Frjáls verslun - 01.05.2007, Blaðsíða 231

F R J Á L S V E R S L U N • 5 . T B L . 2 0 0 7 231
FÓLK
Nesklúbburinn á Seltjarn-arnesi er einn elsti golf-klúbbur landsins. Þegar
hann var stofnaður 1964 voru
aðeins fjórir golfklúbbar á land-
inu. Nesklúbburinn hefur ekki
yfir miklu landssvæði á að skipa,
er staðsettur í náttúrperlu Sel-
tjarnarness, með sjóinn á flestar
hliðar. Það hefur því ekki verið
hægt að stækka völlinn í kjöl-
far mikillar fjölgunar kylfinga á
undanförnum árum. Árni Hall-
dórsson er framkvæmdastjóri
Nesklúbbsins og hefur fylgt eftir
miklum breytingum á vellinum
og golfumhverfinu í heild: „Segja
má að búið sé að endurnýja allt
sem hægt er að endurnýja, nýjar
brautir hafa verið lagðar og eldri
lagðar niður, flatir og teigar hafa
verið endurnýjaðir og klúbbhús
verið byggt, svo eitthvað sé nefnt.
Hvað varðar stækkun þá er hæg-
ara sagt en gert að framkvæma
hana, en aðsóknin í klúbbinn
hefur verið mikil og eru nú 630
félagar, sem er mjög mikið þegar
um níu holu völl er ræða, og
langur biðlisti. Það hefur verið
grófhannaður par 3, níu holu
völlur, sem pláss er fyrir en leyfi
hefur enn ekki fengist og alveg
óvíst hvenær það fæst, ef það
fæst. Hér er mikið fuglalíf og
vernduð svæði.“
Hvað varðar fugla á Seltjarn-
arnesinu þá er Árni spurður um
kríuna, sem hefur verið einkenni
Nesvallarins og skelft margan
kylfinginn: „Það er því miður
ekkert gott um hana að segja.
Hún er mætt, en annað árið í
röð verpir hún ekki og það eru
ekki góðar fréttir. Hér er aftur á
móti fullt af mávum og ef krían
tæki upp á því að fara að verpa
þá myndi mávurinn óðar vera
búinn að krækja í ungana.“
Starf Árna felst í að sjá um
daglegan rekstur golfklúbbsins
og fer hann í öll verk þegar svo
býr undir. „Í fyrsta skipti í fyrra
var ráðinn vallarstjóri í heilsárs
starf, Jóhann Pálsson heitir hann
og ég er því minna úti á velli,
en ég á það þó til að taka rúnt
á æfingasvæðinu og tína upp
kúlur.“
Eiginkona Árna er Valborg
Birgisdóttir, grunnskólakennari
við Mýrarhúsaskóla, og eiga þau
þrjú börn. Þau eru búsett á Sel-
tjarnarnesi og segist Árni hafa
búið á Nesinu síðan 1962 og vill
hvergi annars staðar búa. Golf
er eins og gefur að skilja ekki
aðeins vinna Árna heldur áhuga-
mál: „Ég kemst ekki mikið í golf
á sumrin og hef aðeins leikið
þrjá 18 holu hringi það sem
af er sumri. Starf mitt er mest
yfir sumarmánuðina og ekkert frí
nema á veturna. Við eigum íbúð
á Florida, í Ventura í Orlando,
þar sem fjölmargir Íslendingar
eiga fasteignir og þangað fer ég
með mína fjölskyldu í frí. Var
með alla fjölskylduna yfir jólin,
en kom heim á gamlársdag,
aðallega vegna þess að krakk-
arnir vildu vera heima á gaml-
árskvöld, svo fórum við hjónin
þangað yfir páskana og þannig
verður það meðan ég starfa sem
framkvæmdastjóri Nesklúbbs-
ins. Fríin eru ekki tekin á hefð-
bundnum sumarfrítíma.“
framkvæmdastjóri Nesklúbbsins
ÁRNI HALLDÓRSSON
Árni Halldórsson
segir kríuna mætta
á Nesvöllinn eins
og undanfarin ár,
en annað árið í röð
er ekkert varp.
Nafn: Árni Halldórsson
Fæðingarstaður: Reykjavík,
Foreldrar: Anna Soffía
Halldórsdóttir (látin) og Halldór
Júlíusson.
Maki: Valborg Birgisdóttir.
Börn: Anna Soffía, 26 ára,
Birgitta 20 ára, Árni Jóhann
15 ára.
Menntun: Vélvirki.