Frjáls verslun - 01.03.2007, Page 24

24 F R J Á L S V E R S L U N • 3 . T B L . 2 0 0 7
FORSÍÐUGREIN • ROBERT TCHENGUIZ
stjórnendanna eru einstakir, þeir eru ungir, gæddir ríkri fyrirhyggju
og mjög snöggir að bregðast við.
„En hvernig er það?“ spyr Tchenguiz. „Heldurðu að Íslendingar
geri sér almennt grein fyrir hvað þeir eiga hæfileikaríka viðskipta-
menn? Ég efast um það. Það er með ólíkindum hvað þessi fyrirtæki
hafa afrekað erlendis, hvað þau hafa verið fljót að ná fótfestu hér og
vaxa hraðar en fyrirtækin sem fyrir eru.“
En er Tchenguiz að skoða önnur íslensk viðskiptatækifæri? „Best
að hafa sem fæst orð um það!“ segir hann sposkur og bætir við að
hann hafi hingað til ekki kynnt sér önnur íslensk fyrirtæki en þau
sem starfa í London og hann hefur aldrei komið til Íslands. „Ef ég
fjárfesti í öðrum íslenskum fyrirtækjum verður það vafalaust líka í
samvinnu við Kaupþing – ég hef ekki tapað á viðskiptunum við þá
hingað til!“
Exista er gott fyrirtæki
Um stjórnarsetuna í Existu og áhuga sinn á því fyrirtæki segir
Tchenguiz að ástæðan sé einföld. „Exista er einfaldlega frábært fyr-
irtæki! Árangur bræðranna Lýðs og Ágústs er einstakur. Exista er það
tryggingafyrirtæki í heimi sem vex hraðast og þeir hafa alla burði
til að byggja það upp í mammútastærð. Bræðurnir eru ungir, ein-
staklega skarpir í viðskiptum og starfa á mjög markvissan hátt. Ég
vona sannarlega að ég eigi eftir að starfa með þeim að frekari upp-
byggingu Existu.“
Tchenguiz hafði sjálfur komið að fjárfestingum í trygginga-
fyrirtækjum, keypti í fyrra hlut í finnska fyrirtækinu Sampo sem
hann seldi Existu nýlega með hagnaði upp á 300 milljónir evra
að sögn finnska blaðsins Helsingin Sanomat. Hann staðfestir ekki
hagnaðartölurnar, segir skellihlæjandi að hann hefði betur haldið
hlutnum lengur því bréfin hafi hækkað síðan en hafnar að þessi
sala hafi verið hluti af þeirri fléttu sem leiddi til að hann settist í
stjórn Existu.
„Mér var boðin stjórnarseta eftir að þessi sala á Sampo-bréfunum
var gengin í gegn. Ég hef haft áhuga á Existu frá því ég heyrði fyrst
af fyrirtækinu þó ég haldi mig venjulega frá skráðum fyrirtækjum.
