotum. FRÉTTABLAÐIÐ/STEFÁN