Frjáls verslun - 01.05.2010, Side 102

102 F R J Á L S V E R S L U N • 5 . T B L . 2 0 1 0
„Helsta verkefni mitt er að sjá um innri endurskoðunarverkefni
sem KPMG hefur gert samninga um,“ segir Helga Harðardóttir
endurskoðandi og einn eigenda KPMG. „Fjármálafyrirtæki og
lífeyrissjóðir eru skyldug til að hafa endurskoðanda innan sinna
vébanda, en umrædd félög hafa heimild til að úthýsa þeirri starf-
semi að uppfylltum ákveðnum skilyrðum. Mörg smærri félög
hafa séð sér hag í því að ráða utanaðkomandi aðila til að sinna
verk efnum sem tengjast innri endurskoðun. Í mörgum löndum er
hreinlega ætlast til að eftirlitsskyld félög ráði utanaðkomandi aðila
sem innri endurskoðanda ef starfsmenn eru færri en 120. Það gefur
augaleið að erfitt er að halda óhæði sínu í 30 manna fyrirtæki, en
það er mikilvægur þáttur í starfi innri endur skoð anda.“
Skemmtilegar umræður
„Undanfarna mánuði hefur mikið verið fjallað um annars vegar
ábyrgð endurskoðenda og hins vegar ábyrgð stjórnenda. Stjórn-
endur bera ábyrgð á virku innra eftirliti og reikningsskilum. Ég
hef orðið vör við breytingu í þá átt að stjórnendur vilja vita meira
um hvað felst í innra eftirliti og hver ábyrgð þeirra er. Stjórnendur
fjár málafyrirtækja hafa sýnt aukinn áhuga á góðum stjórnarháttum
og vitneskju um hvað í þeim felst. Fjármálaeftirlitið gerir nú þá
kröfu að stjórnarmenn fjármálafyrirtækja fari í sérstakt hæfispróf
sem ég tel að muni auka þekkingu margra stjórnarmanna á þess um
málum. Endurskoðunarnefndir félaga hafa víða verið stofnaðar og
hafa þeir sem í þeim sitja meiri áhuga á þessum málum. Oft er auð-
veldara að ná dýpri umræðu um endurskoðun og málefni tengd
reikningsskilum í endurskoðunarnefndum þar sem færri aðilar sitja
en í stjórn. Þær umræður geta verið virkilega skemmtilegar.“
Ákveðnar aðgerðir skoðaðar
„Meðal verkefna minna eru sérstakar úttektir á aðgerðum núver andi og
fyrrverandi stjórnenda. Nýir eigendur – og jafnvel stjórn endur – vilja fá
staðfestingu á að ekkert óeðlilegt hafi verið í gangi síðustu mánuði og
hafa því fengið okkur til að skoða ákveðnar aðgerðir stjórnenda, jafnvel
tvö ár aftur í tímann. Slíkar skýrslur hafa oft hreinsað andrúmsloftið og
eytt tortryggni,“ segir Helga að lokum.
„Fjármálafyrirtæki og lífeyrissjóðir eru skyldug
til að hafa endurskoðanda innan sinna vébanda,
en umrædd félög hafa heimild til að úthýsa
þeirri starfsemi að uppfylltum ákveðnum
skilyrðum.“
MIKILVÆGI
INNRA EFTIRLITS
KPMG