Þjóðlíf - 01.12.1988, Blaðsíða 57
MENNING
Með aðalhlutverk fer hinn bráðfyndni Bill
Murray en leikstjórinn er Richard Donner
(The Omen. Superman, Lethal Weapon).
Hin myndin er hin frábæra kynlífskarakter-
kómedía ..Bull Durham“. Sú mynd skartar
hjartaknúsaranum Kevin Costner (The Un-
touchables, No Way Out) og hjartaknúsunni
Susan Sarandon (The Witches of Eastwick).
Leikstjóri og handritshöfundur er Ron Shel-
ton.
Nirfilinn
„Nirfillinn“ er aðaltrompið hjá Para-
niount unt þessi jól, en myndin ku sækja
aðalþema í „Jólasögu“ e. Charles Dickens.
í myndinni leikur Bill Murray (Ghost-
busters) forseta IBC sjónvarpsstöðvarinnar,
en þann mann langar til að bjarga heiminum
frá því sem honum finnst að verði bara enn
önnur leiðinleg jól. En hann fær sína lexíu.
eins og Ebenezer Scrooge hjá Dickens, því
allt í einu upphefst mikill draugagangur allt í
kringum hann.
Aðrir leikarar í „Scrooged" eru Karen
Allen (Raiders of the Lost Ark), John For-
sythe, John Glover, Bob Golthwait (Police
Academy II, III), Robert Mitchum (Soap),
og fleiri.
Eins og áður segir er leikstjóri Richard
Donner, en hann á að baki ansi litríkan feril í
kvikmyndagerð allt frá hryllingsmyndum
(The Omen) og gamanmyndum (The Toy),
til ævintýramynda (Ladyhawke) og þrillera
(Lethal Weapon). Hann segir um Bill Murr-
ay: „Murray leikur nútíma Scrooge, ein-
hvern sem tekur ekkert alvarlega nema pen-
inga og velgengni, þangað til fortíðin vitjar
hans. Frank (Murray) sér jólin sem mögu-
leika til að græða enn meiri peninga. Hlut-
verkið er algjörlega skrifað með Bill Murray
í huga.“
Framleiðandi er Art Linson (The Un-
touchables) og handritshöfundar eru þeir
Mitchell Glazer og Michael O’Donoghue en
þeir eru þekktir fyrir að hafa skrifað þætti í
„Saturday Night Live“.
Ef ég þekki Bill Murray rétt, þá eigum við
von á góðri skemmtun í Háskólabíó.
Trúin á sálina, viskýið og
langan forleik
„Ég trúi á sálina, nijúkt kvenmannsbak, gott
viský, langan forleik, og langa, hæga, djúpa,
nijúka blauta kossa sem endast í þrjá daga.“
Par höfum við það. Lífsviðhorf einnar að-
alsöguhetjunnar í kvikmyndinni „Bull Dur-
ham“, sem leikinn er af Kevin Costner í sínu
lang besta hlutverki til þessa.
Sögusviðið er smábærinn Durham í einu af
suðurríkjum Bandaríkjanna. Crash Davis
(Costner) kemur í bæinn til að þjálfa/leika í
hornaboltaliði bæjarins (The Durham
Bulls), en lið þetta er eitt af minni liðunum í
Bill Murrey í Nirflinum ásamt með kvendraug sem þar kemur við sögu.
Glasnost í heimi kvikmyndanna, Bandarikjamenn og Sovétmenn berjast gegn sam-
eiginlegum óvini.
bandaríska hornaboltanum, skipað áhuga-
mönnum sem hafa sér það helst til skemmt-
unar að drekka fram á nætur í bæjarkránni.
En svo er það hún Annie Savoy (Susan Sar-
andon), sem dýrkar hornabolta. A hverju
vori velur hún einn af spilurunum, til að
kenna honum allt um lífið, ástina og uppá-
haldsskáldin sín (Walt Whitman og Emily
Dickinson). „Strákar hlusta á hvað sem er,“
segir hún „svo lengi sem þeir halda að það sé
forleikur."
Þetta vor hefur hún aðallega tvo í huga,
Crash Davis hinn veraldarvana, og Ebby
Calvin Laloosh. frábær kastari með greind-
arvísitölu á við tóma kókflösku. Laloosh er
leikinn frábærlega af Tim Robbins.
Laloosh verður fyrir valinu og Annie hef-
ur þjálfunina, en þar stangast hún á við þá
þjálfun sem Crash vill gefa drengnum.
Crash veit að þetta er síðasta ár hans sem
spilara og hann vill koma drengnum áfram til
„þeirra stóru“ og snúa síðan aftur sem þjálf-
ari. Annie finnur að hún eldist og veit að
þetta er líklega síðasti drengurinn sem hún
mun hafa í „þjálfun" og því skapast spenna
milli hennar og Crash sem endar....
Bull Durham er glettilega vel skrifuð,
fyndin, raunsæ, skemmtileg. Handritið er
eitt það besta sem komið hefur frá banda-
rískum handritshöfundi um þó nokkurt
skeið. Mannlýsingar, samtöl, persónur, allt
er þetta vel skapað og rennur fullkomlega
57