Hér geri ég þó undantekningu því það er gott tækifæri fyrir mig að
eiga hlut í Existu og mér er heiður að taka sæti í stjórninni. Þarna
er gott mannval og það er bæði áskorun og menntun fyrir mig að
vera í þessum hópi. Það frábæra er að ég læri jafnmikið af þeim og
ég get miðlað.“
En hver er þá styrkur Existu að mati Tchenguiz? Hann bendir á
að tryggingastarfsemi Existu sé í sjálfu sér hefðbundin. „Hið snjalla
er hins vegar hvernig þeir fjárfesta. Arðsemi fjárfestinga þeirra er
ekkert síðri en hjá Warren Buffet nema bara að Buffet hefur verið
að í áratugi en Exista aðeins í nokkur ár. Arðsemin er einfaldlega
einstök – þeim tekst einhvern veginn alltaf að finna það rétta til að
fjárfesta í.“
Tchenguiz er ekki í vafa um hver sé undirstaðan undir velgengni
Existu, svarar hikstalaust að skýringin sé sérþekking á þeim sviðum
sem er fjárfest í. „Þeir hafa rekstrarþekkingu á símageiranum, mat-
vælaiðnaði og tryggingum, þekkja þessi svið út og inn, vita hvað er
Fréttir af Tchenguiz í íslenskum fjölmiðlum
ÚR MORGUNBLAÐINU 14. APRÍL 2007
Tchenguiz kominn með rúm 5% í Exista
NÝIR hlutir í Exista að nafnverði um 522 milljónir hafa verið
skráðir á aðallista kauphallar OMX á Íslandi. Þá var tilkynnt
um viðskipti með hluti í Exista vegna kaupa félagsins á hlutum
í finnska fjármálarisanum Sampo. Samkvæmt þeim samningi
hefur félagið Glenalla Properties Ltd. eignast 5,09% hlut í
Exista en það er á vegum auðkýfingsins Roberts Tchenguiz,
sem nýverið tók sæti í stjórn Exista. Félagið er skráð á Bresku
jómfrúareyjunum. Það er sagt í meirihlutaeigu Investic Trust
á Guernsey, fyrir hönd Tchenguiz Family Trust og er Robert
Tchenguiz einn af rétthöfum sjóðsins. Markaðsvirði hlutar
Tchenguiz og félaga í Exista er um 14 milljarðar króna.
ÚR MORGUNBLAÐINU 2. APRÍL, 2007
Tchenguiz eltist við La Tasca
FASTEIGNAJÖFURINN breski, Robert Tchenguiz, heyr nú
baráttu við Blackstone-fyrirtækið um veitingahúsakeðjuna La
Tasca. Dótturfélag Blackstone, Tragus, hækkaði fyrir skömmu
yfirtökutilboð sitt úr 185 pensum í 192 pens á hlut, en
Tchenguiz hafði í millitíðinni boðið hluthöfum La Tasca 188
pens á hlut. Kaupþing fjármagnar yfirtökutilboð Tchenguiz.
ÚR MORGUNBLAÐINU 17. OKTÓBER, 2005.
KB banki meðal kaupenda í Somerfield
KAUPÞING verður meðal kaupenda í Somerfield-verslunar-
keðjunni en keðjan hefur tilkynnt að hún muni samþykkja
kauptilboð Violet Acquisitions-fjárfestahópsins sem er undir
stjórn fyrirtækjanna Apex og Barclays Capital, að því er fram
kom á fréttavef Finincial Times á laugardaginn.
Yfirtökutilboðið hljóðar upp á 1,1 milljarð punda, eða 197
pens fyrir hvern hlut í fyrirtækinu og kemur Kaupþing að fjár-
mögnun tilboðsins.
Ef af kaupunum verður mun Barclays eiga 25% hlut í fyr-
irtækinu og Apax og auðkýfingurinn Robert Tchenguiz sinn
hvorn 34% hlutinn. Kaupþing eignast svo afganginn, eða 7%
hlut, ásamt stjórnendum Somerfield, þar á meðal kaupsýslu-
manninum John Lovering, sem mun taka við stjórnarfor-
mennsku í fyrirtækinu af John von Spreckelsen, að því er fram
kemur í frétt FT.
Þar segir enn fremur að Kaupþing eigi einnig nokkuð
stóran hlut í fyrirtækinu óbeint í gegnum Tchenguiz.
Viðræður um kaup á Somerfield hafa staðið yfir lengi, en
samkeppnin um fyrirtækið hófst í febrúar síðastliðinn þegar
Baugur Group lýsti yfir áhuga sínum á keðjunni. Baugur fékk
síðar Apax, Barclays og Tchenguiz inn sem samstarfsaðila og
sem kunnugt er dró Baugur sig svo úr fjárfestahópnum í kjölfar
þess að forsvarsmenn fyrirtækisins voru ákærðir.