Frjáls verslun - 01.05.2007, Blaðsíða 44

44 F R J Á L S V E R S L U N • 5 . T B L . 2 0 0 7
Liv Bergþórsdóttir
framkvæmdastjóri Nova
Liv Bergþórsdóttir er einn kunnasta konan
innan símageirans á Íslandi. Hún er fram-
kvæmdastjóri símafyrirtækisins Nova – sem er
í eigu Björgólfs Thors Björgólfssonar – og þar
eru núna um tólf starfsmenn. Félagið starfar á
markaði með þriðju kynslóð farsíma en fram-
undan eru spennandi tímar á þeim vettvangi.
Liv var um árabil hjá Tali og áður en hún réði
sig til Nova var hún framkvæmdastjóri Sko.
Signý Guðmundsdóttir
Guðmundi Jónassyni
Signý er framkvæmdastjóri hinnar kunnu
ferðaskrifstofu Guðmundar Jónassonar.
Þetta er harðsnúið fjölskyldufyrirtæki sem
unnið hefur verðugt frumkvöðlastarf innan
ferðaþjónustunnar. Signý er dóttir fjalla-
garpsins og stofnandans, Guðmundar Jón-
assonar. Hún hefur lengi látið til sín taka
innan ferðaþjónustunnar og haft þar áhrif.
Huld Magnúsdóttir
Össuri í Bandaríkjunum
Huld Magnúsdóttir er framkvæmdastjóri hjá
Össuri í Kaliforníu. Hún hefur starfað fyrir
Össur í Bandaríkjunum í nokkur ár. Hún situr
í framkvæmdastjórn Össurar í Norður-Ameríku
sem er stærsta markaðssvæði fyrirtækisins.
Guðný Rósa
Þorvarðardóttir
forstjóri Parlogis
EFTIR SOFFÍU MAGNÚSDÓTTUR
„Guðný Rósa Þorvarðardóttir er
góður og fjölhæfur stjórnandi,“
segir Soffía Magnúsdóttir, gæða-
stjóri hjá Parlogis. „Hún ætlast til
mikils af sjálfri sér og gerir kröfur
til fólks í kringum sig en gerir sér
þó grein fyrir takmörkunum og
kostum hvers og eins.“
Soffía segir að Guðný Rósa
sé óhrædd við að leita álits og
ráða hjá undirmönnum sínum
vegna stórra ákvarðana og að
hún taki öllum áskorunum með
jafnaðargeði og vinni að lausnum
þeirra hvort sem þær eru stórar
eða smáar.
„Guðný Rósa á auðvelt með
að vinna með öðrum og að setja
sig inn í hin ýmsu mál. Hún hefur
skýra framtíðarsýn og góða
yfirsýn yfir þau verkefni sem eru í
gangi hverju sinni. Hennar helsti
kostur er að virkja fólk til sjálf-
stæðrar hugsunar og átakalausrar
samvinnu. Hún styður vel við sitt
fólk og veitir því hvatningu á allan
hátt.“
Að sögn Soffíu hefur Guðný
Rósa skýra framtíðarsýn og mik-
inn kraft sem hún smitar sam-
starfsmenn sína af, bæði jákvæð
og drífandi en á sama tíma
raunsæ hvað varðar eðli verkefn-
anna.
– Soffía Magnúsdóttir starfar sem
gæðastjóri hjá Parlogis.
Guðný Rósa Þorvarðardóttir er for-
stjóri Parlogis, þjónustufyrirtækis sem
sérhæfir sig í víðtækri vörustjórnun
fyrir heilbrigðisgeirann. Fyrirtækið var
í eigu Atorku Group en var nýlega selt
og fylgdi Guðný Rósa með sem fram-
kvæmdastjóri.