Frjáls verslun - 01.07.2008, Síða 36

36 F R J Á L S V E R S L U N • 7 . T B L . 2 0 0 8
Forsíðu grein sprotaFYrirtÆKi
Tölvuleikir taka tíma. Spilamenn sitja við dag og nótt og spila á Netinu. Svo verða þeir fjölskyldumenn og hafa ekki lengur tíma til að spila. Hvað gera þeir þá? �ú, stofna fyrirtæki sem býr
til leiki fyrir þá sem ekki hafa tíma til að spila.
Það er nákvæmlega þetta sem er upphaf leikjafyrirtækisins Gogo�
gic í Brautarholti. Þar eru búnir til vefleikir fyrir þá sem ekki hafa
mikinn tíma til að spila.
Nafnið segir okkur ekkert annað en það að það eru bæði spilamenn
og markaðsmenn sem standa að þessum sprota. Það er stundum talað
um að stafirnir „go“ fari vel í fólk. Það er gott að hafa þá í nöfnum
við markaðssetningu. Síðan sýndi leit á Netinu að stafasamsetningin
„gogogic“ hafði ekki verið notuð áður. Því var lénið skráð og leit að
fyrirtækinu Gogogic leiðir til þess að sprotinn í Brautarholti kemur
alltaf fyrst upp.
Svona hugsa menn í þessum bransa. Þeir eru 13 saman núna við
vinnu hjá Gogogic. Tólf karlar og ein kona, sem sér um bókhaldið.
�ónas Björgvin Antonsson framkvæmdastjóri segir að því miður sé
leikjabransinn hér heima svolítill karlaklúbbur þótt stór hluti spilara
séu konur. Hjá Gogogic hafa þeir unnið í hálft þriðja ár að því að þróa
nýjar lausnir fyrir vefleiki.
Fyrsti leikurinn er þegar kominn út á Netið í vefsamfélaginu
Facebook og fleiri eru á leiðinni áður en lagt verður út á hinn stóra
markað á næsta ári. �ónas segir að fyrirtækið búi til smáleiki fyrir þá
sem ekki hafa tíma til að spila stóru vefleikina. Það eru leikir eins og
World of Warcraft og Eve Online frá CCP.
„Hugmyndin er að spilararnir geti gripið í að spila þegar þeim
hentar án þess að allt tapist á meðan þeir eru fjarri,“ segir �ónas. „Vef�
leikirnir ganga oft út á að spilararnir keppa sín í milli og koma sér upp
eigin ríki eða veldi á Netinu og það tekur tíma að verjast og byggja
upp. Þetta eru kallaðir fjölspilunarleikir.
„Hugmynd okkar er að menn geti náð árangri þótt þeir spili ekki
nema ef til vill tíu mínútur á dag,“ segir �ónas. Þetta má kalla fjöl�
skylduvæna fjölspilunarleiki.
Fyrstu smáleikirnir frá Gogogic eru ókeypis á Netinu. Síðar er ætl�
unin að afla tekna með sölu og auglýsingum og fyrirframgreiðslum.
„Stóru leikirnir eru oftast seldir í mánaðaráskrift,“ segir �ónas. „Það
hentar oft ekki smáleikjunum þar sem notendur þeirra hafa ekki alltaf
tíma til að nýta sér áskriftina. Hugmyndin er því að selja aðgang með
líkum hætti og gert er í Frelsi símans. Spilamaðurinn kaupir ákveðna
hleðslu og getur sjálfur stýrt því hvenær hann notar hana.“
Enn sem komið er hefur Gogogic ekki selt aðgang að eigin
leikjum. Leikirnir, sem eru aðalviðfangsefni fyrirtækisins, hafa því
enn litlum tekjum skilað. Hins vegar hefur þróun þeirra verið kostuð
af öðrum tekjum fyrirtækisins og fé fjárfesta.
Í hópnum sem stendur að Gogogic eru bæði tölvufræðingar og
markaðsmenn sem kunna meira en að búa til leiki. �ónas segir að
fyrirtækið hafi frá upphafi haft tekjur af gerð margmiðlunarefnis og
auglýsingaborða fyrir vefsíður. Þeir sem fara til dæmis inn á mbl.is sjá
þessa framleiðslu.
„Fyrirtækið hefur frá fyrstu stundu haft eigin tekjur og getað fjár�
magnað sig mikið sjálft. Okkur var í upphafi sagt að þetta væri bara
vitleysa,“ segir �ónas. „Við ættum heldur að fara út á lánamarkaðinn,
þar væri nóg af peningum meðan við værum að þróa vöruna. Núna
er lánsfjármarkaðurinn þurr, vextirnir gegndarlaust háir, en við getum
fjármagnað þróunarvinnuna úr eigin rekstri.“
�ónas segir að frá upphafi hafi fyrirtækið verið skipulagt og rekið
sem alvöru fyrirtæki. „Það er mikilvægt að hafa alla umgjörðina rétta
frá upphafi,“ segir hann. „Við höfum gert okkar viðskiptaáætlanir,
endurnýjað þær og fylgt þeim eftir. Núna erum við komnir lengra á
veg en við þorðum að vona þegar fyrirtækið var stofnað.“
Gogogic
va l dir s pro ta r
Fyrirtækið hefur
frá fyrstu stundu haft
eigin tekjur og getað
fjármagnað sig mikið
sjálft. Okkur var í upp-
hafi sagt að þetta væri
bara vitleysa.
Jónas Björgvin Antonsson hjá vefleikjafyrirtækinu Gogogic:
viðsKipTi eru leiKur
Jónas Björgvin Antonsson
hjá leikjafyrirtækinu Gogogic.